هنادي ج :

السلام على احبابي  ماشالله عليكم ربي يزيدكم من نعيمه ويعطيكم سؤلكم يارب انامل ناعمة يااهلا وياسهلا بلي نوروا الهمم  من اليوم عارفة انه موضوعك بيكون مميز  الله يعطيك الف عافية  بس انا عم اشتغل واشتغل واشتغل ومالي نفس اصور شي ومابعرف شكلي مابشترك هالعام مع انه دايما تحضيراتي كتيرة قبل رمضان ربي بلغنا ياه ويقدرنا عالصيام والقيام  الياسمين عزيزتي عليم الله قلبي عندكم ويارب يفرج عنكم ماانتوا فيه ياحلوة انا كلمت احلى ام هيك لاني شفت شريط الحمل بتوقيعها  ولقيتها حامل بالشهر التاسع فاحوليت !!!!! قلت ماشالله حمل تاني غير اسامة ربي يسعده  جوى  حبيبة قلبي كيفك ؟؟  يلا هانت ياحلوة ، الله يطمن قلبي عليك  لاتنسي تبوسيلي جنو ربي يحميها من كل شر ويقر عينك فيها  ياحلوين سامحوني اذا ماعم اعرف ارتب افكاري وانا عم اكتب بس الحر شديد جدا والكهرباء مقطوعة ساعات كثيرة وصرنا عم نشعر باحساس  الفروج المسكين لما بيتشوي  شعوري متله وكأني عالشواية طول النهار والليل " الله يجيرنا من نار جهنم "  ومابدي اترككم لذلك عم اكتب على قدر قدرتي بهالظروف  من يوم مارجعت وانا مصممة احط برنامج لاولادي يمشوا عليه لانهم خلاص  تقريبا عيارهم فلت يعني مابدهم الا تلفزيون ونت وكان لازم وقفة شديدة طبعا مبارح كان كارثي لانه طول النهار جدال وجدال وجدال معهم لحد ماخلاص  قلبي راح يفقع بس الحمد لله اليوم بدأووا يهدوا ويلتزموا الله يرضى عليهم  انا دايما مع قول " نفسك ان لم تشغلها بالحق شغلتك بالباطل " لذلك انا متاكدة  اني اذا بتركهم على راحتهم راح يكون هالشي غلط مليون ببالمية مع انه هالشي راح يريحني جدا اني اتركهم يلعبوا ويتفرجوا على كيفهم المهم يتركوني  اعرف انظف بيتي بهدوء بس ربي جعلهم امانة برقبتي وهالشي يلي مربطني  ومخليني اتحمل وجع القلب كل ماحاولت افرض عليهم قانون جديد او واجبات جديدة  طبعا اصعب وضع هو وضع الصبي لانه مخنوق ويعلا قلبي كانه عصفور محبوس  يعني عم ينط ويقفز طول النهار وعم يبقى تعبان و بدو مجهود كبير يصرف فيه طاقته  يعني لاسباحة ولا كشافة ولا نادي قراء ولا مسجدد وبدنا ياه يخنق كل طاقاته  كانوا الناس يستغربوا ماشالله قدرته الجسمية ربي يحميه من كل شر كيف بيقدر  يبقى كل هالساعات الطويلة وهو عم يسبح بدون مايتعب  يعني مع ضعف قدرته عالحفظ والدراسة فهو مميز بقدرته الجسمية والعضلية  ولكن بفضل الله عم حاول اشغله على قدر استطاعتي فبعد الصلوات وقراءة جزء القران  وحفظ صفحة من القران صباحية واخرى مسائية  اتركه يصرف طاقته في تنظيف اكوام التراب في البناية هههههه شو اعمل بحالي  هو بيحب يشتغل خارج المنزل او يغسل سيارة ابوه وكل يوم بخترع شي شغلة جديدة  وطبعا بعدها حمام وقلب حنون لانه بيجيني اكوام الوسخ على شعره بس بهيك ظروف امنية ماعندي غير هالحل  اللعب علعبة wiii او ال x- box كمان عم يصرف جزء من الطاقة  وربي يعيني ويعينه  حاولت اخترع مواضيع فنيه نشتغل فيها متل صنع طائرة ورقية او رسم منظر طبيعي  يعني كل يوم نغم ويارب يجعل التوفيق لي اكبر رفيق  الصبية عندي الله يرضى عليها انتفخ قلبي وانا عم اتناقش معها وبالاخير طلعت بنتيجة انني انا اشتغل الاعمال اليومية متل وجبات الطعام والترتيب بالمطبخ والمحافظة على نظافته بالاضافة لاعمالي وهي بتغسل سيراميك البيت يوميا والحمامات كمان طبعا ماخليتها تغسل السيراميك يومين ورا بعض مبارح غسلت السيراميك واليوم نظفت الممرات عميق حيطانه ، مساحة الممر عندي حوالي 24،متر مربع  وانا طبخت مبارح واليوم وكملت تنظيف البيت وربي يعيننني لانه هيك لازم انا انظف المطبخ قبل النوم وانا بكون مع زوجي وبحب بنتي تعمل هالشي بس مشان خاطر الالتزام بالبرنامج  راح التزم مشان تبقى الامور ماشية على خير اليوم اول مرة بنتي بتنظف الحيطان وضحكتني يوم لقيت ايديها بتوجعها لانها مو متعودة بس معلش كل شي مع التمرين والتكرار بيصير عادة  اهم انجاز لي اليوم هو احضار اولاد جيراني والبدء بتسميع القران لهم ولاولادي معهم اذا وجدت نجاح في الفكرة بدعو بقية اولاد الجيران وهيك بيصر عندي عمل بحبه كتير  بس يارب يقدرني وربي يفتح علي وعليهم  مشكلتي باكوام الكوي يلي صارت جبال ولا جبال هيميالايا وهالشي بسبب السفر  والتنقل من بيت للتاني خلاني ماعدت قادرة سيطر عالكوي حاولت اتصل بشغالة تكويلي  ولحد الان نشف قلبي ومامن مجيب ويارب مايحيجني الاىلوجهه الكريم  مشكلتي ان امي تحتاجني هالاسبوع ضروري للتنظيف العميق بسبب ان عندها عزيمة يوم الجمعة ونفس الوقت ام زوجي بترجع تنام عندي يوم الخميس  والله تعبانة ومابدي شوف حدا بس ربي يتمم علينا نعمه ويعرفنا اياها بدوامها عليم الله الفيديوهات عم تخرب اعصابي عالاخير وماعم اقدر غير اني ادخل الحمام ابكي وحدي وارجع اطلع لاولادي وزوجي بوجه مبتسم وهالشي عم يخلي وتيرة الشغل عندي بطيئة  لاني تعبانة من جوا  خصوصا اليوم الفيديو يلي ضربوا فيه النساء الماشية في الشارع واعتقلوهم لا يحتمل  مابعرف هالاشخاص يلي عم يعملوا هيك من اي شي ء خلقوا ؟؟؟ هل هم من لحم ودم مثلنا !!!!!! لحد الان كل مامررت من امامهم لا استطيع ان ادعو عليهم فهم اولادنا اولا واخيرا  ولا املك الا ان ادعو لهم بالهداية ورب العالمين قادر على ذلك ولكن لحكمة لا اعلمها جعل العذاب والعياذ بالله المذكور في سورة الانعام يحل بنا : "  قُلْ هُوَ ٱلْقَادِرُ عَلَىٰٓ أَن يَبْعَثَ عَلَيْكُمْ عَذَابًا مِّن فَوْقِكُمْ أَوْ مِن تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ ۗ ٱنظُرْ كَيْفَ نُصَرِّفُ ٱلْءَايَٰتِ لَعَلَّهُمْ يَفْقَهُونَ "  ربي يصرف عنا هالعذاب بلطف منه ورحمة فهو ولي ذلك والقادر عليه  وهي انا وعم اكتب لكم بعد الفجر طلع صوت الانفجار شق الصمت  طفيت المراوح لاسمع منيح اذا في شي قريب مني ، والحمد لله بدات الاصوات تزيد ، الله يرضى عليكم كل ماسمعتم صوت الصمت بالليل لاتنسوا تشكروا ربكم عهالنعمة لاني عن جد ماكنت اشكر الله عليها لاني ماكنت عارفة قيمة الصمت وشو معناها  اللهم عرفنا نعمك بدوامها  استودعكم عند من لاتضيع ودائعه

