صباحكم عسل ...
حابه اتكلم عن موضوع منتشر للأسف في كل المجتمعات مو بس مجتمعنا
وللأسف الشديد النساء تمارسه بشكل اكبر ..:mad:
اللي هو( الحش) الغيبه واضفت معاه( نقل الكلام) النميمه وإلا هو يبغاله موضوع لوحده ..
ونزلت الموضوع في هذا الوقت قبل بداية السنه الجديده
عشان تكون سنه نظيفه بإذن الله وودي نتشجع مع بعض ونبطل سوا للي عندها هذي العيوب ..
الغيبه : هو التكلم في انسان غير موجود بما هو فيه مما يكره .
قال الله تعالى: (ولا يغتب بعضكم بعضاً أيحب أحدكم ان يأكل لحم أخيه ميتاً فكرهتموه)
عن أبي هريرة أن رسول الله عليه الصلاة والسلام قال: { أتدرون ما الغيبة؟ } قالوا: الله ورسوله أعلم، قال: { ذكرك أخاك بما يكره }
قيل: أفرأيت إن كان في أخي ما أقول؟ قال: { إن كان فيه ما تقول فقد اغتبته وإن لم يكن فيه فقد بهته } .
النميمه: هو نقل كلام الناس بعضهم الى بعض على جهة الإفسادوقيل إفشاء السر وهتك الستر كما يكره كشفه .
قال تعالى: ( ولا تطع كلّ حلاف مهين همّاز مشّاء بنميم )
وعن حذيفة قال: قال رسول الله صلى الله عليه وسلم : { لا يدخل الجنة نمام } .
طيب لما نحش وننقل كلام وين الفايده ؟
تحبط الأعمال وتأكل الحسنات ,نجرح انسان ,نفرق بين أصحاب ,نفرق بين الناس ,حامله على القتل وقطع أرزاق الناس ...
وغيرها الكثير لاتستهينون فيها والله تسبب مشاكل كثيييره ..
والمشكله الكبرى في النميمه لو علمتيها طفلك بشكل غير مباشر
روح اسمع أبوك ايش يقول ..
راقب عمتك ايش تسوي ..
و ..النتيجه
راح تزرعين في طفلك حب اللقافه ونقل الكلام ويتربى على هذا الشئ ومايقدر يبطله إلا بصعوبه شديده ..
ويأثر فيه مع علاقته بأصحابه اللي يكرهونه لنقله للكلام ..
******************************************
طيب خلونا نشوف أسباب الغيبه والنميمه :
1_الغضب
لما يكون الواحد زعلان يقول كلام مايقدر عواقبه بس وده يشفي غله:mad: ,ويمكن بعدين يندم لو يوصل الكلام للإنسان اللي حشه
غير ندمه من غضب الله .
2_مجاملة الأصحاب
جالسه في وسط صاحباتك وهما مستلمين المعلمه الفلانيه او البنت الفلانيه حش ..
يلا معاهم اخاف انصحهم يزعلون !! والله يابنات ماراح تستفيدون ابدا
اذكر إني حشيت بنت لما كنت في الجامعه و لحد الآن ندمانه وودي أقابلها واقول سامحيني ..
3_الغيره
هذي للغيورات ,تنقص من قيمة غيرها عشان ترفع نفسها ..
4_التسليه
ودي اسلي اخواتي ,صاحباتي , عماتي ,خالاتي أيا كان بتقلد مشية فلانه وصوت فلانه
والله حراااام تسلوا في شي ثاني اذا جات الفكره في بالك تعوذي بالله من الشيطان واشغلي نفسك
أما أكثر الأماكن لنا البنات لنقل الكلام والحش :
1_العروس (الأفراح ) والمناسبات الاجتماعيه
شوفي فستانها ,شعرها , ماكياجها
طيب قدري ظروفها يمكن متخاصمه مع زوجها ,يمكن حالتها الماديه ماتسمح ,يمكن تعبانه
خرب الفستان ومافي وقت ....
حطي مية عذر وعذر وطنشي انتقديها بينك وبين نفسك اذا ماتقدر ين تصبرين وانسي الموضوع بعدها ..لاتفكرين تقولين لأحد
اعتبريه سخيييييف ..
احيانا تحطين نفسك في موقف تزعلين احد منك ..وتطلعين على نفسك سمعه انك نقالة كلام والا تحشين في خلق الله
خليك دايما رافعه نفسك عن الامور التافهه وسفاسف الأمور ..
2_المدرسه والجامعه
الحش في البنات والمعلمات والأستاذات و.. وواحده تسمعك وتنقل الكلام و ....
والله واحده اعرفها من صاحباتي حشت معلمه زعلتها والحق كان معى صاحبتي أيام الثانوي لو انها سكتت كان أزين لها
قالت لو تروح تزرع شعر اطيب لها
لأن المعلمه كان شعرها قليييييل والله العظيم ماانتهت السنه الا صابها تساقط فظيييع ثلاث ارباع شعرهاتساقط وما خلت دوا أو وصفه ماجربتها ومافي فايده
سألناها ايش اللي صار قالت سويت تحاليل مافي شي بس هذا عقاب على كلمتي
وقتها حست فيها قالت وش ذنبها اذا ربي اراد لها كذا
والمعلمات بعضهم الله يهديهم يحشون صاحباتهم ..
طبعا ألحين الحش صار اسهل بالتكنولوجيا الحديثهتلفونات ), (جوالات ),(ايميلات),
والله هذي القصه أكييييده واحده عايشه مع زوجها ومبسوطه عندها ولد وبنت
وجلست الأخت تكلم اختها بتلفون غرفة النوم وتحش في عمتها واخوات زوجها كالعاده مشاكل بينهم ماخلت عيب ماذكرته وجا زوجها من
برا بيكلم رفع سماعة التلفون بالصاله
وهي ماانتبهت مشغوله بالكلام ..وسمع كلامها وعصصصصصب طبعا حركات الرجال عندنا زعل في أهله
ونهايتها طلقها وهي اللي قالت القصه بنفسها .
طيب كيف نعالج أنفسنا من الغيبه والنميمه ؟
1_انشغلي في عيوبك ..شوفي يمكن جسمك محتاج عنايه أكبر ,بشرتك ,بيتك , مستوى تفكيرك ..
2_أن تتذكري غضب الله عليك .. والله مايستاهل أغضب ربي سبحانه عشان واحده يمكن فعلا أخلاقها شينه ,يمكن تكلمت فيني بس والله مأاغضب ربي
مني وأعطيها حسناتي بارده مبرده ..
3_تذكري إن ربي سلمك من هذي العيوب ..
شعرها يفشل ..الحمدلله أنا شعري تمام
لبسها يفشل ..الحمدلله أنا ذوقي تمام وكذا ..
4_حطي نفسك مكان اللي تغتابينها , ماودك أحد يجيب طاريك بالشينه ولو جاك كلام بتزعلين وتعصبين ..طيب حطي نفسك مكانها ..
في النهايه ماراح أقول أنا الناصحه اللي ماأتكلم أنا مثلكم والله أني أحش بس أندم
وودي نتفق ونبطل سوا والله يابنات بنرتاح من كلام الناس اللي أحيانا بينقلون عنك كلام قلتيه من دون قصد ..
وأرضيتي ربك ..وحياتك وأمورك تتيسر كلها
حبيت يكون موضوعي خفيف عشان تتقبلونه أكثر ..
الله يوفقنا لعمل الخير يارب
منقول
دعواتكم