مسائكم ورد حبيباتي
.
.
اليوم حبيت اطبق لكم الالوان الناريه والعين المفتوحه من باب التغيير
بسم الله ننطلق
بعد ماجهزنا الوجه كالمعتاد نبدأ نطبق رسمة العين
الادوات المستخدمه :-
الشدو الابيض من غيرلان
اللون الاصفر الفاتح والبرتقالي الفاتح من باليت شارمل المربع
اللون الاصفر الغامق والبرتقالي الغامق والاخضر والذهبي من باليت شارمل الدائري
الاحمر المائي من كريولاين
الاخضر الغامق من باليت شارمل الدائري
الكحل الزيتي من كلاسيك
الايلاينر من ايف روشيه
الكحل الاخضر الفاتح من شارمل
الماسكرا من هيلينا
نبدا التطبيق :-
بعد رسم الحاجب حطيت الشدو الابيض على كامل الجفن
وفوقه على عضمة الحاجب حطيت الاصفر الفاتح
بعدها حطيت الاصفر الغامق في مقدمه العين وصولا لربع الجفن
بعدها البرتقالي الفاتح من نهايه الاصفر وندمجه شوي ونوصله لمنتصف الجفن
بعدها الاحمر من كريولاين من نهايه البرتقالي ولغايه الطرف الخارجي للعين
ندمج الخط الفاصل بين الاحمر والبرتقالي بإستخدام البرتقالي الغامق
الحين نرسم خط بالشدو الاحمر تحت العين من البدايه لغايه مانوصل للطرف الخارجي للعين
ونوصله بالشدو الاحمر اللي رسمناه على الجفن العلوي
ونحط تحته خط من الشدو البرتقالي الفاتح وندمجه وصولا لنهايه العين
وندمج الاحمر مع اللون الذهبي تحت الحاجب ونزيد الالوان لغايه مانشوف النتيجه مناسبه ومضبوطه
بواسطه القلم الزيتي نرسم العين من فوق ونرفعه بطريقه مثلثه لغايه الخط الفاصل بين الجفنين
ونرسم العين من تحت بنفس اللون ونخليه مفتوح مثل الصوره
الحين نرسم فوقه ونرتبه بالشدو الاخضر وندمجه ونوزعه بخفه علشان يختلط مع الاحمر
وتحت العين نفس الطريقه
الحين نرسم المنطقه المفتوحه في مقدمه العين باللون الاصفر راح تطلع النتيجه برتقالي لأن سبق ورسمنا بالاحمر وهذا المطلوب
نرسم فوق العين خط رفيع بالايلاينر ومانخليه واضح وتحت العين نفس الشئ
داخل العين نحط الحكل الاخضر الفاتح
وبعدها الماسكرا
وهذي النتيجه ويارب تعجبكم
ملاحظه ( اللون في الصورة طالع اسود مع اني راسمه بالاخضر مثل ماشرحت لكم ما ادري ليش:( )
