ياربيه ياربيه
والله العظيم يابنات انه جاتني حالة نفسية من المدارس الاهلية لدرجة اني رحت اعالج عند طبيب نفسي
عكثر ماتكبتين وتصبرين ومع ذلك مافي اي فايدة يزيدونك قهر وغل وحقد عزميلاتك
والله استقلت وريحت نفسي قبل لايجيني ضغط وسكر وماحد يدري عني

الله يغنينا بس

من جد حزنتوني على نفسي كثير ... المشكلة ان تعامل الادارة مره كويس معنا
لكن صاحب المدارس الله يهديه كل ماله يزداد جشع رافض يجيب معلمات علشان يخف علينا نصاب الحصص و المناهج و غير كذا رافض يزيد رواتبنا اللي ماتتعدى 1400 مع خصم التأمينات بينما الاجنبيات يستلمون 1700 وخلوها على الله غير الضغط بحصص النشاط و الحفلات من استقبال المستجدات الى حفل الامهات الى حفلات العيدية و الحفل الختامي للمرحلتين المتوسطة و الثانوية و حفلة تخريج طالبات ثالث ثانوي ..
خلوها على الله بس ولو جينا للحاجه الله الغني عنهم بس قعدة البيت و الله تجيب الملل و منها ناخذ شهادة خبرة نسكر بها حلوق وزارة التربية اذا بغينا نقدم على الوظائف الحكومية..

الله يسهل علينا ويفتحها بوجههنا وينفذون قرار زيادة الرواتب ..

هذا هو حال المدارس الاهلية واذا مو عاجبك راح يقولونلك اقلبي وجهك اما حكايتي حكاية ويافرحه ما تمت توظفت في مدرسة اهلية كادارية وداومت عندهم ثلاثة ايام عطتني شغل المراقبة والكاتبة والمساعدة والمستخدمة من تسجيل وسحب ملفات استقبال الامهات وصادر ووارد وكمبيوتر واحضار الاوراق من الحارس وغيره كل ذلك في ثلاثة ايام وبعد مالقت من هي اكثر مني خبرة في الادارة قالت لي روحي دوري رزقك في مكان ثاني مالك نصيب ويعلم الله اني كنت احضر اول وحده واطلع اخر وحده بعد ما اطفي المكيفات و.... وكنت مجتهده قدر الامكان لكن ما عجبها وكانت راح تعطيني راتب 1800 مع انه كانت عندي سنوات في التدريس ودبلومات وغيره لكن وش نقول الله كريم

والله يااخواتي انا جتني امس صدمة تنحت والمديرة تتكلم رايحه اقدم على وظيفه بمدرسة اهلية وقامت قالتلي انا باقبلك بس تدرسين من اولى ابتدائي الى سادس والمتوسط كله وتصيرين محضرة معمل والوسائل عليك كل شي عليك والتوقعون كم الراتب 1200 ريال تخيلوا انا انصدمت والله وهي تتكلم حتى يوم قلت لزوجي قالي وقولي لها حتى المكيفات اذا خربت علينا وقام يضحك يعني وشو تقولون الله يرحم الحال ويغنينا عنهم بوظايف تليق بالكرف اللي كرفناه في الجامعة

من جد لو تسمعو قصتي تحزنوا عليا تحزنوا ايه تبكوا معايا
رحت العام الماضي مدرسة اهلية ايش سوو فيني انا تخصص رياضيات فقط اعطوني رياضيات وعلوم رابع وخامس وسادس يعني تقريبا 23 حصة ومربية فصل وماسكة جمعية ومناوبة كل يمكن 3ايام المهم لسه اول اسبوع حتى عقد ماكتبنا تقولنا المشرفة الادارية الاسبوع الجاي مسابقة الفصول المهم كلمتها قلتلها نحتاج خامات قامت اعطتني ورق كريشة والباقي دبري حالك لا وتقول اللي قبلكم صبغوا الفصول بوية ابغاكم تجددوازيهم طيب من وين المفاجأة
الكبرى الراتب 1200 ويأخدواتامين يصفالك 1100 لا وكمان ترسلنا المعلمات تقول خليهم يرتبو الخزن بتاع الكتب وحفلة بداية العام على حسابنا مع انا ماستلمنا ولاراتب المصيبة الكبرى انا لمن جينا نسجل طلبت وثائق الاصل واناماعندي خبرة اديتها وكل البنات اللي معايا
نفس الشئ(انتبهوا يابنات تدوالوثائق الاصل لأي احد )لاني بعد اسبوعين ماتحملت الوضع
وجيت اسحب والله شفت الامرين حتى دفاتر التحضير حقتي وبفلوسي اخدتها مني وبهدلتني
بهدلة المهم توبة من جد توبة من المدارس الاهلية ماتصدقو قبل يومين كلمت مدرسة اهلية واتفقت معاهم والله يابنات مرضت ولا قادرة اقوم على حيلي الله يفرجها من عنده علي وعلى
جميع البنات اللي ينتظروا الوظائف.....قولوا اميين