فطوري غير زوجي

أمس يوم جاء زوجي من صلاة الفجر قال : ابي فطور (وهو يناظرني بعين احس انها تقول ابي فطور غير شكل )قلت طيب تبي شكشوكة ولا (ساندويتش تونة)هو يحب هذا الساندويتش اللي اسويه فيقالي الحين قفزت قفزة من نوعها (حسيت انه خاب امله وانكسر خاطره وقال في نفسه الله يعين على ذا العجازة ) يوم شفت انه ماش تغير وجهه يوم سألته جت في بالي فكرة احط بوفيه فطور قلت : تبي الفطور الحين ولا اذا وديت العيال للمدرسة قال عقب ما أوديهم واول ما طلعوا فتحت الثلاجة وطلعت كل المعلبات وأنواع الأجبان واللي أعرف انه مهوب لامسهن بس قلت ياله تكثر وأطلع الصحون الصغيرة حقت السفرة اللي غالبا ما نحطها للحلى با قولكم وش حطيت لاني خسارة ما أمداني اصور الرجال انهبل ماصدق حطيت كل شي طبعا في صحن لحاله1- شرائح خيار
2-شرائح طماطم
3- جبن شرائح
4- جبن كيري
5- زبادي
6-زيتون
7- زبدة فول سوداني
8- مخلل
9- تونة
10 -بيض عيون
والخبز قطعته مثلثات وحطيته بصحن وغلفته لأن ما عندي سلة صغيرة وحطيت شاهي في ابريق الصين وأكواب الطقم معاه وسكر خارجي وحطيت ابريق حليب
بس ما تتصورون وش لون استانسقال ماتوقعت ان كل هذا بالثلاجة وانتي ما تحطين لي بصراحة فرحت وانقهرت بنفس الوقت قلت هذا اللي دايم احطه بس نوع واحد جبن وزيتون قال بس ولو نص المال نظره وقال لو انا متزوج وحدة ثانية وسوت لي هاشغل لأنهبل .سووها لرجالكم وادعوا لي مهوب تا كلون وتنسوني كل لقمة ادعولي