المقادير:
قطع دجاج مقطعه أرباع 2 بصل مقطع مكعبات 2 طماطم مقطع 2 ملعقة البهارات السبعه
ملح ثوم ملعقه صلصة باذنجان مقطع حلقات بطاطس مقطعه حلقات رز حسب عدد أفراد الأسرة.
الطريقة:
أولا ننقع الرز في مويه حارة. نضع القدر على النار ونحط الزيت ونضيف البصل ونقلب لحد مايدبل شوي نضيف الطماطم ونقلبهم مع بعض لمده دقيقتين نضيف الصلصة والبهارات ونقلبهم
لما يصير خليط نضيف عليهم قطع الدجاج ونقلبهم جيدا لحد مايكتسب الدجاج لون الاحمر نضيف عليهم الملح والثوم ونقلبهم الفكرة إنه نطبخ الدجاج مع البخار ويصير كانه حمسه بعدها نضيف كوب ماء لانه مانحتاج مرق كثير. في هذا الاثناء نطبخ الرز حسب الرغبة ونقلي البطاطس والباذنجان والبطاطس وممكن نحمرهم في الفرن وبتطلع طعمها حلو . انا اقلبهم في التيفال وفي بطاطس انحرقت بس الطعم حلو.
نجي لتجهيز الطبق نجيب صينية أو قدر ونرص الخضروات اول شئ بعدها نص كمية الرز الطبقة البعدها وهي نص كمية الدجاج وبعدها الباقي من الرز واخر شئ الدجاج المتبقي وممكن نحط على الوجه مكسرات حسب الرغبة. اهم شئ نسوي الطبقات تمام مشان تتطلع معانا حلوة ومرتبة وعند التقديم نجهز صحن التقديم ونقلبه فيه وتقدم مع سلطه الخس والخيار وبالهناء والشفاء.
