الله يصلح الاحوال
عادي حبيتي فيه
انا اقرب مثال مره رحت اسقي الزرع وانا بالثانوي لما دخلت سمعت امي تقول لاخواتي انا اكره فلانه اللي هي انا تعرفون الكلمه وقعت علي مثل الخنجر طبعا شافتني وضحكت وانا على الغرفه بكي بس طبعا ما زلت محترمتها وكل مره اقول يمكن ما تقصد بس الشيء اللي يقهر صدق اخواتي الي اليوم يعايروني لان امي تكرهني حتى لو نجحت في الدراسه يقولون لو فيك فلاحه انجحي بقلب امي المهم بعد فتره رحت صارحتها قلت اذا انا مقصره قولي لي وانا اصحح نفسي قامت قالت انتي فيك العناد ما تخليني اختار لك لبسك ( طبعا مو سبب يخليها تكرهني ) قلت لها ابشري وربي حتى في زواجي ما تدخلت في قطعه وحده حتى الفستان هي اللي اختارته وعلى كذا ليتها حبتني الا معاملتها لي من سيء الى اسوء اقربها قبل اسبوعين طردوني من البيت مع ان زوجي في دوره عمل في مدينه ثانيه عشان تهاوشت مع اختي والحق معي بس عذرهم هي وابوي اني ما يقدرون يزعلون اختي اللي اصغر مني وهي في بيتهم اما انا عندي رجال وبيت مسوول مني ومن يومها قلت ما اجيهم الا مره بالاسبوع و لاعاد ادخل احد في خصوصياتي والعجيب اني اكثر بر من اخواتي الوحده تتلفظ عليها الفاظ اخاف يصير فينا شيء من قوتها و في الشكل انا الا قرب لها وناجحه الحمد لله في دراستي وزواجي ولا اعرف ليش تكرهني حتى اليوم كلمتها عشان اعلمها اني نجحت في القياس ما قالت لي مبروك قالت اختك نجحت او لا ....
ودي لو صدق ما تطلع امي كان على الاقل القى مبرر لتصرفاتها معي وترا تصرفاتها معي من صغري اتذكر مواقف من عمر ست سنوات بس غصب عني اكون اسيره الاحداث اللي صارت وما زالت تصير لي لدرجه انها دايم تعلق على صوتي بطريقه تقهر واذا رحت عزيمه وهي فيه وربي يا بنات غصب عني اكلج واتعتع بالكلام ولو مهي فيه الكل يشيد بفصاحتي بس الله يهديها وتعرف قيمتي .
احب اوجه عبر هذا الموضوع و لاتهون راعيته الى كل ام اذا ما تحبين احد من ابناءك اقول مهي مشكله القلب بيدين الله لكن اللسان انتي اللي تتحكمين فيه اياك احد غير نفسك يعرف مين تكرهين او تحبين حتى زوجك
ادعوا لي يا بنات ان الله لا يحرمني من زوجي وعطفه وحنانه علي والا لو انحديت عليهم كان ما يعلم بحالي الا الله و يرزقني بالذريه اللي من الحين اعرف انهم محظوظين فيني لاني اكلت من الم التفرقه وباذن الله ما راح افرق بينهم ابدا لاني حتى لو كرهت احد فيهم راح اتذكر معاناتي وارجع احبه .....
وعذرا على الاطاله
الله يصلح الاحوال
عادي حبيتي فيه
انا اقرب مثال مره رحت اسقي الزرع وانا بالثانوي لما دخلت سمعت...
معقووووله انا ماعذبني بالحياة الا غلا بنتي وخوفي عليها وضعفي من ناحيتها وعانيت بمحاكم
واهملت بيتي وزوجي شهووووور عشانها وعشان مشاكل ابوها وزوجي جزاه خير اتحملني
هاذي هدية الرحمن ومابي من ورا محبتي لها جزاء ولاشكورا ولاأبي شي منها ابيها سعيدة ومرتاحة في حياتها
يابعد قلبي هي.......
الله يطعم كل محروم هالاحساس ويكفينا شر ميتات القلوب