من بداية الالفيه الجديده وانا متابعه هذا المنتدى الرائع ولكن بصمت ، واستفدت منه كثير بس قررت اسجل واشارك معاكم فإن شاء الله تتقبلوا مشاركاتي واضيف لكم شي .........
فطيرة التفاح ذي ما أدري من وين أخذتها هل من هذا المنتدى ولا غيره فالسموحه لانها من فترة طويله ، والشكر موصول لصاحبة الموضوع ، وهي من حق طرية ولذيذه ما تشبعين منها ومطلوبه ، خواتي وصديقاتي يهلكوني يطلبونها دوم ......... ما اطول عليكم ونبدأ بسم الله بالمقادير والطريقه والصور على طول ........
أولا : الطبقة الاساس عبارة عن : كوب ونصف طحين + نصف كوب سكر + ثلاثة أرباع قالب زبده مقاس 200 جرام + رشه ملح
اعجني زين بتصير لينه ومكوره بعدين نوزعها على القالب وتقدرين توزعينها في قوالب صغار اذا عندج بوفيه أو ماخذتينها لاحد
ثانيا : الطبقه الثانيه : تبرشين تفاح أخضر من 3-4 حبات في مبشرة الجزر ، لاحظي اني قطعت التفاح الى ارباع وكل ربع مسكته وبرشته لين ما تبقى القشرة بايدي وممكن تعصري ليمون علشان ما يتأكسد
بعدين نوزعه على القالب ونرشه بقليل من القرفه
ثالثا : الطبقه الاخيره في الخلاط : بيضه ويا الفانيليا + نصف كوب سكر + علبة جيمر + 8 حبات جبن كيري
واخلطيهم زين وبعدين صبيهم فوق التفاح
رابعا الزينه : رشي شرائح اللوز مع القرفه ، وادخليها الفرن على حرارة 4 أو 150 او 180 لمدة 20 او 30 دقيقه أو تشمي رائحه الفطيره الرائعه / حمريها من فوق شوي وبالعافيه
وقطعه للحلوين
اتمنى نالت على استحسانكم ، وما راح تندمين بإذن الله ، اذا في استفسار من عيوني
