السلام عليكم ورحمة الله وبركاته
حيا الله جميع بنات حواء اخباركم جميعا وكيفكم مع الصيام والقيام
شدوا حيلكم حنا في العشر الاواخر من افضل الايام وفيها ليلة القدر
واكثروا من هذا الدعاء ( اللهم انك عفو تحب العفو فاعفوا عني )
اسال الله ان يوفقنا قيامها وصيامها وتقبل الله منا ومنكم
اليوم ابنزل لكم صورة سفرة فطوري يوم &12& من رمضان كانت عندي عزيمة بسيطه
ضيوف خفيفين بس رجل وزوجته وطبعا ماكثرت لانهم شويين ولان زميلتي محذرتني من اني اكثر
وماقصرت الله يجزاها خير شاركتني بالدونات وحلى للفطور الثاني
الفطور الاول مع الاذان القهوه والعصيرات والحلى وطبعا التمر والقشطه
تصدقون المفروض المراعي يعطوني القشطه مجانا من كثر ماسويت لهم دعايه
كل يوم لازم تكون مع فطوري وانزلها ماشاء الله خخخخ
ماشاء الله تبارك الله
سفرة الرجال
التمر سكري وبرحي
الفيمتو وعصير المانجو
حتى المويه مانسيتها صورتها لكم
بلح الشام
هذي كرات الجبن (اللقيمات المحشيه )
سمبوسة بالجبن والشيرة
يتبع
هذي الدونات زميلتي سوتها الله يعطيها العافيه
السفرة الثانيه بعد الصلاة
بيتزا دوار الشمس
مطبق الصينية لذيييذ وسهل
فطاير بالنقانق والشيدر رهيييبه بس النكته بنت زميلتي تسميها رجول خخخ
شفتوا التشبيه الله يكرم النعمه
هذا صحن السمبوسة باللحم والبف بالدجاج
شوربة كويكر بالدجاج والشعيرية
يتبع