هلا إختي والله يعطيك العافيه على الموضوع
بالصراحه أنا نجديه من الرياض ومعروف عندنا ومن عاداتنا نتعيد بدري يعني بعد صلاة العيد مباشره والعيد يكون رز ولحم -جريش -قرصان
هاذا أكثر حاجه يسوونها
وياحلو عادات أجدادنا الرجال والحريم كل واحد يجيب معه طبقه معه وتعالو شوفو السفره العامره طبعا الرجال يجتمعون عند مسجد الحاره ومعروف المكان ولا عند كبير الحاره طبعا في الشارع
والحريم عند كبيرات الحاره
وبعض الناس يجتمعون عند قرايبهم
بس للأسف هاذي الضاهره بدت تندثر وبدوالناس مايتعيدون إلا الظهر وبعض منهم في الليل
بس كذا مأحس له فرحه لأن فرحة العيد تجي من الفجريه
أأأأأأأأأأأأأأأأأأأأأأأأأه والله ذكرتينا بطفولتنا
بس الحمد الله إن هالعاده مأزالت عند أهلي وحمولتي
وأنا إن شاء الله بسوي العيد جريش وبحط فوقه الرز وبعدين اللحم وحوالينه البيض المسلوق وبعدين بغطيه بقرصان رطب كذا لأن أبو الشباب يبيه يقول خاطري فيه
وكل عام ونتم بخير وينعاد علينا وعليكم

سبحان الله تختلف العاادات من منطقة للثانيه
عيدنا تقريبا كوفي بالحليب ولا حليب شاي
خخخخخخخخخخخخخخخخخخ
ويخب وفيه من يشربة وفيه من ينسااااااااااااه لحطه يبرد

بالنسبه لي حاطه في بالي مثل كل سنه الله لا يغير علينا كيكة قرص عقيلي --وكليجه بالسمسم

مع جاي الحليب المهيل-----ونخي (بليله) وباجلا--ودرابيل--اما اهلي كالعاده للشيبان عقب الصلاة عيش ولحم وعيش محمر ( بالسكر )- وكل عام والكل بخير-

هلاااااااااااا الغاليااااااااااااااااات ..... وتسلمووووووووووون على هاي الاطباق الحلوووووووووووه


وعيدكم مبااااارك وعساكم من عواااااااده
احنا هل بوظبي ........ عادة يكووووون الطبق الرئيسي الهريس.... والحلوياااااااااااات مثل البيتي فوووور واحنا نشتريييييه جاهز
وحلووووووى العيد السلطانية مييييييه لذيذه احلى شي في العيد واحنا عندنا السلطانية ما تنقااااوم واحنا نتريا العيد والسبه هااااي الحلوى .... اقدر اشتريها في غير العيد بس طعمها في العييييييييد
احلى وبس حتى غدا خلااااص ما نتغدى ..........
مع تحياااااااااااااتي:26:

نسيت اقول لكم

سبحان الله
اتسائل شلون الناس يصبحون على عيش ولحم
وتذكرت نفسي ايام العزوبية
يوم كنت افخ رقاد واقوم الظهر حزة الغدا واعطيها بالعشر
واخوي العود يضحك علي ويقول
في حد في الدنيا يقوم من النوم على عيش ولحم
هههههههههههههههههههههههههههههههه
وينة يشوف ويقرا بنفسة ان في مثلي خخخخخخخخخخخخخخ
الله لايضيع علينا هالعوايد الحلوة
وعيدكم مبارك