اليوم حبيت اقدم لكم اضبط طريقة لقيمات جربتها ماشاء الله مقرمشه وهشه ولذيذه وانا متأكده الي بتجربها راح تعتمدها على طوول نبدأ بالمقادير
كوبين دقيق كويتي
ملعتقين حليب جاف
ملعقتين نشا
م خميره
رشة ملح
ملعقتين سكر
رشة حبه سودا تقريبا نص ملعقه ممكن تستغني عنها اذا ماتحبيها
م بكنج بودر
م صغيره فانيلا
كوب ماء دافئ
نص كوب لبن دافئ واذا بارد حطيه بصحن و سخنيه بالميكروف ثواني لين يدفى
فنجان قهوه غير ممتلئ زيت وهذا هو السر الي مابيخلي اللقيمات تشرب زيت وتطلع مزيته لا بيخليها هشه ومقرمشه ومش مزيته
اعجني المقادير مع بعض وغطيها وخليها لين تخمر ساعه او ساعتين وبعدين اقليها واهم شي ان الزيت لايكون حار جدا ولا بارد يكون وسط
ممكن تقولي كيف نعرف ان الحراره الان مناسبه للقلي مش حار ولا بارد ؟؟
بعد ماتولعي الزيت بشوي جيبي ملعقه خشب وحطيها في الزيت لاتحطي راسها لا حطيها بالمقلوب اذا ماطلع فقاقيع فالزيت لسه بارد لكن اذا طلع معاك فقاقيع فمعناته ان الزيت حار حراره متوسطه ابدأي اقلي وخلي النار هاديه وانتي بتلقمي اللقيمات واذا خلصتي تلقيم ارفعي النار على الوسط وقلبيها لين تحمر وبعدين اسقيها بالعسل وبالعافيه على قلوبكم
