دى فطيره سريعه ولذيذه وان شاء الله هايحبها الاطفال كمان وهيا الى حد كبيرتطبيقى مع اضافاتى لتارت الجبنه للغاليه Ronii
دى مقادير رونى انا عملتها اكتر من مره:
1 كوب دقيق
1/2 كوب زبده جامده مقطعه مربعات
1/4 كوب ميه ساقعه
ذره ملح-ملعقه زعتر
300 جرام جبنه رومي مبشوره
1 كوب لبن
2 بيضه-فلفل اسود
في العجانه نحط الدقيق + الذبده + الملح و الزعتر
تعجن لغايه ما تبقي زي الرمل
و العجانه شغاله نزود الميه لغايه ما تعمل عجينه
نفرد العجينه في الصنيه
ترش مقدار الجبنه الرومي علي العجينه
نخلط البيض واللبن والفلفل مع بعض
و نحطهم علي الجبنه
تدخل الفرن لمده 45 دقيقه او لغايه ما تتحمر و نخرجها "يممممممم يمم ريحتها نجنن"
ترك تبرد شوه و تقطع و تقدم
اما المره التانيه لما افتكست بقى:icon28:
عملت حوالى كوب ونص دقيق وعليهم معلقتين زيت ونص لبة زبادى ومعلقة خميره ونص ملعقة بودر ورشه كربونات صوديوم ورشة زعتر وملعقة قشطه وملعقه سكر واكيد رشة ملح وكله فى العجانه ولو احتاجت مايه دافيه لغاية ماتلم معاكى وسيبيها شغاله عشان تبيض وتمط وسيبتها فى الطبق وغطيتها بكلينج فيلم وسيبتها ترتاح شويه بتاع نص ساعه لحد ماحضرت الحشوه وهيا عباره عن :
جبنه رومى مبشوره +ملعقة جبنه سايله +جبنه موتزاريلا +فلفل اخضر والوان مقطع ضغير +زيتون اسود مقطع صغير+مشروم معلب مقطع صغير وممكن بقى اى اضافات خضار او لحوم تحبوها +كوباية لبن +ربع كوب كريمه+بيضه +فلفل
فردت العجينه فى صينيه مدهونه ولازم اعملها جوانب فى الصينيه كويس وممكن اسيبها ترتاح تانى شويه عشان الخميره او اشتغل علطول ادهن الجبنه السايله على العجينه واحط الجبنه الرومى وبعدين الخضار اوزعه وفوقيه الموتزاريلا واكون ضربت الببيضه بشوكه وعليها شوية فلفل اسود وعليها الحليب والكريمه واصبهم بالرحه على الخليط وعشان كده عملنا جوانب للعجينه عشان السايل مايقعش بره ويتحرق وتدخل فرن هادى يعنى حوالى 175 او 150 عشان العجينه واللخليط يستوى براحتهم ومش بتاخد وقت ممكن تلت ساعه او اكتر شويه المهم لحد ماتلاقى الوش احمر وتسيبيها يا دوب دقيقتين تهدى وقطعيها وقدميها مع بطاطس محمره وصوص كاتشاب مع مايونيز وعصير وبالهنا والشفا انا رغيت بس هيا والله مش بتاخد وقت خالص وطعمها جميل
وده طبق لعيونكم
