فعلا وراء كل رجل عظيم امرأة عظيمه

السلام عليكم ورحمة الله وبركاته
يارب يأارحم الرحمين ياجواد يامنان ياكريم اكشف الضر عن الشيخ عبدالرحمن السميط. الله يلبسه لباس الصحه والعافيه ويبارك في عمره

فعلا رجل بهمة امه تخيلو دخل بسببه الى الاسلام اكثر من عشرة ملايين ..يالله تقبل منه ..ترك حياة النعيم والترف هو وزوجته وعياله في الكويت وصارو يتنقلون في قرىوصحاري وادغال افريقيا يدعون لله عاشو مع اهلها الفقر كانو يركبون الزوارق الخشبيه والتماسيح. من جنبهم يتنقلون بين القرى النصرانيه والوثنيه يدعون الناس للاسلام ويطعمون الاطفال والعجايز والشيوخ بايديهم ماخافو من غير الله ماخافوعلى ارواحهم ولا على صحتهم متوكلين على الله ..يابختهم
حصل الشيخ الدكتور على جائزة الملك فيصل وصرفها كلها لله في افريقيا "مليون ريال" وربى اولاده على البذل في سبيل الله يارب تقبل عمله وتضاعفه له ..وطبعا وراء كل رجل عظيم أمرأة عظيمه ..سافرت معه في شبابه كندا يتعلم وزهدة في الحياه رغمانها كانت غنيه لكن فعلا الغنى غنى النفس كانت تمر عليها الاربع سنوات والخمس سنوات ماعندها الا اربع ثياب يالله اما احنا ملابس الوحده مناتوزعت على قرى افريقيا سترتهم. وكان الشيخ يشارك المسلمين في افراحهم واحزانهم كل الاطفال يشوفهم عياله وكل النساء خواته والرجال اخوانه كان يشاركهم الجوع والعطش اذكر سمعته مره في برنامج يقول بعض الاحيان لانجد الامسكن سئ للغايه. نرفع فيه ملابسنا عن مياة الصرف الصحي كي لاتتنجس وصبرلله. وكان ما يقدريترك اهله معه في افريقيا طول العام. لارتباط ابناءه بالمدارس ولكثرت تنقله فصبر على مفارقه الوطن والاهل.
كان الشباب معه مايصبرون كثيروكل كم شهريرجعون بلادهم ويجي. غيرهم والشيخ مستمرصابر..مره دعى عباد بقر استجابو له وطلبو منه يشاركهم في حفلهم ويرقص معهم ورغم كبر سنه وصحته ماتسمح لكن سايرهم علشان يتألف قلوبهم. واكان يتنقل بين دول الخليج يجمع للدعوه وبناء المساجد واطعام الطعام وحفر الابار وبناء المدارس والمراكز الاسلاميه
يقول الشيخ لبعض اصحابه بعدحمده لله البخيل من ابنائي من يتصدق بنصف ماله يالله

واحنا وش قدمنا يارب ترحمنا حتى مشاكلنا اكثرها تافهه لان. ماعندنا.همه ..الوحده منا لو تحس بالم بسيط. اكتئبت وتوقعت مليون مرض والمشكله ان امراضنا بسبب كثرت اكلنا ونومنا..او نشتكي من مواقف بسيطه. من اقاربنا وزميلاتنا ونشوفها زي الجبال ونحزن لان قلوبنا فاضيه يملاها اي شي يدخلها
يارب تشفي الشيخ وتفرحنا بالفرج له ...يارب تهدينا وتجعل همنا رضاك. وتزهدنا في الدنيا من غير بلاء وفتنة مضله ..يارب نجنا من غفلتنا قبل ان يداهمنا ملك الموت