فراشة اصيلة @frash_asyl

عضوة نشيطة

فعليات مجلس الأمهات في مدرسة بنتي الغاليه

السلام عليكم ورحمة الله وبركاته

لقد شعرت بالسعاده عندما طلبت مني ابنتي الحظورلمدرستهاوالسؤل عنها في مجلس

الأمهات طبعاً لم تحضر بطاقه للحضور وقلت يالله مو مشكله الله يرحم زماننا راحت ايام

الدعوات والبطاقات اهم شئ حددو يوم جزاهم الله خير لمجلس الأمهات ونسيت اقول

ماحددووقت معين لبداية ونهاية المجلس قلت الله يعافيهم مايبغون يلزمون الأمهات

بوقت محدد ويضغطون عليهم وفي اليوم الثاني رحت ودخلت المدرسه وقلت الحين

بشوف المديره والمعلمات عند مدخل المدرسه لأستقبال الأمهات والترحيب فيهن وادخل

واتفاجئ مالقيت احد حتى الفراشه محد قلت اكيد بنتي غلطانه الله يسامحها ماهو

اليوم واصعدالدرج والا اشوف الأمهات متجمعات عندباب غرفة المعلمات وكل واحده

تطالع الثانيه با استحياء وتسألها ها ندخل والا ننتظر يخرجون لنا ونسأل

لكن محد حولك الله المستعان المدرسات وقت فطورهم والقهوه والأدريات مافي احد

كلهم مجتمعين عند المديره نفس الشي يتقهوون يالله قمة الأستهتار والا مبالاه

والأمهات اللي يشوف حالهم يقول كأنهم جايين يشحتون او يطلبون صدقه

لا حول ولا قوة الا بالله طبعاً الأمهات تشجعو ودخلووحده تلو الأخرى غرفة المعلمات

يسؤلون عن بناتهم والمعلمه جالسه في مكتبها ماتحركت وتجي الأم لين عندها عشان

تسألها عن بنتها وزين انها التفتت وجاوبت وهي تاكل وتسولف مع زميلاتها وتهز راسها

ايه ايه بنتك اللي ماتغير بكلتها البنفسجيه وبصوت عالي طبعاً وضحك تحرج الأم

امام المعلمات والأمهات منظر محزن لأنكسارهذه الأم مسكينه طيب يا اختي اذا انتي الله

منعم عليك وعندك راتب فيه ناس مساكين ايتام وماعندهم احد يصرف عليهم بالغصب

يدبرون حق اكلهم وشربهم وما عندهم يشترون الكماليات والأكسسوارت ليش التكبر

وجرح مشاعر ها الأم مسكينه وجاء دوري اسئل عن بنتي واتفاجئ ان المعلمه ماتعرفها

واقول كيف كذا تقول يابنت الحلال الفصل فيه اربعين طالبه يالله ندخل نشرح ومانصدق

نخرج مانعرف ذي من ذيك قلت اي والله انك صادقه واضح الله يعينكم عشان كذا

مالكم نفس تدرسونهم ورحت جبت بنتي براسها عشان تعرفها وتجاوبني طبعاً في

معلمات غايبات ومعلمات مدري وين هم فيه مافي احساس اوتقدير واحترام للأمهات

طيب يامديرة المدرسه المحترمه وين دورك في النظام والأدره لماذاحدد هذا اليوم لمجلس

الأمهات اليس من اجل ان تكونين موجوده في مكانك المخصص وجاهزه لأستقبال

الأمهات وتوجيه المعلمات لمخاطبت الأمهات الرد على استفسارتهن فيما يحقق المصلحه

للجميع فالبيت والمدرسه يجيب ان يتعاونو من اجل مصلحة هذه الطالبه والرقي بمستواها

وخيراًسائني منظر المدرسه لخلوهامن اي نشاط او عمل للمعلمات او الطالبات و يفتقدن

بذالك الى روح المشاركه والتعاون بين الطالبات والمعلمات فمن المسؤل عن هذا الأهمال

واسفه لم اذكر في البدايه ان هذه المدرسه مدرسة تحفيظ قران كريم واسفه اخواتي

على الأطاله نسأل الله التوفيق والنجاح لأبنائنا وبناتنا فنحن على ابواب الأختبارت

يلزم عليك تسجيل الدخول أولًا لكتابة تعليق.

تسجيل دخول

لموشي • 13 سنة

تصير حبيبتي استهتار والامباله يعني خلاص انا اخذ راتب وعايشه وش دخلني اهتم الله يعينهم على مبتلاهم

جمان1429 • 13 سنة

يالله حسيت بشعورك من جد قهر
بذات المعلمه الي تكلمت ع البكله
بجد قمه قله الذوق
للو في الرياض ارسلي اسم المدرسه لو كان ابتدائي
ناويه اسجل بنتي تحفيظ
ولو في احد تعرفيه يشتغل بالمدرسه ياليت تخليهم يوصلو خبر للاداره من استياء الامهات بها اليوم

حبيبة قلب أمي • 13 سنة

هههه كأنك تتكلمين عن مدرسة بنتي السابقة نقلت بنتي منها
بسب سوء اخلاقهم من المديره للبواب الله المستعان

اطفالي هم حياتي • 13 سنة

الله يعينا

عزوف الهلاليه • 13 سنة

خيتؤؤؤ مايهماا راتبها يوصصلهاا اخر الششهر وش عندهاا
غير قله الاحتراام.
الله المسستعاان}ْْ~