$el.classList.remove('shaking'), 820))"
x-transition:enter="ease-out duration-300"
x-transition:enter-start="opacity-0 translate-y-4 sm:translate-y-0 sm:scale-95"
x-transition:enter-end="opacity-100 translate-y-0 sm:scale-100"
x-transition:leave="ease-in duration-200"
x-transition:leave-start="opacity-100 translate-y-0 sm:scale-100"
x-transition:leave-end="opacity-0 translate-y-4 sm:translate-y-0 sm:scale-95"
x-bind:class="modalWidth"
class="inline-block w-full align-bottom bg-white dark:bg-neutral-900 rounded-lg text-right overflow-hidden shadow-xl transform transition-all sm:my-8 sm:align-middle sm:w-full"
id="modal-container"
>
كلامك جداً جميل ويدش القلب بعفويه..في نقاط كثير كثير ولله الحمد والمنه امارسها . وهذا بفضل الله تعالى ثم ثقتي في قدراتي ولا الحياه علمتني بدري.. بدري.. بدري!
عندي ثقه كبيره بنفسي.. واني ممكن اسوي كل شي ممكن يطور من اسلوبي وشخصيتي... وكيف ممكن اتكيف مع الحياه وظروفها..
بس الاهم اني اقرر اني اخلق هالسعاده داخلي.عشان تهون علي احزاني..
ماانكر اني مرات اضعف لحزني لكن بفضل الله تعالى ماأستسلم ابد.. و حسن ظني بالله كبير ..كبير.. كبير...قدرت بهالشي اصير سعيده.. ومتفائله حتى لو داخلي كدر.. لكن ادري ان الحياه احلى بكثير من اني انسى نفسي وانصااع لهمومها...
ولما احس بألم نفسي عندي مليون طريقه افرغ همي فيها...
استغفر / أدعي ربي بإلحاح يفرجها ويجعلها سحابة صيف وانسى...
وياما مرت علي مواقف لكن ربي يخرجني منها براحة ورضا..بسبب تفاءلي وإستغفاري... ومافيه احد ينكر فضلهم بحياة اي شخص....
وبرضه مااغفل الجانب الكتابي بحياتي.. من خلال هالموهبه طوعت حزني بحرفي.. والحمدلله تعالى راضيه عن نفسي كل الرضا لاني كسبت قلوب عضوات هنا كثير وبغيره من المنتديات... وهذا كان سبب في اصراري على تطوير نفسي... بما اني عاطله وعندي النت ممكن يعوضني واستفيد من وقتي بشي يزيدني سعاده...
والتغير جدا كان ممتع وزاادني طموح اتعلم مواهب غير مثلا التصميم.. اصمم بطاقات... وهيك شي.. وكل مره انجز شي وابدع فيه يزيد طموحي لدرجه اني الان في طور كتابة روايه بالفصحى وراح انشرها تعالى بالمكتبات... وهذا هو الان اول احلامي.. وراح احققه لو ربي كتب ولقيت تشجيع
١ ) ماهي الأمور التي تعجبني في الآخرين؟
الثقه بالنفس/ الحكمه في الامور/التكيف مع ظروف الزمان والصبر عليها..
يدفعه حب الله تعالى والعمل بما يرضيه..وحسن الظن
٢ ) ماهي اكثر ٥ شخصيات تاريخية تعجبني ؟
وسبب الاعجاب بكل شخصية ؟
الرسول صلى الله عليه وسلم..صبرة على الاعداء واظهار الاسلام بااجمل صوره
سيدنا ابو بكر / حبه وولائه للرسول ووقوفه معاه في الوقت الي تخلى عنه كثير.............................. ..............................
.عمر ابن الخطاب /غيرته على الاسلام .............................
عمر بن عبدالعزيز /عدله وخوفه من الله تعالى في كل امور حياته..............................
.............................. ..............................
٣) ماهي اكثر ٥ شخصيات معاصرة تعجبني ؟ وما سبب الإعجاب بهم ؟
.عبدالمحسن الاحمد الداعيه المعروف/ كلامه يهز القلب ويأثر فيني ويحمسني لعمل الخير والاصرار عليه............................. ..............................
.نبيل العوضي داعيه معروف / قوة شخصيته والموضوعات الي يناقشها بكل حزم ويسعى لحلها بالشكل المشروع والمرضي............................. .
محمد العوضي شخصية جداً جداً احب اسمع لها كثير وكلامه يريح النفس
خالد الراشد مستحيل مااسمع له ويحمسني كلامه للاخره هالشخص هذا فيه خوف عجيب من الله وقلبه رقيق مره من محاظراته يبكي على طول من شدة ولاءه لله تعالى وخوفه
٤) من هو الشخص الذي له اكبر أثر في حياتي؟ لماذا له هذا الأثر الكبير في حياتي؟
...بصراحه زوجي الحبيب / وقف معاي كثير وشجعني. ويقدر الوضع ويحترم قراراتي
أ - اختاري من اجابتك على السؤال ( الثالث ) شخصين قد حققوا ما تطمحين اليه
عبدالمحسن الاحمد.. ونبيل العوضي.............................. .............................. ..
