كل عام وانتوا بخير
مكونات عجينة العشر دقايق:
3 كوب دقيق
ملعقه كبيره سكر
نصف ملعقه كبيره خميره فوريه
2 ملعقه كبيره زيت
ماء للعجن
مكونات الحشو:
نصف كوب زعتر
ربع كوب زيت زيتون
ملعقه كبيره صلصه
الطريقه:
فى اناء هنحط المكونات الجافه مع بعض
ونقلبهم
ونضيفلهم مية العجن بالتدريج
ونعجن وهتبقى عندنا العجينه طريه
ونضيفلها الزيت ونعجن مره تانيه ونغطي العجينه ونسيبها تختمر في مكان دافي لمدة ساعه
وهنحضر حشوة الزعتر في اناء هنحط كل المكونات مع بعض
ونقلبهم مع بعض كويس
ونقسم العجينه جزأين قد بعض
ونضغط على كل جزأ ونحط على كل واحد فيهم نص كمية الحشو
ونحطهم على بعض
ونفردهم بالنشابه
ونقطعهم شرايط بالمسطره عشان يبقوا حجم واحد
ونلف كل شريط بشكل حلزوني
وبعد مانلفه على نفسه نحطه في صينيه واللي بعده جنبه لغاية مانخلص العجينه والصينيه فهيبقى شكل الفطيره حلزوني
ومش هندهن وشها بيض لإن زيت الزيتون اللي فيها والصلصه هتخليها تحمر وتاخد لون حلو لما تطلع من الفرن وهنسيبها تختمر في الصينيه لمدة نص ساعه وندخلها فرن متوسط الحراره ومشغلينه قبلها بربع ساعه ونطلعها لما تستوي ووشها يحمر وده شكلها النهائي
تااااااااااااااااابعوني
هكمل المشاركه الجايه
مكونات العجينه:
نفس مكونات عجينة فطيرة الزعتر ونفس الطريقه طبعا
مكونات الحشو:
ربع كيلو جبنه شيدر
5 طماطم
4 فلفل اخضر
بيضه مخفوقه وفلفل اسود لدهان الوجه
الطريقه:
هنقشرالطماطم ونقطعها هي والفلفل ونشوحهم على النار عشان ننشف ميتهم
ونفرد العجينه على شكل مستطيل
ونحط عليها الخضار بعد مايبرد
وفوقهم الجبنه الشيدر
ونلفها على شكل رول
ونحطها في صينية الخبز وندهن وشها بالبيضه المخفوقه والفلفل الاسود
ونسيبها تختمر مره تانيه لمدة نص ساعه وندخلها فرن متوسط الحراره ومشغلينه قبلها بربع ساعه ونطلعها لما تستوي ووشها يحمر ونقطعها لما تبرد وطبعا تقدروا تغيروا الحشو ده او تزودوه حسب رغبتكم
وده شكلها النهائي
بالهنا والشفا