هذي طريقتي في فطيرة السبانخ عن جد لذيذة و هشة و الكل يحبها و سهلة ودايما يطلبونها مني
اول شي سوي العجينة هذي العجينة قطنةو هشة و طريقتها مضمونة و سهلة
شوفو حطي في الخلاط
2 كوب طحين كويتي
ملعقة و نص طعام خميرة
ملعقة طعام ب ب
نص كوب زيت
ملعقة روب
2 ملعقة طعام سكر
رشة ملح
3 ملعقة طعام حليب بودر
ا كوب ماء دافي
و ضربيهم لمدة 3 الى 4 دقائق
و شوفو شكل العجينة
و بعدين احط كاس الخلاط في مكان دافي انا احط الخلاط في الفرن بدون ما اشغل الفرن او احيانا اسخن الفرن قليل عشان يكون دافي و اغطي الخلاط و بعد 15 دقيقة تكون بهالشكل
و بعدين حطيت 2 كوب طحين و ضربتهم بالخلاط لمدة دقيقتين
و حطيت العجينة في وعاء مدهون و تركتها تخمر لمدة ساعة الا ربع
و تكون العجينة جاهزة للاستخدام
في اثناة العجينة ما تخمر انا اسوي السبانخ
السبانخ انا اشتريه جاهز مججمدو هذا احسن نوع انا جربته و هذي صورته
طريقتي في طبخ السبانخ مميزة و لها طعم لذيييييييييييييييييييذ
في الجدر اضع بصل شرايح
و بعد ان يذبل البصل اضع السبانخ و هو جامد
و اذا ذاب السبانخ اضع ملعقة متوسطة كمون و ملعقة متوسطة ملح و شوية بهارات و نص علبة صلصة طماطم و 3 ملاعق دبس الرمان و خليه على النار هادئة و حسيتي السبانخ قرب يستوي اضع فليلة خضرا مقطعة شرايح رفيعة يعطيه طعم مميز و خليه على النار لمدة 5 دقايق
الحين السبانخ استوى
اخذ العجينة و اقسمها 4 اقسام
ارق القسم الواحد على شكل مستطيل و احط السبانخ بهذا الشكل
و بعدين اغلق العجينة و تكون مستطيلة الشكل و ادخلهم الفرن الى ان تنضج العجينة
و بعدين اقطعها مستطيلات و قدميها بالف عااااااااااااااااااااااااااااااااااافية
و هذي قطعة للي ترد اولوحدة شوفو العجينه شلون هشة
و لا تنسوني من دعائكم
ننتظر نذوقها منكـ ^_^ ..
الله يعطيك العافية .. ويحقق كل منآك يارب ^_^ ..