الجزء ٣



الجزء الأول في الصفحة ( الأولى )
الجزء الثاني في الصفحة ( السابعة )





هلا وغلا فيكم حبيبآتي من جديد ،

ان شاء الله اننا جميعآ الآن على بداية الطريق للعيش بسعادة ونجآح و توفيق :26:





نلخص قواعد الحياة السعيدة الناجحة //
١* قل خيرا او اصمت
٢* زيادة الوعي والاطلآع النآفع
٣* مواجهة الدنيآ بالقبول و الرضآ
٤* خالطي النآس .. افيدي واستفيدي ..
٥* حآفظي على هدوئك و ( توآزنك ) الدآخلي ..
ويندرج تحت القآعدة الخآمسة عدة نقآط .. ذكرنهآ في الصفحة ٧ .. وهي :
* خليك انسانة مستقلة عن المؤثرآت الخآرجية ..
* انتبهي من تبرير تصرفاتك ع الطالعه والنازله ..
* لا تتقرب للآخرين عن طريق مديحهم ..
* قولي ( لا ) اذا كآن الشي مآ ينآسبك


* خففي الظغط عليك ..
* قدّري نفسك ... واربطيهآ بربــــــــك ،





اليوم رآح نتكلم عن شيء مهم .. ومن أهم صفآت الشخصيآت النآجحة ...





عجبتني جملة مرهـ قرأتهآ .. تقول :

يقول الأطباء ان الانسآن يموت اذا توقف قلبة
وقال آخرون بل يموت اذا توقف مخه .. مثل الموت الدماغي
وانا اقول : احذر ان تموت وانت على قيد الحياة بأن تفقد مصدر طاقتك في الحياة وهو :

~ الثقة بالنفس ~




اول شي ...
خلونآ نجآوب على هذي الأسئلة بدقة وصراحة .. علشآن كل وحده تعرف ...نسبة ثقتها في نفسها كم ؟



جآهزين ؟؟




يلا جاوبو بـ ( نعم ) او ( غالبا ) او ( احيانا ) او ( نآدرا) او ( لا ) ~



1-هل يتهمك الناس بحــب التفــاخر ..؟

2- هل تجتهـد في تجـاهل العادات والتقــاليــد .. ؟

3- هل يصيبـك الأرتبـاك .. حين تحاور او تُـقـدّم للغرباء ..؟

4- هل تحاول التأثيـر على الأخـرين برفع صوتك ..؟

5- هل تقـاطع محـدثك بستمرار لتتحدث أنت ..؟

6- هل تشعر في نفسك بالحزن لنـجاح الأخريـن .. ؟

7- هل ترى أن الوضع الأجتمـاعي حولك كله أخطاء .. ؟

8- هل تجتهـد في لفت النـظر أليـك وان كان بتصرفات .. غير لائقه ..!!؟

9- هل ترغب أن ( تتفنن ) في صناعة موضه جديده .. للفت الأنتباه ..؟

10- هل تغضب أذا القيت ( نكتة ) تمس شخصيتك ؟

11- هل تحب ان تقول اشياء تؤذي مشاعر الأخرين .. يعني رمي الكلام .. ؟

12- هل ترضيك المجامله اكثر مما يرضيـك أنجاز العـمل ..؟

13- هل تحاولين ان تكونين الأبرز في الشلّه او الزملاء ؟

14- هل ترفض المقترحات التي تتدخل بأمورك الشخصيه ..؟

15- هل تشك بقدرتك على أجتذاب الأخرين ..؟


\
/
\
/
\
/


الحين احسبي درجآت اجآبآتك :
نعم = ٢٠ ، غالبا = ١٥ ، احيانا = ١٠ ، نادرا = ٥ ، لا = ٠




بعد مآ جمعتي اجآبآتك ...

تعآلي نشوف النتيجة //




= اكثر من ٢٥٠ : عندك احسآس كبير بالنقص وانعدام الثقة بالنفس ..
= من ٢٠٠ الى ٢٥٠ : عندك احساس قليل بالنقص .. وانعدام ثقتك تحآول المقاومة ..
= اقل من ٢٠٠ : اهنيـــــك ع ثقتك في نفسك ..







\
/
\
/
\
/
\
/





علامات الإحساس بالنقص //

1/ التلهف على الحب والعطف .
( مايحبني ) .. هذي كلمة كثير من الزوجآت التعيسآت ..
والسبب انه تغير عن السنة الأولى من الزوآج ...
طبعا لان ماعندها ثقة بنفسها .. شكت بنفسها وانها هي ( شخصية ما تنحب ) !

