المقادير حق فطيرة وحده :
كوب ونص دقيق بر وكوب دقيق ابيض
ونص ملعقه كبيره ملح وإضافة الماء بالتدريج
⠀
✨ خلطة الزيت :
نص كوب زيت نباتي
ربع كوب زيت سمسم
نص ملعقه صغيره سمن بلدي
⠀
(( والزايد من الزيت نحتفظ فيه بعلبه
وممكن تستبدلوها بزبده مخففه بزيت نباتي ))
⠀
الطريقه :
نعجن العجينة وكمية المويه على حسب العجن اهم شيء تكون شبه قاسيه وناعمه يعني ماتكون مره لينه واللي تعجن بيدها اقل شيء تعجنها من ١٠ الى ١٥ دقيقه وندهنها بزيت ونقسمها ونغطيها ترتاح ٢٠ دقيقه بالكثير كل ماارتاحت كل ماانفردت معانا بسهوله ونبداأ نفرد الكور الصغيره وبين كل طبقه وطبقه نمسحها بزيت ودقيق بر واخر شيء نفرد الكوره الكبيره ونمسحها بزيت ودقيق ونحط الطبقات الصغيره فوقها ونقفل عليه زي ماهو واضح بالفيديو ونخليها ١٠ دقايق على مايسخن الصاج نفردها وعلى طول على الصاج ونقدمها اما مع جبن او عسل او اي نوع ايدامات واذا تحبوا الفطيره لينه غطوها واكتموها مع البخار راح تتلين وتترطب جربوها مره لذيذه وعليكم بالعافيه
