فطيره كراث وجبن او زعتر وجبن لذيذه

مراحب على احلى البنات:27:
اليوم بنغير عن الحلويات اللي الله يستر ما تجيب لنا السكر
ونسوي فطيره بالكراث بس لا تقولون وع كراث اللي ماتحب الكراث
انا متاكده انه بتاكله في ها الفطيره لان طعمه غير والكراث المقصود فيه
كراثنا يا القصمان اللي نحبه ونموت عليه مع خبيزات حاره ....واو:23:
لان فيه ناس وطباخين يسمون البصل الاخضر كراث.


الطريقه
1- العجينه
كاس ماء + ملعقه كبيره خميره + ربع كاس زيت + 3ملاعق حليب بودره
بيضه + كاس ونصف طحين ابيض.
تخلطي المقادير السائله اول وبعدين تضيفي الطحين والحليب البودره وتعجني
حتى تتكون لديك عجينه ارق من عجينة الفطائر العاديه زي الكيك الغلاظ
خليها تستريح مدة عشر دقائق بعدين حطيها بصينية تيفال كبيره بحيث انها
ماتكون العجينه سميكه فيها وبعد ما تواسي سطح العجينه بالملعقه .

2- الحشوه
جبن سائل كرافت او المراعي او بوك اللي تحبي + كراث تقطعينه صغير
فلفل بارد مقطع صغير حبه وحده اونصف حبه.
بعد ما تواسي العجينه تجيبي الجبن السائل وتكوني مطلعته من الثلاجه من فتره
وتحطي منه في كيس البلا ستيك الشفاف وتربطي الكيس وتقصي زاوية الكيس
فتحه صغيره وتضغطي حتى يطلع الجبن وترشي الجبن على العجينه حتى تغطي ارضيتها
تقريبا بس ما تعبيها مره بعدين ترشي الفلفل البارد وبعدين تغطيها بالكراث
حتى تتغطاء بعدين حطيها بالفرن من تحت ولا تعلى على الفرن خلى النار وسط
يمكن تاخذنصف اوثلث ساعه تعرفينها من الجوانب اذا بدت تتحمر بعدين حمريها شوي
من فوق وشمي الريحه:o:23:تجنن من غير مبالغه.

وفيه حشوه ثانيه لها وهي بعد ما ترشي الجبن ترشي زعتر وتتبعي نفس الطريقه
وعوافي على قلوبكم:44:ان شاء الله تعجبكم

:cook:برحيه

دعواتكم لاختي ام الوليد بالصحه والعافيه والمسلمين اجمعين