اليوم عملت فطيرة باللحم مرا كانت لزيزة بس سامحوني التصوير جدا كان سيء لاني مرا كنت مشغولة وقتها ..
المقادير:
لحم مقطع مكعبات ( تقدري تستخدمي دجاج)
بطاطس مكعبات
جزر مقطع
كرفس
فلفل رومي
بصل
بزاليا
ملعقتين زبدة
كوب مرقة الدجاج
عجينة البف باستري
بيضة
صوص الباشميل ( تقدري تستخدمي النوع الجاهز او بالطريقة العادية اللي انتي تسويها)
فلفل اسود وملح
الطريقة
نحط الزبدة على النار وفوقها البصل الين يدوب ونحط عليها اللحم اللين تنشف الموية .. وبعدها نضيف الخضار ونقلب شويتين
نضيف مرقة الدجاج على الخضار ونقلب اللين ماتنشف الموية واللحم يكون استوى تقريبا
بعد كدا نعمل صوص الباشميل .. انا استخدمت النوع الجاهز حق كنور
نضيف الصوص على الخضار ونقلب شوية وبعدين نحطو في زبدية تنفع للفرن ونحط الخليط جوتها
نجيب العجينة ونفردها وبعدين ناخد على مقاس الزبدية بس اكبر شوية وندهنها بالبيض من الجهتين
وبعدين نحطها في الفرن تقريبا لمدة ثلث ساعة على درجة حرارة 220 او الين ماتتحمر من فوق بس انتبهو لازم تضغطي على اطرافها بقوة عشان ماتنفتح زي ماصار ليا
هادا بعد مااستوت في الفرن
مرا لزيزة ومشبعة :)
****لله تعجبكم وبالعاافية
