وييييييييييييييييييييييييييييييييييييييييييييييييين الدروس

الف شكر لك حبيبتي ,,

كلام قمه فالروعه..

ننتظر المزيد ..

مرااااااااحب

هلااااا غاليتناااا امل ..

ع اني مشتركه بثلاث دورات دورتج الوحيده الي قريتها للحين ..

وبصراااااحه صار لي ثلاث ايام ماقريت شي لأني برا البيت ..

نيي للجزء الثالث لأني حابه اتناقش فـ بعض النقاط ..

اولا .. الأسئله درجاتي 125 الحمدلله وااااااااثقه ههههههههههه

ثانيا .. علامات الاحساس بالنقص الي ذكرتيهم 6 ..

الأولى (التلهف للحب والعطف) فيني واظني الأغلبيه بعد ..

لأن شي طبيعي ان الحرمه تبغي الحب والحنان والعطف من ريلها ..

الثانيه (الرغبه في البلوغ والكمال ) والكمال لله.. بعد هالنقطه فيني بس مب شكل مفرط ..

واظن بعد ان الغالبيه يبغون يكونون توب فـ حياتهم سواء فـ البيت او الأبناء او المظهر .....الخ؟

والنقاط الأخرى ولله الحمد مب فيني:42:

الجزء الرابع ..

نتيجة الأسئله ..

من 5 الى 10 : في طريقك لتدمير ذاتك , اذا استمريتي ستكرهين نفسك

الله يسترررر .. خلنا نلحق عليها خخخخخخخ

الجزء ٥





اليوم رآح تكون دورتنا دردشة وسوآلف عن الايجابية والنجآح
تغيير عن روتين الاسئلة والدروس ..

فيه مقولة احبها كثير واحب اتأملها تقول



الانجازات العظيمة تأتي من التضحيات الكبيرة










المآل ...

اعرف عائلة ماشآء الله عليهم من اغنى اغنياء الريآض ..
والدهم .. لمآ توفى والده .. كان يسدد ديونه ..
بس سبحآم الله .. مالبث ان كوّن ثروة هائله تبارك الله ..
ولأني اعرفهم عن قرب فـ انا اعرف حجم التضحيات اللي قدمها وآلدهم ...

عآشو قرابة ٣٠ سنه بتقتر ومنزل اقل من عآدي .. بدا تجاره صغيره مرّه ..
بس ماكانو يسافرون بالأرباح .. ولا يرممون بيتهم .. ولايلبسون اغلى المآركآت

كآن والدهم يحط الريال ع الريال ويكبّر تجآرته وبظرف ٣٠ سنه .. من وآرث للديون الى مورّث لملآيين ..
الله يبارك لهم في مآلهم ،

وما انسى اذكر ان الله مبارك لهم لانهم على قدر من الدين ماشاء الله ..



...... الفشل ما هو الى فرصة للبداية مرة أخرى بطريقة أنضج .......






الوظيفة

صديقتي تكحيلي عن اختها ..
انسانة متفوقة دراسياً .. اول مافتح قسم الطب بالسعودية ودخلو البنات دخلت معهم ..
وكآن بوقتها صعب لان الثقافة العامه الطبية شبه معدومة
والدراسة باللغة الانجليزية وكانوا الناس ضعيفين فيها بشكل عام
ولا فيه نت يساعدك بالبحث واللغة والمعلومآت
يعني داستك كتب * كتب
المهم .. تقول درست ٥ سنوات بمنعزل عن العآلم .. ماكانت تستمتع بوقتها ..
كانت من مذاكره لبحث ومن بحث لاختبار ومن اختبار لمذاكرة
وكانت تغرق بين القواميس ولبست نظاره ... والنتيجه !!
تقول بعد ماتخرجت .. كانت فيه اجهزه ماتعرف تتعامل معها والموضه ماتعرف فيها شي ،

ماشالله تبارك الله الحين هي من اشهر دكتورات السعودية بتخصص الاعصاب

ضحت بمتعتها و وقتهآ .. والنتيجه نجآح بآرز *


... اعمل من نفسك أقصى ما يمكن أن تكونه ....










الحياة الاجتماعية


قريبتي انسانة تزوجت بأول جامعه .. زوجها بمنطقه وهي عند اهلها تكمل دراستها ،
حملت وولدت وزي اغلب البنات تركت دراستها بمثل هالوضع ،
راحت عند زوجها .. وندمت ع تفزيطها بدراستها .. رجعت كمّلت دراستها كان باقي لها ٣ سنوات ..
رجعت عند اهلها وتحملت البعد عن زوجها .. وجابت طفل ثاني بآخر سنه ..
يعني طفلين وبعد عن الزوج ودراسه .. ونجحت ماشاءلله ..
ما انتهت قصتها هنا ..

بعد التخرج راحت عند زوجها سنه .. والسنه اللي بعدها طلع لها وظيفه بعيده ..
وقبلت فيها .. ورجع التعب والبعد + اطفال + بيت
وتحمّلت .. والحمدلله العام الماضي نقلت لمدرسه جنب بيتها ..

تحملت اشياء كثيره ٤ سنوات ..
والنتيجة :
حققت نفسهآ .. اخذت شهاده .. توظفت .. استقلال مادي ومعنوي

ماشاء الله تبارك الله .. الله يزيدها ويسعدهآ ..



