فطيرة البطاطس الحلوة

السلااااااااااااااام عليكم
الوصفة هادي ماخذتها من كتاب بيتي كروكر و بجد لذييييييييييييذة و غريبة (sweet potatoe pie)
جربيها و بجد ما تندمي............
اخش الموضوع دغري....

مقادير العجينة:
2 كوب دقيق.
2/1 قالب زبدة و شوي.
1 م.ص ممسوحة ملح.
4-5 م.ك ماء بارد.
الطريقة: انخلي الدقيق و ضيفي الزبدة و الملح و الموية و اتركيها تبرد و ترتاح في الثلاجة.
مقادير الخلطة:
2 بيض.
2 كوب بطاطس حلوة مهروسة.
4/3 كوب سكر.
2/1 م.ص ملح.
1 م.ص قرفة.
2/1 م.ص زنجبيل مطحون.
4/1 م.ص كبش قرنفل مطحون.
3/2 1 كوب حليب مكثف.
الطريقة: اخلطي كل هادي المقادير مع بعضها.

بعدين خذي العجينة من الثلاجة و افرديها في صينية ال pie ((طبعا مو في بايركس و هي مدورة و ليها جوانب بس مو مرتفعه كثير)) بعد ما تدهنيها بالزبدة.
صبي خلطة البطاطس و حطيها في الفرن((من تحت)) لين ما تتحمر و تستوي (( لو ما تحمرت افتحي من فوق))

و بالهنا و الشفا