المقادير
ثلاثه او اربعه كاسات دقيق . بيضتين . ربع كأس شاي زيت . فول سوداني محمص . قرفه مطحونه . شيره
الطريقه طبعا كانت لأول مره اعملها وبنزلكم طبق أمي وطبقي صح حق أمي احلى من حقي بس لاني أول مره اسويه فيعتبر حلو وأن شاء الله بعمله الين اتقنها
العجينه لاحظوا مافيها خميرة ولا ملح فقط دقيق بيض زيت
تعجني العجينه مع شوي مويه وتكون لا رطبه ولا قاسيه وتخليها ع جنب تغطيها وبعد عشرين دقيقه قطعيها كور يعني لازم يكونوا 15 كره وما فوق .وغطيهم خليهم عشر دقايق بعد كذه تبداي كذه تسطحي الكره شويه بيدك وتخليها دقيقتين بعدين تمديها ع شكل دايره كبيره وتجيبي صحن دايري مدهون بزيت ورشه دقيق وحطوا الطبقه الأولى ورشوها بزيت ومدوا طبقه ثانيه وثالثه وما بين كل طبقه وطبقه رشوا زيت بعدما مديتي الطبقه الثالثه رشيها فول سوداني مكسر مو مطحون . تكسريه تكسير ولازم يكون محمص أنا نسيت احمصه المهم ترشيه فول سوداني ورشه قرفه مطحونه وتسوي بعدين ثلاث طبقات وبعدين ترشي الفول السوداني وهكذا تستمري واخر طبقتين لاتسوي فيهم شي صورت لكم الخطوات
وبعدين قطعتها ودخلتها فرن حار ولعت تحت،ثم فوق لما تخرجيها لاترشي الشيره ع طول لازم تكون البقلاوه بردت شوي والشيره تكون فاتره مو حاره وتكون الشيره ثقيله ودخليها الثلاجه
طبعا صوره التقطيع آخر مرحله بس اقتلبت الصور مدري ليه
المهم وهذه النتيجه النهائيه بنزل لكم هنا طبق أمي وحقي بنزله بالردود
هذا طبق أمي ماشاء الله عليها
جربوها روعه
