السلام عليكم ورجمة الله وبركاته..
كل عام وإنتم بخير بمناسبة قرب شهر رمضان.. الله يبلغنا صيامه وقيامه لافاقدين ولا مفقودين ...
اللهم آمين
اليوم جبت لكم فطائر الكلوب و فطيرة السينابون ودونات محشية فالفرن..
هي الفكرة يمكن تكون موجودة لكن تختلف المسميات.. صراحة احترت في التسميات وعاد هذااللي طلع عندي..
نبدأ على بركة الله..بسم الله ما شاء الله .. لاقوة إلا بالله
أول شي فطيرةالكلوب مثل ما سميتها.. الكلوب ساندويش معروف ينعمل بالتوست ويكون طبقات أنا عملت
ششي شبية لكن بعجينة الفطائر..
الفكرة باختصار: استخدمي أي عجينة فطائر معتمدة عندك.. بعدين افرديها على قالب غلى شكل مستطيل..
الطبقةالأولى حشيتها دجاج مع مخلل خيار ميني قطعته حلقات وأضفت للحشوة مخلل فلفل أخضر(هندي)الجاهز أحب الطعم السبايسي
الطبقةالثانية بيض مسلوق مع رشة ملح وفلفل أسود وعلبة جبنة شيدر كرافت
ثمقطعيها مربعات.. بعدين كل مربع نقطعه بشكل قطري(من الزاوية للزاوية المقابلة)
بناتاعذروني شوي التصوير مو واضح لأني أصور من الجوال وفي نفس الوقت اشتغل وعاد عارفين حوسة العجن والطبخ.. وكمان اختصرت شوي فالخطوات..
هناالخطوات بالصور:
هذي صورة العجين قبل التخمير .. غطيتها بكيس نايلون وخليتها ترتاح داخل الميكرويف لأنه مكان دافئ تخمر في العجينة بسرعه..
وهنا بدأت أشتغل على فطائر الكلوب .. الحشوة خلاص جهزتها أثناء ما ارتاحت العجينة..
هنا خلصت الطبقة الأولى من الحشوة...
وهنا الطبقة الثانية (البض والجبن)
وهنا بعد ما خلصنا الطبقات.. ونمسحها بالحليب ..
هنا قطعتها مربعات ثم مثلثات..
وهذا الشكل النهائي لفطيرة الكلوب..
برجع لكم مع فطيرة السينابون و الدونات المحشية... انتظروني!
