كيفكم جميعا صغيركم وكبيركم
والله يبارك لكم الباقي من الشهر
ويجعلنا واياكم من عتقائه
اليوم كان عندي دوريه الجيران بالفطور
وكان الفطور الاول عباره عن تمر وقهوه وحلى الجبنيه
صوره عامه للقهوة والتمر والجبنيه
صوره للتمر
الجبنيه
مقاديرها..
3 كاسات طحين + 3 ملاعق حليب بودره + ربع كاس سكر + ملعقه صغيره خميرة
بيضة واحده + نصف كوب جبن سائل + نصف ملعقه بكنج بودر + فانيليا +
ربع كوب زيت + ثلاثة أرباع كوب ماء
تخلط جميع المقادير مع بعض ثم تعجن بالدقيق
وهنا منظرعام للسفره بعد صلاة المغرب
شوربه الشوفان والكبسه والفطاير والسمبوسه وكفته الدجاج والحلى
الفطائر
اقماع بالدجاج..بيتزا..سبانخ..كروسون محشي مرتديلا..واللي على شكل كره محشيه جبن حلوم مع زيتون اخضر وطماطم
عجينتي المعتمده..
كاس ماء*فنجال سكر*رشه ملح*4ملاعق حليب بودره*بياله زيت*ملعقه خميره فوريه*ملعقه صغيره بكنج بودر*بيضه
تخلط مع بعض
ثم اضيف لها 3 كاسات دقيق
واعجنها واطول بعجنها
والكروسون اللي بالصوره اضفت للعجينه ريحان مجفف وزعتر مجفف
كفته دجاج بالبطاطس
طريقتها..
اسلق دجاجه وانتفها واضعها بجهاز ست البيت واضيف لها بقدونس وملح وبهارات
وملعقه جبن سايل وتخلط
بعدها اضيف لها بطاطس مسلوق ومهروس وجزر مبشور
واشكلها على شكل كرات وتغمس بالبيض والبقسماط
الكبسه والسلطه
السمبوسه نوعين باللحم والثانيه بالبيض
اللحم.. لحم معصج مع بصل وملح وبهارات وبعد ما ينضج اضيف له بقدونس مفروم وصنوبر
والبيض..اسلق بيض ويقطع صغار واضيف له قطع من الجبن المثلثات
الحلى تراميسو
طريقته..
نضرب علبه صغيره من قشطه الخفق حتى تنتفش
ثم نضيف ظرف كريم كراميل وظرف دريم ويب وعلبه قشطه طازجه بارده
ونضربهم سوا بعدها نضيف علبه جبن فيلادلفيا 200 جرام ويضاف سكر حسب الرغبه
بعدها تغمس البسكوت الخاص بالتراميسو بالنسكافيه ويصف بصحون التقديم ثم يوضع الخليط السابق بعدها ترش بالكاكاو البودره
ثم تكرر نفس الخطوات السابقه ويوضع بالثلاجه
وعليهم بالعاااافيه
