صباح / مساء الخير لأحلى حوائيات
امس لما جيت أسوي الفطور لزوجي أحترت إيش أسوي بدل الجبن والبيض والنواشف
قلت خليني أسوي له بانكيك عالسريع وهذي طريقته يالغاليات
المقادير::
كاستين دقيق
ملعقة صغيرة فانيلا
ملعقة صغيرة بيكنج بودر
رشة ملح ورشة سكر
3ملاعق حليب بودرة
ملعقتين زيت
موية
الطريقة::
نخلط جميع المقادير الجافة مع بعض
نحط عليهم الزيت ونضيف الموية مع الخفق بالمضرب اليدوي وإذا حبيت الكهربائي برضوا عادي لحد مايصير قوام الخليط وسط (لاهو خفيف ولاهو ثقيل) ونغطيه ونخليه 10 دقايق
نحضر طاوة صغيرة مدهونة شوية زيت ونصب مقدار فنجان شاهي من الخليط فيها
نخليها على نار هادئة لحد ماتتكون فقاعات وتتحمر الأطراف شي بسيط(تراها ماتطول ببسرعة تتحمر يعني خليك جنبها عشان ماتنحرق)
نقلبها عالوجه الآخر لحد مايتحمر ونشيلها ونكمل بنفس الطريقة حتى ينتهي المقدار (طبعا كل ماأستوت وحدة أحط الثانية فوقها عشان ماتبرد)
بعد مانخلص منها نرصها فوق بعض في صحن التقديم ونرش عليها شوية عسل ونحط عليها شريحة زبدة وأستمتعوا بالطعم..
بإنتظار ردودكم ياحلواااااااااات
سلمت يمينك