ب- حددي الصفات و السلوكيات التي تميزوا بها و جعلتهم ناجحين و سعداء
عبد المحسن الاحمد شخص فاهم الحياه والناس ونفسياتهم صح عشان كذا صار قريب جدا من القلب وقادر انه يوصل لهم بأسلوبه الحكيم في الامور نبيل العوضي انسان يكفيه حكمته وعلمه ويقول كلمة الحق مايخاف احد الا الله تعالى.. .............................. .............................. .
ج – تخيليهم يرشدونك إلى أفضل الطرق لتحقيق طموحآتك ..
اكتبي كل واحد منهم .. ماذا تتوقعين سيقول لك ؟
عبدالمحسن بينصحني ابتعد عن كتابات الحزن نهائياً مع ان الكتابات والنك مو مرتبط بشخصيتي .. بس احبه مو اكثر...وبصراحه اكثر عضوات كثير رفضو فيني هالشي ونصحوني اتركه حتى لمجرد الكتابه :06: ههههههههههههههه وعلى يقين انك استغربتي نكي وردي هنا ( كله تفاءل وسعاده) ...
ونبيل العوضي
بيعطيني جرعه من مواقف الحياه الي تزيدني حب للاسلام والووقوف بوجه كل ظالم وفضحه..
بالنسبة للاختبار الثقه بالنفس خذيت 90... ولله الحمد..
واختبار عقدة الذنب.. كانت النتيجه غير مرضيه للاسف والسبب اني فيني ولاء عجيب/ عجيب/ عجيب تجاه الي احبهم حتى لو على حساب راحتي ..
اذكركم بقواعد النجآح //
* التوكل على الله .. وحسن الظن به
* الثقة بالنفس ارجعو لدرس الثقة بالنفس وطورو انفسكم
*الطموح / اذا عندك هدف سوي كل شي في سبيل تحقيق هدفك
* التفااااااااااااؤل
هذي بحد ذاتها سبب اول في نجاحي
الحمدلله تعالى يمكن من الاشياء الي كنت متاكده منها وانصح فيها غيري
(عندك ميزه مو في غيرك ابحثي عنها داخلك وبتحصلينها)
سمعتها ايام المتوسطه من معلمه ومن يومي وانا ماخذتها مبدأ في حياتي. وكل مره تزيد قناعتي فيها..
*لاتلتفتين لمضايقات الآخرين وآرائهم المزعجة ، لانك ماراح تقدرين تغير سلوكهم او تربينهم من جديد
ياما تعرضت لمثل هالمواقف زمان قبل اتعلم من الحياه ( يعني بصغري او بداية المراهقه)
وكنت أتالم وأتاثر والنفسية دمار وشفت الدنيا حولي سواااااد...بس فهمت لما كبرت شوي وعرفت الدنيا صح .. ان الي صار مجرد كلام وحتى افقد ثقتي بنفسي..واصير بدون هدف .. ولما قريت هالمقوله( لاترمى بالحجاره الا الاشجار المثمره ) من لحظتها وعيت وفهمت الوضع وعرفت كيف اواجه حياتي بتحدي واوقف بوجه كل من حاول يدمرني وان كل الي صار ماهو الاحسد وغيره وبسببهم زاد اصراري عالنجاح واثبات ذاتي.يعني بعض المواقف ظاهره يمكن يالمك.. لكن لو فكرنا وتأملنا باطن الامور راح نعلم ان كل الي صار ماهو الاخيرلنا. والدليل هالموقف الي حصل لي وبيحصل لمليون غيري!
رضيت بواقعي وتحملت عقلياتهم واني مااقدر اصلح الكون لكن اتكيف معاه بالطريقه المشروعه والي تريحني وفهمت ان الامر الي صار منهم كان فيه خير لي..
لاني تعلمت انو الشاطر بس هو الي يعرف يستغل الفرص لصالحه
واكيد الشخص نفسه هو الي يرفع من قدره ويثبت للناس ومن خلال فهمه الامور انه شخص قد الظروف مو العكس! ولا يتأثر باي راي.
وطالما انت انسان حاب تكون علاقات مع الي حولك.. لاتهدمه او يكون وجودك بحياته سيء .. بالعكس اترك لك اثر حلو بحياته وارضى بالطرف الاخر بكل عيوبه حتى تنجح علاقاتك مع الناس..وتكون انت بالمقام الاول راضي عن نفسك..
*اقرئي اخبار طريفة يومياً .. او اشتركي بخدمة ترسل لك هالاشياء
يمكن اللي مااحد يعرفه عني.. ان بعيوني حزن كبير لكن والله العظيم شخصية مرحه وبالمقام الاول.. وكثير يستغرب هالشي فيني كيف كل هالحزن ومع هذا اقلب المجلس هبال كذا... هذي اعتبرها نعمه احمد ربي عليها ليل نهار... لان مو كل حزين يقدر يرسم حتى بسمه!
*نآمي زين وبعمق ،
مرات بصراحه اكون انسانه حلوه في سياستي من هالناحيه ومرات اتمرد وامارس هواياتي بالليل واترك ام النوم على جنب!
اتعبت نفسي حيل من هالناحيه لكن شالحيله!؟
( السهر متعه بالنسبه لي)
اختي اموله طولت ادري.. وعذري اني مستمتعه بالحديث معاك..
كل الشكر لقلبك/ كيوبوردك/طيبتك