اليوم جبت لكم وصفة من وصفات العائلة الخاصة سهلة ومغذية ومفيدة وصحية
اولا المقادير: (الكمية تسوي 4اقراص متوسطة تكفي شخصين عاديين)
كاس طحين بر (الطحين الاسمر)
ملعقة حبة سوداء (حبة البركة)
ربع ملعقة ملح
ماء للعجن
نتابع الطريقة بالخطوات المصورة
تعجن بالماء شوي شوي بالملعقة لاتحطين الماء مرة وحدة لا حطي واعجني الين توصلين لنفس الكثافة
سخني الصاج او مقلاة زين لازم تكون حامية عشان مايلصق العجين وتتحمر بسهولة وسرعة
حطي كمية مناسبة وافرديها بالملعقة اوبيدك زي ماتحبين
وخلية يستوي استواء متوسط
وراقبية كل شوي من تحت مايطول دقيقتين 3 لكل قرص
تحمير خفيف زي الصورة
وبعدين تكونين مشغلة الفرن من فوق وتحطين القرص يتحمر من فوق
الحين طلعتيه من الفرن مباشرة حطية بكيس واربطية او حطية بالحافظة عشان يحافظ على رطوبته وحرارته الين تخلصين كل الاقراص وكل ماخلصتي واحد حطيه معه .
وتكملين بقية الاقراص بنفس الطريقة
يتبع
كوب حليب ونص في الابريق و3 ملاعق طعام شعير محمص و مطحون . وتحلينه بالعسل 3 ملاعق عسل بعد مايغلي
وخليه يغلي يغلي مع بعضة شوي يعني 5 دقايق ممكن تسوينه وانتي تخبزين براحتك بس عشان مايبرد
والحين جيبي الخبز وحطي علية ملعقة جبن اي نوع اللي تحبين
وعلى قلبك بالعافية
وهذا فطوري واحيانا اسويه عشاء تفضلوا ....
الحين عرفتوا ليه مغذي وصحي ولذيذ لان فيه الالياف في القمح والشعير والعسل الطبيعي والالبان في الحليب والجبن وايضا الحبة السوداء لذيذة مع المعجنات.
اتمنى ينال اعجابكم وتصنعة ايديكم وتتذوقه عائلاتكم وبالعافية عليكم