السلام عليكم ياأحلى حواااائياااات
كيفكم ؟؟
اليوم صورة لكم طبق الحلا حق فطوري اليوم الأثنين انا وأختي الله يقبل منا ومن كل مسلم
صراحة أحترت وش أسوي فخطرت ببالي فكره فطيرة التفاح وسويتها مثل هرفي<<لا بعد حقتي أحلى منه
يالله شوفوا الطريقه مع الصور
أول شي طلعي شرايح البف باستري من الفريزر وخليها لحد ماتفك الثلج
وجهزي التفاح ابشري لك كم حبة حسب كمية البف باستري بعدين حطيها على نار واطيه ومعها فنجالين سكر وملعقتين قرفه وقطرات من الليمون
خليها ممكن عشر دقايق بعدين طفي النار
جيبي شريحة البف
وافرديها بشكل طولي 
وقصيها من النصف
وأحشي كل وحده ثم سكريها مع الاطراف زين وأضغطي عليها بالشوكه عشان تضمنين ماتطلع الحشوه بالفرن
صفيه بصينية وأدهني الوجه بحليب مه نسكافه وثم ذري عليها شوية سمسم
طبعاً تكونين مشغله الفرن قبل بوقت ومن فوق وتحت
وتدخلينها الفرن وتراها ماتطول بسرعه تتحمر
طلعيها وشربيها نستله أو هيرشي وذري عليها شوية سقرفه يممممي
وعليكم بألف عاااااافيه