فطور اخر دلع لزوجي

فعلا حبيبتي ما يبغالها شي اسهل شي الفطور سوي بان كيك زوجي يحبها علفطور وحطي نواشف ممكن تسوين تونه مطبوخه بيض عيون او بيض بالفرن اطعم واذا كان فيك شددددده ورووووقان بدل هذا كله سوي عصيده او خبزة مع السمن والعسل كمان احب اسويها لزوجي بس مودايما عشان ما يتعود ويحبها مررره وطبعا الفول البيتي يحبوونه الرياجيل اكثر من حق السوق سويه اختاري الي تبين من الاصناف الي قلت لك

مشكوره حبي بس كيف طريقة العصيده او الخبزه

مثل ماقالت الاخت حبيm
بس اهم شي طريقة التقديم تتفنني فيها

العصيدة عبارة عن ماء ودقيق اسمر وملح حطيها بقدر وعلى النار حركيها الين تحسينها نضجت ماعندي مقادير معينة انا احط المقادير على كيفي بالشكل الي احسه مناسب وتقدم اما مع ادام الطماطم او العسل
بالنسبة للخبزة مقاديرها حسب ماجربت وشفت انه انسب شي لي هي:
5 ك دقيق نص ابيض ونص اسمر
2ك ماء دافئ
ربع ك زيت
2م كبيره حليب بودرة
م كبيره سكر وم كبيرة خميرة و رشة ملح
تعجن مع بعض بس حاولي تطولين بالعجن حتى تختلط مع بعض زين وخليها تخمر ساعه اوساعه ونص لازم تطول بالخمر وتشوفين انها انتفشت وصار فيها فقاعات زي عجينة القيمات حطيها في صينيه مدهونه وعافرن اذا طلعتيها على طول اسقيها عسل وسمن بري
طبعا اذا بتسوين عصيده او خبزة لا تسوين معها شي وانا وزوجي نحبها مع الحليب بالهيل

اب