هلا وغلا بالجميع
مدري هذي الفطيره موجوده او لا
اذا كانت موجوده سامحوني واذا مو موجوده يارب تعجبكم
المقادير والطريقه سهله مره
اي عجينه تضبط معاك لانه انا اعجن بدون قياس بالبركه يعني
حشوة دجاج او لحمه او تونه مع خضار اللي تحبي
انا حشيتها دجاج مع جزر مبشور وبصل وجبن شرائح
نعجن العجينه ونتركها تخمر بعدين نفردها بصينيه مثل البيتزا تمام وانا دهنت الصينيه ثم رشيتها بشوية سميد عشان تقرمش العجينه والفكره هذي اخذتها من المنتدى من وحده من الاخوات مدري مين بس الله يجزاها عني كل خير
نضع عليها الحشوه وهي دجاج وجبن شرائح
ثم نغطيها بطبقة عجين ثانيه بس تكون اخف من اللي تحت
ندهنها بالحليب المخلوط بشوي زيت ونرش عليها سمسم وحبه سوداء وشوي زعتر ونتركها تخمر قبل ادخالها الفرن بعد ان تخمر ندخلها الفرن من اسفل ثم من اعلى
وهذا شكلها بعد خروجها من الفرن
وهذي قطعه لكم
وحياكم ربي على عشانا المتواضع وتراه مايواجه يعني سفرتنا الصغيره انا والوالده واخواتي
يارب الفطيره تعجبكم ودعواتكم الزينه لي