رمستك عين العقل
فديت اهل الامارات
والله في بعض الماركات ان اغراضهم لو تلقينا في الشارع ما تاخذينها
والناس يتذابحون عليها
عشان ايش ....ختم الماركه على البلوزه
فديت قلبك غزوله موضوعك رووووووعه تسلم إيدينك والله
أنجع مصل معالج للنفوس المصابه بفايرس الإحساس بالدونيه وحب التقليد
ماشاء الله اللــــــــــــهم بآرك
تكفين غزوله اتحفينا بعد محتاجين
عندنا فايروسات كثيره متفشيه بالمجتمع يبيلها علاج
أعرف وحده بغت تنهبل الا وتشتري شنط أم ألاف ( ماركه غاليه) جمعت مكافآت الجامعه وشرتهن
يوم درت عنها أمها تهاوشت معها ونزلت فيها لوم
كان جواب الأخت ياماما شنط العمر ياماما شنط العمر خلاص ماعاد بشتري غيرهن
بعد حوالي سنه حصّلتها تحرج عليهن بمزاد منتدى وتستعطف البنات يشترونهن
شوي وتبوس ايدهن وزين انها لقت من يشريهن ولا كان مدري وش صابها
ووحده ثانيه ماكان عندها وظيفه
اذا احد سألها شنطتك بكم تقول بخمسين وهي مبتسمه وفخوره ان شنطتها عجبت الناس و رخيصه بنفس الوقت
تقول أنا ما أحب الغالي أشتري الشي الذوق وسعره رخيص
ويوم توظفت صارت لما تجلس على الكنبه تآخذ مقعدين مقعد لها ومقعد لشنطتها علشان نشوفها > فترينا يعني
وإذا سألوها عن شنطتها بكم تقول بألفين ونص أو ثلاثه بنبره كنها تقول إسمعن الرقم
واذا قالوا لها غاليه تقول عادي أحللها : )
كلمة أحللها تريح نفسيتهن وتطلعهن من الحرج وتنجيهن من لوم الناس : )
ماعليش غزوله طولت مو عادتي بس موضوعك أثارني وجا عالوجيعه
بعدين سردي للمثلين في ردي علشان الأخوات يستفيدن
ويعرفن إن الناس الفاهمه الواعيه تنتقدهن وتنظر لعقولهن نظرة استصغار
بالنسبه للأخوات اللي يقولن للأسف إن الناس ماتقدرك إلا على هذا الأساس
أقول : اللي تقدرني لاجل اني إيش لبست وبكم ومنين هذي ماني بحاجتها
ولايشرفني إنها تصادقني لأن من تفكيرها يبين إنها ناقصة عقل
(( وانا ما أصاحب خفاف العقول ))
وسلامتكن
حفظكن الله
الصفحة الأخيرة
للأسف جاتني فترة ما أعرف ايش صابني فيها
صرت من هذول العالم
اشتري و اشتري و اشتري بدون وعي
في المره الوحدة تلقيني اشتريت 4 شنط 3 جزم فصلت 3 عبايات اشتري ملابس و فساتين رغم إن ما عندي مناسبة
ساعات ماركات و ماكياج بالآلاف رغم إني ما أخرج كثير و مكياجي خفيف يعني ما أستهلك هذاك الشي
و بعض الأشياء تمر عليها سنوات ما ألبسها
لدرجة إن في جزم ـ وانتم بكرامة ـ أطلعها من كراتينها تتشقق فـ يدي
حرام كل هذيك الفلوس اللي صرفتها
لو إني متصدقة فيها كان أفضل :(
أتوقع إن السبب وراء اللهث خلف الماركات و تبرير ذلك بإن الناس تحكم علي من خلال ملابسي له دافع نفسي ..
مثلاً يكون الشخص يعاني من نقص في تقدير ذاته أو عنده فراغ عاطفي
الله المستعان
بس الآن أعتقد إني هدأت وصرت أسأل نفسي أسئلة قبل اشتري
هل هذا الشيء ضروري ؟ هل أحتاجه ؟
دعواتك :)