الله يعطيك العافيه اختي علي ذكر تجربتك
بس يالليت تقولين لنا من اللي اخذتي منها مجرد شكل عشان ننتبه مافيها شي حنا نذكر اللي شغلها كويس واللي شغلها مو قد كذا ،،
وتسلمين يالمتميزة

شكل قصدك3500
عموماً يبغالك ياحبيبتي صينيتن من كل نوع بذكرهم كل صينيه تاخذ كيلوين:
1-كيلو تمر محشي من العلواني+كيلو معمول مغلف من لاتين او مكشوف من كلمات.
2-حلى قهوه ، عندك بهجة الحلى عندهم سينابون وبروانيز ولولي بوبس وكذا شكل حلى مايتعدى سعر الكيلو 120والسينابون والبرواني85 وميني الدونات بعد ومره شغلهم طري وحلوو وعندهم تشيزات بس ماجربتها.
راح يكلفك تقريباً  800ريال
3-فطاير كذا بنت اخذت من كرميلا دلول ويمدحون شغلها سعرها تقريباً 80 للكيلو 
4-موالح عندك لافندر كيلو المشكل بحدود 150 ويكفيك 3كيلو يعني كل صينيه خليهم يحطون كيلو ونص لانه راااهي.
5- العصير ميني كب كيك من شوقر سبرنكلز يبغالك 10درازن ، الميني عندهم سعره ب35للدرزن.، ترى بهجة الحلى بعد عندهم كب كيك بس شوقر احلى طعم واجمل.
اللحين وصلتي حدود 2000 
 6.ممكن اذا حابه تضيفين شوكلاته محفور عليها اسامي العروسين من عند بستاني بالثلاثين راح يكلفك اربعه كيلو1100، ممكن ينصف بصياني او تخلينهم يسوونها لك زي التوزيعات كل حبه بكرتونه اعتقد تكلفة الحبه 10ريال،يعني في حالة سويتي اربعه كيلو راح يطلع لك 160حبه، بس اذا توزيعات راح يطلع 100حبه بنفس السعر ..
7.ممكن تسوين مويه من عند استديو الشوكلاته مكتوب عليها اذا حابه بباقي المبلغ مع العلم اني ماعندي خلفيه عن الاسعار.
والله يوفقهم يارب..

فيه احد جرب موالح بلان؟؟

واذا مو حلوه وش تنصحوني بغيرها

غير ميرنون و لافندر ومبينو


(اقصد الموالح الناشفه وغير ملونه)

السلام عليكم ورحمة الله وبركاته

بنات تكفون نبغا رقم حرمه او محل يعمل لنا توزيعات كبك كيك حسب الطلب
ابغا شغل حلو وبسعر مقبووول
تكفون ساعدونا حايسين مرة
واذا وحده طباخه تقدم حلويات بشكل جديد اعطونا اسمها ورقمها
اهم شي تكون مجربه
والله يجزاكم خير

من جربت محل فوفه للتمور اللي في السويدي

كيفكم
ماادري كيف ابدى معكم احنا ***** الله بنتكفل بقاعه زواج ونبي وقاعه غير مكلفه احنا حدنا بالمبلغ 5000او 8000 فقط بدون ذبايح ومحنا حاطين لاطقاقات ولازفه فقط حفله بسيطه لان البنت مطلقه وبتتزوج مرة ثانيه وتعرفون مايبون يحطونه بالبيت وبيتنا صغير مرة مايكفي حريم وجال مع بعض وغير كذا مايواجه للضيوف ومانبي حوسه وبغيت بعد اسالكم عن الضيافه والبوفيه وايش نحط وكم برواز نجيب احتمال يكون عدد الضيوف مابين 100 الى 150 مايجي اكثر لانه بنحطه مختصر وياليت لويكون بجهه الغرب بالرياض لوحصل ***** الله والله يجزاكم خير





اعذروني اخواتي احس اني متدودهه احتمال الشبكه بالبيت ان شاء الله وبعد كم شهر وماني عارفين وش نسوي من الضيافه لاننا محنا حاطين عشى فقط بنبالغ في التقديمات فقط ومادري ايش نحط وياليت اسماء محلات للشكولات وحلى وفطاير وحركات وغير هديه مابعد الضيافه لهم ابي بشكل غريب وعدد ضيوفنا بالملكه تقريبا 20 الى 25 شخص فقط من الحريم وشكرا