2/ الرغبة في بلوغ الكمال .
( ليس عظيما بالقدر الكافي ).. وهذا الكلام يقوله الشخص اللي عنده نقص لنفسه ...
وما يقتنع انه بشر والبشر لازم يخطون .. يبي كل شي على اكمل وجه .. والا يجلس يلوم نفسه !

3/سرعة التسليم بالهزيمة.
( لن استطيع أن أكمل العمل ) مع أن لديه القدرة والإمكانية لذلك وتراه ضجرا مكفهرا...
وحده تدرس طول السنة واذا جت الاختبارات قالت ما اقدر اكمل .. ليه طيب ؟
ماعندك ثقة بقدراتك ؟ توكلي على الله وثقي بقدرتك على النجآح .. وربي بيوقف معك


4/ يتأثر سلبا بنجاح الآخرين.
وحده موظفة وقادرة تصرف ع نفسها .. وزميلتها نفس الشي ..
بس عمرها مارضت عن وضعها .. دايما تقارن شنطتها بشنطة زميلتها اللي بـ ٥٠٠٠ .. مع انها عارفه
ان صديقتها عليها قرض .. وديون بسبب المبالغة باللبس .. !!


5/ الحساسية الفائقة .
( وش قصدك ؟) هذي كلمة اللي ماعندها ثقه بنفسها ..
تلقين وحده صبت للجميع قهوه ونستهآ .. نطت وقالت : وش قصدك ؟ ما مليت عينك ؟ و...و....
وتقلل ادبها ويطلع شكلها سخيف علشآن موقف مايستاهل ...
افرضي انها فعلا تعمدت تنساك .. تقلبين الدنيا علشآنها !
بالعكس كذا تقولين لها : انك منقهره ومرتفع ظغطك ...
تجاهلي الموضوع وذكريها تصب لك وانتي مبتسمه ...

وتذكري ان الابتسامة تُفقد المنتصر لذة الانتصآر


6/ افتقاد روح الفكاهة .
( هل تسخر مني ؟) هذا رد اللي فيها نقص .. لو احد قال عنها نكته او علق عليها ...
خلي روحك مرحه وثقتك بنفسك عاليه ما تأثر فيك نكته ...





\
/
\
/
\
/




يقول مونتغمري في كتابه ' الحرب عبر التاريخ':
'أهم مميزات الجيوش الإسلامية لم تكن في المعدات أو التسليح أو التنظيم، بل كانت في الروح المعنوية العالية'





الثقة بالنفس ماتعني ( الغرور ) ابداً ..
الثقة بالنفس تعني : ايمآنك بقدرتك على النجآح .. وايمانك بقدراتك اللي اعطاها الله لك ..
ثقتك بنفسك تعني عدم خجلك من عيوبك .. او وضعك الاجتماعي او المادي ...
ثقتك بنفسك تعني افتخارك بكل شي يمسك وتنتمين له طالما مافيه عيب ولا ذنب ...

الفقر / الطلاق / العنوسة / البطالة / العقم / الشكل ....
مو سبب لفقدانك لثقتك بنفسك .. تعايشي مع هالشي وتقبليه .. ولاتخجلين منه ..
اذا احترمتي وضعك وماخبيتيه الكل بيحترمك
بس لو حاولتي تخبين الكل بيشوف هالشي اللي فيك عيب وغلط لانك حاولتي تخبينه .. والانسان مايخبي الا الاشياء المخجلة
فـ ليش تخجلين من اشياء ما تخجّل؟

اوعدي نفسك من اليوم انك راح تفتخرين بأهلك .. بوضعك .. بشكلك ... مهما كآن ..

انظري دايما للجانب المشرق من الموضوع ...







\
/
\
/
\
/




هذا يكفي اليوم ...

مآفيه ( تمرين ) اليوم .. لاننا جاوبنا في البداية ع الأسئلة ...
المطلوب نعيد النظر في تصرفآتنا .. نقرا النقاط مره ومرتين .. ننتبه لردود افعالنا ..
نتحكم بتصرفاتنا ...
من بكرا اوعدي نفسك ماتخضعين لأحد .. وماتخسرين ثقتك في نفسك ...
رآقبي تصرفآتك ...







نلتقي غداً بإذن الله ..

للجميع خآلص مودتي :26:



اذكركم .. الاشتراك مفتوح للجميع ..
والتواجد المستمر والمشاركة الفعّالة راح تُمنح وسآم الدورة ..
وشكرا لكم :26:

روعة روعة جدا وانا من المتابعات من البداية وجزاك الله خيرا ولي عودة ***** الله

متابعه لدووووووووووووره

جزاك الله خير اختي على مجهودك
جعله الله في ميزان حسناتك

الحمد لله عرفت نفسي

شكرا لك

درس اليوم كان رائع جدا