السلام على احبابي  ماشالله عليكم ربي يزيدكم من نعيمه ويعطيكم سؤلكم يارب انامل ناعمة يااهلا...

TOTO 2012 :

اااااااااخ يا نموووولة والله هالسفرة تعبتني مو راضي يزبط الحجز للحين كل ما اقرر تاريخ احجز بالطيارة عن طريق النت وزوجي يروح يدفع عن طريق الصراف ما ينقبل يقولو علشان رمضان والعيد لازم تحجز قبل الرحلة بيومين تلاتة والاسعااااار شاطة نااااااار واذا ما لقيت حجز مستحيل زوجي يسفرني بر والله مالي شغل لشي بالبيت خصوصا اني كل يوم عند خالي"حماي"لان عمتي وولدها مسافرة عند اهلي بالاردن ومافي احد عنده فكل يومي عنده وما بروح على بيتي الا 12 بالليل ويمكن من اليوم ابلش انام انا وزوجي عنده فيعني خليها لربك ضيييييييييق ما يعلم فيه الا ربنا... حبيبتي حياكي الله باي وقت تقدري طبعا تشاركي يلا ورينا نشااااااطك والله مو عارفة ايش بدي رد عليكي مافي بيد الواحد الا الدعاء ربي ينصركم ويفرجها عليكم والله يجزيكي الخير على فكرة تحفيظ القران لاولاد الجيران ويحميلك ولادك

اااااااااخ يا نموووولة والله هالسفرة تعبتني مو راضي يزبط الحجز للحين كل ما اقرر تاريخ احجز...

TOTO 2012 :

نموووووووووولة بالنسبة للبيت مو شايلة همو كتير انا بالعادة بغطي الكنب بس زوجي الله يرضى عليه لمن اسافر بالعادة بنضفلو البيت التنضيفة اللي يحبها قلبك وهو بيصير يكنس البيت ويمسحو بديتول ويمسحب الغبرة عن الاثاث والمطبخ بينضفو اول باول ههههههههه والحمامات كمان لما رجعت المرة اللي مضت من عند اهلي كنت شايلة هم البيت بس انصدمت لمن شفتو متل ما تركته بس راح اعمل متل ما حكيتي الغبرة مو راحمة احد

نموووووووووولة بالنسبة للبيت مو شايلة همو كتير انا بالعادة بغطي الكنب بس زوجي الله يرضى عليه لمن...