فعالياتكم لعيدالاضحى (خاص للاسر الوحيدة)🤕

السلام عليكم
بما ان عيد الاضحى (اللحم) و عيد الفطر (الحلوى)يختلفون عن بعض في الاجواء النفسيه والجسديه وغيرها وبما انني من ضحايا الوحده في هذا العيد بسبب ان جميييع اقاربي في المنطقه راحو للحج وبما ان كثيررررر من النساء يمرون بمثل حالتي 🤪 ف قررت اعمل هالموضوع لنُسعِد فيه انفسنا 🤨
لا نريد ان نعلق سعادتنا ب اناس اخرين اذا غابو معنى ذلك ان السعاده ليس لها محل بيننا بل نريد ان نعيش اجواء وروحانيات العيد حتى في غيابهم
هذا الموضوع خاص بالاسره الوحيده اللي ماعندها اهل بالمنطقه وجيرانها وصديقاتها وقرايبها كلهم سافروا ومابقى الا هي واهل بيتها فقططط يعني لا اهل زوج ولا اهل زوجه ابد مالك الا تبحثي عن مخرج للتنفيس في هاليوم


في هذا العيد السعيد اسرتي تتكون من : انا وزوجي فقط
غيري بيكون هي وزوجها واطفالها احس المسؤوليه اكبر لان فيه اطفال 😭
كيف يكون اول صباح لعيد الاضحى ذكريات لا تنسى
نبغى افكار جميله نفيد فيها بقيه البشر بصراحة انا اواجه صعوبه في مثل هالعيد (عيدالاضحى)
لان عيد الفطر عندي امره سهل والحياه فيه جميييلة وذكريات حلوة فنادق وبوفيهات مفتوحه ومطاعم
اما عيد الاضحى ماينفع فنادق ولا بوفيهات ولا مطاعم وقتها لان فيه لحم تذوقيه وتطبخي منه
تعرفون عيد الاضحى اضحيه ودماء وتنظيف والا شكلك وكشتك طارت وانتي لك ساعه بالليل تستشوريها والكحل ساح والاظافر تكسرت والحناء راح 😭 وياليت هالزوج شاف الكشخه قبل هالحوسه والذبيحه 😒 نبغى شي يسعدنا بعد هالحوسه 🌱
اوووكي وثاني شي اي فعاليات تقام بالمنطقه اللي انتي فيها اذكري لنا متى اوقاتها باول يوم بالعيد او ثاني يوم و بالصبح او المساء و بالمنطقه الشرقيه او الغربيه وهكذا
ب ابدا بنفسي ويومي بيكون هكذا
(انا وزوجي فقط) بالعاده ليله العيد انظف البيت كامل والحمامات ويبقى لي الصبح تبخير وتعطير البيت كله وايضا اجهز من الليل الاكلات اللي ب اقدمها الصبح بعد صلاة العيد عشان ما يروح وقتي كله بالمطبخ والاجواء الحاره
مثل خبز الفرن يكون العجينه جاهزه من الليل وعالفجر ادخلها الفرن
صحن الحلى يكون جاهز من الليل وبالثلاجه وتتقدم مع القهوه بعد صلاه العيد
صحن وفيه تمر و فناجين القهوه والشاي والمكسرات جاهز بالمجلسً
اجمع اناشيد وشيلات كثيره واجهزها في السماعات اللي فيها الوان صباح العيد يتم تشغيلها اول دخول العريس 🤪 الزوج من صلاه العيد قبل لايروح يذبح الخروف
يكون فستاني جاااهز باقي ماشريت 😒
هالمره زوجي طلب دله قهوه وشاي وتمر للمسجد يمكن اجهزها 😍 له يعيش اجواء العيد بين جماعه المسجد 🌷
بعد مايجي الزووج من الصلاه الفجر والعيد نشغل الطقاقات 💃💃 والشيلات مع القهوة والمكسرات و بعد ساعه من تقديم القهوه والشاي واحضر الفطور بسيط جدا
لان اللحم ماجاء المفروض يكون هو فطورنا نسوي مقلقل كبده ولحم ومعرق مع خبز الفرن
بس دام الذبيحه ما بتجهز بدري فيكون فطورنا خبز الفرن وسمن وعسل ولبن وشكشوكة عدني وشاي عدني😋 طبعا بكميات بسيطه جدا مو شبع لان اللحم جاي
وبعد مايوصل اللحم وتقطيعه وتوزيعه وتنظيف البيت وتبخيره مره اخرى يكون جاء الظهر ننااااام
ونصحى العصر نخرج برى البيت احتمال يكون بقريه الدغيثر اذا فاتحين اول العيد او مكان ثاني باقي ما رتبت له (ساعدوني😪) اذا مافيه فعاليات بالمنطقه الشرقيه 😔

وقبل هذا كله المشغل قبل العيد بيومين او ثلاث لتغيير النفسيه اعملي سمكره كامله للجسم حمام مغربي وبدكير وصبغ شعر وتنظيف بشره وحف جسم وتشقير حواجب ونقش هذا لحاله عيد😍
احس كلامي مكرر ومبعثر بس اقبلوها بصدر رحب 😎
واعطونا عيدكم ننتظركم