جبت لكم بسبوسة الطازج تسمى كذا نسبه إلى مطعم الطازج
لذيذه جدا دايما كانت تطلع لي البسبوسة يابسه بس هذه طلعت حلووووه
المقادير
كاسين عصير سميد ناعم . كأس عصير جوز الهند . نص كأس شاي زيت . كأس شاي سكر . ملعقه بكنج بودر . كأس حليب . قشطه . ربع ملعقه فانيليا سايله
التشريبه فنجانين قهوه سكر . 2 حليب بوني
الطريقه
تسوي أولا الصوص الي بتشربيه البسبوسه تجيبي قدر وتصبي له 2 حليب بوني وفنجانين قهوه سكر بنفس الوقت تصبيهم وتولعي النار تحتهم وتحركي بالمشبك اليدوي السكر ولما يبدأ يغلي وتطلع رغوه بيضاء تطفي وتخليه يبرد وتحطيه بالثلاجه
تجيبي زبديه كبيره حق العجين تصبي أولا الزيت ثم القشطه وتحركيهم بالمشبك اليدوي ثم تضيفي السكر ثم الفانيليا وتحركي ثم الحليب ثم السميد وجوز الهند وملعقه بكنج بودر وتحركي وتصبيها لصحن مدهون بطحينيه سايله وتصبي الخليط ويكون لا ثقيل ولا سايل زيادة وسط بينهم وأقرب إلى السايل لأنه لو الخليط ثقيل ممكن تطلع يابسه
ويكون الفرن حار تولعي تحت لما تحمر الأطراف ولعي فوق وما تخليه يطول فوق بعد كذه لما تصير لونها بني خرجيها وقطعيها وصبي لها الصوص
وغطيها بقصدير وزينيها بجوز الهند ودخليها الثلاجة
اذا تحبيها انحف من كذه صبيها لصحن أكبر
ميزه هذه البسبوسه أنها خفيفه ومافيها سكر زياده زي الي تنعمل بالشيره
الأفضل انك تستخدمي سميد خشن انا ماكان معي خشن استخدمت الناعم
ممكن تستخدمي نفس المقادير وتشربيها شيره
وممكن تعملي علبتين قشطه بدل حليب وقشطه
يسلمو دياااااتك ام عبوود😘