فطير المشلتت المصري اخذت الطريقه من شيف في برنامج في قناة الديرة

السلام عليكم
مرحبا بنات هذي طريقه فطير مشلتت اخذته من برنامج قهوة الديره في قناة الديرة وجربته مررررررررررررررره رهيب وسهل
المقادير:
50غرام زبده
2ونصف كاس طحين
نصف كاس دافي مذوب فيه ذره ملح
ونصف كاس ماء عادي
3\4 كاس زيت
الطريقه:
نضع الدقيق مع نصف كاس الماء الدافي مع الملح وتعجن ثم نصب باقي الماء بالتدريج وطبعا على حسب نوعيه الدقيق تحددي كميه الماء انا استخدم الدقيق الكويتي
تعجني لما تحصلي على عجينه متماسكه تدهنيها بالزيت واتركيها خمس دقائق
بعدها افرديها على شكل مستطيل بسماكه نصف سم
وصعي الزبده عليها كلها طبعا الزبده سايحه بدرجه حراره المطبخ
ثم لفيها مثل السويس رول وبعدين قطعيها 3 قطع
كل قطعه كوريها واتركيها عشر دقائق
بعدها افردي كل قطعه لما تكون شفافه ورقيقه مره على شكل دائري
ثم رشيه بالزيت من 3\4الكاس الزيت المذكور بالمقادير
وبعدين اثني الطرفين على الجوانب الي الداخل
والطرف اللي فوق واللي تحت اثنيهم اللي الداخل
تطلع عندك مربع مثل الظرف
بعدها اجمعي زوايا المربع الي الوسط
وحاولي تلملمين العجين لما تتكور شوي وخلي الزوايا بلاسفل
وضعيه بالصينيه اللي بالتدخل الفرن وطبعا باعدي القطع
ورشيه بالزيت
واتركيه عشر دقائق
وقبل ماتدخلينه الفرن
اغمسي يدك بالزيت واضغطي على قطع العجين وبططي براحة يدك لما تصبح قرص
سميك شوي
تدخل الفرن اللي شغلتيه من قبل على حراره 350
حوالي ربع ساعه الى 20 دقيقه
مره حلوه منفوخه وهشه ومتورقه
اتمنى فهمتو على الشرح :)
وبهالناء والعافيه
طبعا ممكن تحشينها قبل الخبز
حشوه بسبوسه
او جبنة حلوم ونعناع
انا جربتها ساده وسقيتها بشيره ورشيتها بفستق
وممكن ساده بدون شيره
طبعا تحشونها في مرحله لما تفردونها واهي دائريه وتحشونها ثم تصفطونها مثل الظرف المربع
لاتنسوني بالدعاء يالغاليات :)

واجمعيه وكوريه واتركي الزوايا اللي الاسفل وضعيه غي صينيه متباعده