فطيرة التفاح ..........بس فطيرتي غير

بنات بلا مبالغه هذي الفطيره بالذات كل ما سويتها ومن اروح له
يسألني عنها لأنها هشه ولذيذه مع اني ما أحب فطيرة التفاح أكلتها
وجربوها وقولولي
أصبع زبده ذائب على حرارة الغرفه
ست حبات كيري
كاس ونصف دقيق
شوي ملح وشوي فانيليا
نخلطها اول من غير الدقيق بعين نضيف الدقيق بالتدريج
يمكن راح تتفتت في البدايه لكن تتعدل بعد العجن
نتركها ترتاح الين نصلح الحشوه وهي
حبتين تفاح مبشور مع نصف كاس سكر مع ملعقة قرفه مطحونه
على النار تحرك حتى يذوب التفاح والسكر ثم نشخلها بالشاخول
ونبدا نفرد العجينه وتقطع دوائر صغار يمكن بالبياله الخاصه للشاي
او فنجان قهوه ونضع على نصف الدوائر الحشوه والنصف الثاني نغطيها بها
ونضغط عليها من الأطراف بالشوكه عشان شكلها وندخلها الفرن من تحت ثم من فوق
قليل حتى تتحمر ولكن بشكل خفيف جدا واذا طلعناها من الفرن نكون مجهزين سكر مطحون مع قرفه مطحونه ونضعها عليها وهي حاره بعدين خليها تبرد شوي ثم كليها وبالهناء والعافيه حسبي الله على الظالم اشتهيتها على فكره تقدرين تفرزنيها زي ماهي خالصه
اذا جاك احد فجأه بس طلعيها وصفيها في الصحن ...................... والله مدري وش فيني اليوم هذرتي زايده