الحمد الله الذي من علينا بنعمة الصحة والعافية
والحمد الله الذي من على اطفالنا لباس الصحة وقد احسن في خلقة عز وجل.
بالامس القريب اقامت" متلازمة داون " دسكا حفل بمناسبة اليوم العالمي لمتلازمة داون ..
هذي الجمعية اللي ما يعرفها ناس كثير ،وما فيه احد يتمنى انه يكون له قريب او حبيب يتردد على الجمعية .
بس اللي مو لازم انا نتجاهله دورنا تجاه هؤلاء الفئة الغالية على قلوبنا وكيف نقدر ندمجهم مع المجتمع او العكس كيف نقدر نخلى المجتمع يندمج معاهم :(
المهم فيه ناس تتبع اخبارهم من افراد وشركات بس الشركات على حد علمي لهم الدور الكبير في مثل ذي الانشطة لانهم يملكون امكانيات كبيرة وتقدر تنظم بشكل اكبر والمره الأخيرة كانت شركة موبايلي متواجده ودعمت الجمعية زي ما سمعت وشركة سعودي اوجيه وبرجر كنج كانو موجودين وغيرهم وحقيقة دور الشركات مره عظيم لانهم بكل امانه يدعمون الجمعيات الخيرية ويحرصون عليهم لان الشركات تحرص على تقديم الخدمات الاجتماية وتحرص على التواصل مع المجتمع .
ونظمت دسكا بالمهرجان فعاليات حلوة وممتعة للأطفال من برامج ترفيهية ومأكولات وللكبار محاضرات وامسية شعرية.
انا ودي اختصر عليكم الموضوع وافيدكم بان الفعاليات ما بعد انتهت وبيتم تنظيمها بالمدارس و المراكز التجارية
و الحدائق العامة و ودي اعطيم جدول عن فعاليتهم لانههم ناس يحتاجون من الدعاء والحضور والدعم والمشاركة
واخيراً ودي منكم لكم الدعاء للأطفال ان الله يمتعهم بالصحة والعافية وللناس اللي يعملون بالجمعية بالتوفيق وان الله لا يضيع لهم تعب وللشركات والناس اللي تدعم ان الله يجزاهم كل خير .
واخليكم مع جدول الفعاليات الموجود في الموقع اللألكتروني الخاص بالجمعية للي تحب تتطلع او تقدم اي عمل فيه خير وعسى الله يثبت اجري واجركم
http://www.dsca.org.sa
e7sasnmlah @e7sasnmlah
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️