مراااااااااحب
كيفكم يالغاليات ,,,,,,,
اليوم جبت لكم فطيرة الدجاج روعه وسهله
كنت مره جوعانه واحترت وش اكل وقمت سويتها :cook:
المقادير ...
توست بر منزوع الأطراف
جبن سائل
بيضه لتغميس
كورن فليكس العادي مطحون اهم شي في الطبخة الكورن فليكس
زيت للقلي ....
مقادير الحشوة ...
دجاج مسلوق
بصل + ثوم مفروم +كزبرة وشبت مفروم
فلفل +كمون + ملح +زعتر الأرغاينو مطحون
1م ك جبن سايل +1 م ص مايونيز +1 م ص طحينه سايله
طريقة الحشوة ..
يفرم الدجاج بعد سلقه فرم خشن
يشوح البصل والثوم حتى يصير ذهبي تضعين الدجاج والبهارات وتقلبيه حق 2 دقيقه وطفي النار وحطي الخضار بعد فرمها
ولما تبرد شوي حطي الجبن والطحينه والمايونيز وحركيها زين
طريقة الفطيرة ..
تفردي التوست بالفراده زين وتدهني اطراف التوست بالجبن السايل
ثم تحطي الحشوة وتقفليها زييين
وغمسيها في البيض ثم غلفيها بفتات الكورن فليكس
ثم اقليها في زيت حااااار جدا وبالعافيه ...:27:
ملاحظه ...
دايم اللبس نقت الدجاج بفتات الكورن فليكس وهذا سر من اسرار احد المطاعم المشهوره علشان كذااا تلاقيها مقرمشه مره مو مثل لما تحطي فتات الخبز او البقسماط .....
برطومه @brtomh_1
عضوة نشيطة
يلزم عليك تسجيل الدخول أولًا لكتابة تعليق.
قهوة الضيافة
•
شمـsunـس
•
شكلها لذيذه...........لكن بالنسبه لي التوست لما اقليه يشرب زيت....اخر مره سويتها ماقدرنا ناكلها من كثر الزيت اللي شربته..مع اني انزلها في الزيت وهو حار جدا لكن مافيه فايده
الصفحة الأخيرة