.... العمل الجاد هو الثمن الذي ندفعه مقابل النجاح .....










كوكو شآنيل ،

صآحبة شركة (شآنيل ) التجميلية ..

ما اعرف التضحيات اللي قدمتها لكني اعتبرها انسانة مُنجزة
يكفي نعرف انها عآشت في ( ميتم ) وتربت فيه ...
وانجازاتها العظيمة خرجت من رحم معاناتهآ ..
اجمل عطوراتها ( شانيل ٥ ) اللي سمته على رقم غرفتها بالميتم ،

اليتم / العوز / الفقر
مامنعها تدور داخلها وتنجز وتبدع ،









النجاح جواتنآ .. يبدا من داخلنا ... من ملكآت انفسنآ ..
والظروف حولنا معونات .. ومساعدات لنا .. بس مو هي كل شي
كل شي يبدا من داخلك / من قلبك ونفسك وروحك ،




اللي بقوله لكم



نجآحك يتوقف عليكِ انتِ ..
كم من وحده تزوجت بدون رغبتهآ .. وتطلقت
وكم وحده دخلت تخصص تكرهه .. وفشلت
وكم وحده اعطت واعطت واعطت .. ولم تأخذ

كل هذا الفشل بسبب انهم ما تبعوا انفسهم //

من اكثر الأخطاء التي يرتكبها الإنسان في حياته …
كانت نتيجة لمواقف كان من الواجب فيها أن يقول ( لا ) … فقال ( نعم ) !!!






\
/
\
/





امس على قناة بداية ..
كان الشيخ ( ابراهيم الدويش ) يحكي عن امرأة فقيرة دائما ما تأتي اليه وتطلب المآل ..
فكّر ان يسآعدهآ .. سألها ماذا تتقنين ؟ قالت ( صنع القرصان )
فاشترى لها ( صآج ) .. و ( دقيق ) واتفق مع احد المحلات ان يسوقوا لهآ ..

وكآنت تنتج يومياً كيلوين .. ٣ كيلو .. وهكذا ...
اشتهر قرصانها لانه صنع بلدي وصار عليه طلب ...
يقول فزادت من انتاجها ..

يقول الشيخ ان صاحب المخبز اللذي يسوق لهآ قال لي ... تعرف كم ربحها الشهري الآن ؟
يقول انه ١٥ الف ريآل ..
بعد ان كانت تطلب الف والفين ليكفيها مئونة شهر ..


فسبحان الذي رزقها وسخر لها


من صميم الصعوبات تُخلق الفرص


\
/
\
/
\









اذكركم بقواعد النجآح //
* التوكل على الله .. وحسن الظن به
* الثقة بالنفس ارجعو لدرس الثقة بالنفس وطورو انفسكم
*الطموح / اذا عندك هدف سوي كل شي في سبيل تحقيق هدفك
* التفااااااااااااؤل






\
/
\
/
\







موظفتين في نفس البنك
وحده تتأفف من الدوام هناك .. وجو الدوام ..
والثانيه تقول لك مرتاحه فيه

وش السر ؟




السر في نظرتهم للدوام ..

الأولى /
ممكن تكون شخص يتأثر بالظروف المحيطه
او انسانة متشائمة



الثانية /
انسانة ما تتأثر بالمحيط العام .. مستقله .. تعرف وش هدفها بالدوام ..
متفائلة




وعلشان نكون كلنا مثل الثانية تعالوا نحفظ وننفذ بعض النقاط :

*فكري دايما بالأشياء اللي تملكينهآ دون غيرك
*لا تتوترين بسبب مشاكل العمل او الدراسة واعتبريها جزء من الحياة
*لاتلتفتين لمضايقات الآخرين وآرائهم المزعجة ، لانك ماراح تقدرين تغير سلوكهم او تربينهم من جديد
*تفائلي
*اجعلي الفشل درس للنجاح
*استمتعي بالحاظر واتركي القلق بالمستقبل لوقته
*اقرئي اخبار طريفة يومياً .. او اشتركي بخدمة ترسل لك هالاشياء
*خوذي قراراتك بجرأة بس بدون تهور او اندفاع
*خلي احد مصادر سعادتك هو مساعدتك لوالدينك ، ومساعدة المحتاجين او الاطفال
*عززي ايمانك بالقدر
*اعلمي ان ما اصابك لم يكن ليخطئك وما اخطأك لم يكن ليصيبك
*اعلمي ان النصر مع الصبر ، والفرج مع الكرب ، وان مع العسر يسرا
*نآمي زين وبعمق ،





\
/
\
/
\
/






تمرين اليوم :




نبي كل وحده ترد ..
تكتب لنا مقولّه واحده ايجابية تحفزّها للنجآح او التغيير //
زي اللي كتبتهم بلون موف بالموضوع



باقي لنا جلسه عن ( القلق )
وجلسه ختآميه .. وننتهي على خير :26:

رآجعه للجميع //


واحب اقول لكم

عبرووو وتكلمو بطلاقه ... خلونا ندخل نفسيآت بعض ونتعرف ع شخصياتنا
قولي كل اللي يمر في بالك ..
انا بكون صريحة معكم واحاول اتعرف ع شخصياتكم من ردودكم


صدى العلم :
الموضوع موضوعك حبيبتي وانشريه بالطريقه اللي تعجبك يآ عسل ،
انا محتسبه فيه الأجر ،