اليوم يا يبتلكم فطيرة الألوان ماخذه فكرتها من إحدى الأخوات في هذا المنتدى كان بعنوان >> بيتزا الكودو << على مااعتقد
بس ماني ذاكرة اسم الاخت المهم اني انا سويتها بخلطتي السريه وسميتها فطيرة الالوان لانها تحتوي على اكثر من نوع والوان من الخضار الشهيه
بأسم الله وذكرو الله
اتسوين اي عجينه للفطاير تظبط معاج انا استخدمت عجينه العشر دقايق وظفت لها علبه روب وملعقه وسط بيكنق بودر العجينه مقدارها كبير اتسوي خمس مواعين من الحجم الي انا مستخدمته _ وفردتها بالصينيه وبعدين دهنت الوجهه بخليط من (ملعقتين اكبار مايونيز +3 ملاعق كبيره جبن سائل +ملعقه او اكثر من الكتشب +ملعقه ماء ليسهل الخلط )هذا المقدار لفطيرتين >>لاحظو الون اشلو صاير وردي تحت الخضار بعدين اكون امجهزه 3 همبرجر دجاج مشوي او مقلي حسب الذوق واقطعه مكعبات واحمس بصل وثوم بزيت زيتون ثم اضيف الهمبرجر المقطع واحمس واحط اشوي من صلصه الباربيكيو موجوده صورتها في الموضوع واشوي صويا صوص واشوي دبس الرمان ملعقه وسط وقليل من الاوريقانو او البهارات الايطاليه واشوي ذره واحمس اشوي بعدين احط نص الكميه لاني سويت فطيرتين بهذه الخلطه وارش عليها فلفل رومي الوان ويكون مكعبات وزيتون حلقات وشوفو الشكل
وهذه عن قرب لتلاحظو الالوان والحمسه وشوفو لون الصلصه الي بالقاعده
والحين بعد ماحطيت الجبن وهو عباره عن رشه جبن رومي حسب الذوق موشرط يعني وجبن قشقوان او مزرولا بس القشقوان الذ وجبن اسلايت مقطع
وهذه بعد ماطلعتها من الفرن واستوت
وهذه بعد التقطيع عن قرب شوفو الالوان اتشهي تبارك الرحمن:p
ماشاء الله لاقوة إلا بالله ذكرو الله تكفون :(
والحين راح اشرح لكم فطيره العكاوي
وهذه فطيره العكاوي استخدمت باقي العجينه وسويت منها بيتزا وهذه الفطيره نفرش العجينه بالصينيه
وبعدين ادهن الوجه بقليل من صلصه الباركيو مسحه بسيطه يعني كل الوجهه امسحه بملعقه وحده تقريبا عشان النكهه بعدين اكون باشره جبن عكاوي حسب الرغبه وانقعه واشطفه عده مرات و اصفيه زين لانه مالح
ولازم اتصفينه زين عشان مايطلع ماي بالفرن واحط حلقات نقانق دجاج او حسب الرغبه بس انا ماحطيت على جهه عشان وحده من بناتي ماتحب النقانق المهم بعدين ارش الوجهه بجبن قشقوان او مزرولا ودخليها الفرن لما تستوي واشوي من فوق وبس قدميها بالعافيه لذيذه حيييييييييييل وطعمها روعه والله
وهذه صوره قريبه وشوفو الجبن اشلون ذايب تبارك الرحمن
ولاحضو صلصه الباربكيو اشلون خفيفه حيل بين الجبن ولا تنسون تذكرو الله وعليكم بالعافيه
ولا تنسونا بالدعاء الصالح وربي يصلح لي زوجي وذريتي يارب