فـرفشه موآقف من الواتس اب 😂 ادهكن

السلام عليكم



وحده تقول نامت اختي عندنا ليلة العيد وتحنت
✋✋
يوم جت ترضع ولدها قالت طلعوا ديدي
تقول اختها ماسطيت المسه
طلعته بمغرفه الجريش 😂



الموقف الثاني


يوم كنت نفاس بولدي كان سريري بالصاله عند اهلي .. وكان وقت صبح وابوي واخواني يفطرون وامي بطرف الصاله تصلي السنه .. وانا جالسه على السرير وارضع ولدي بس على اساس مستحيه انسدح جلست على طرف السرير وصرت قدام ابوي بالضبط وهو يفطر ومنزله شالي على صدري والوضع تمام 😐
شوي الا شرق ولدي وانهبلت ووقفت اصارخ يمه ولدي بيموت يمه اقطعي الصلاة 😰
ابوي ياقلبي من الخرشه وقف معي ويقول هزيه هزيه وامي تصفق واخواني يقولون يمه سلمي خلاص اقطعي الصلاة .. انخرش الوضع كله ..
اقل من دقيقه وشهق الولد ورجع له النفس .. وانا الي اهجد واجلس اتنفس الصعداء وألقط انفاسي😰 .. وامي سلمت وهي تهاوش وجع وجع وش هالهبال.. وابوي من الصدمه جالس مبوبز ( القرفصاء لغير الناطقين بالنجديه) وهو ياخذ انفاسه .. وانا ولدي بحضني ومنهد حيلي ..😥
شوي الا ابوي يعطيني ذيك النظره قال امك وحستي صلاته وفطورنا وعفناه .. ديدك وشوله يتدودل دخليه الله لايبارك بالعدو بزر وجابت بزر وابلشتنا 😐😐
طبعا انا صرت كأني قمله مقصوعه وودي اتغطى من الفشيله 😞
ومن يومها نقلت سريري لغرفه فوق وتأدبت ماارضع الا لاصرت لحالي .. 😅



اللي عندها مـواقف جديده تنزلها :scream:الله يوسع صدري وصدوركم باالعافيه
هاالساعه .. :luvkiss: