ام ايمان ونواف :

يجب ان تكون قويا .وان تشعر بانك قوي ,اقوى من اي فكره تزعزع ثقتك في نفسك هذه المقوله تحمسني وتدفعني الى الامام

يجب ان تكون قويا .وان تشعر بانك قوي ,اقوى من اي فكره تزعزع ثقتك في نفسك هذه المقوله تحمسني...

اهات الروح :

موضوع رائع من المتابعين لكي باذن الله

موضوع رائع من المتابعين لكي باذن الله

.. امل .. :

\ / \ / الجزء ٦ \ / \ / \ كان المفروض هالجزء يكون عن القلق بس من ردودكم الماضيه غيرت رايي وراح نتكلم عن التعآمل مع الآخرين \ / \ / \ / \ في فتره من فترآت حيآتي بين المراهقة والنضج .. كنت الاحظ انو الكل يحب يسولف معآي / ويشكي لي / ويفضفض لي كنت استغرب ليه ؟ ومآعرفت نضجت وقلّت شكآوي و فضفضت النآس لي وبعد مآ عرفت ليه ؟ وفي يوم من الأيآم .. كآنت وحده من الزميلآت جايبه لنآ معآهآ اختبآر شخصيآت ... تختآري شكل تحبينه ( مثلث / دائرة / مربع / مستطيل ) وحللون شخصيتك حسب اختيارك ... اخترت انا شكل مثلث ... وكنت احبه اكثر من بآقي الأشكآل وكآنو يعددون الصفآت وتنطبق علي وحده وحده .. وانصدمت صراحة لمآ وصلو للسلبيات ( كثير المقاطعة لمن يحدّثه ) وعلى طول قالت وحده ايه هذا فيك !! وبديت اراقب تصرفآتي واكتشفت اني فعلا اكمل الكلام عن اللي يكلمني ... مدري وش مستعجلة عليه ! والحمدلله قدرت اتخلص من هالطبع السيء ولما بديت استرجع اكتشفت ان حبهم للفضفضه لي من زمآن بسبب ( حسن الاصغآء ) ونفورهم بعد كذا .. بسبب ( كثرة المقاطعة لحديثهم ) قريت مرّه ان الانسان اللي يقاطع كثير / يرهق نفسه لأنه يتكلم عن شخصين .. مره يكمّل كلام اللي معآه .. ومره يتكلم ! لذلك اقول .. التعآمل مع النآس فن و الفن .. صنعة نتعلمه بالممارسة تعآلو نتعلم فن التعآآآآمل مع النآآآآس // * لاتقاطع االلي يكلمك .. لان هالشي يخلي اللي يكلمك يفهمك غلط ويفكرك تستعرض بمعرفتك / او قلة اهتمام منك ... وهالشي صآر لي شخصيا لما كنت اصارع هالعاده السيئة // وحده من زميلاتي كانت تتضايق جدا وتفكرني استعرض معرفتي لاني اكمل لها الجملة او المعلومة ! * انتقي مفرداتك و مواضيعك ... وزي ما يقولون بالمثل المصري : الملافظ سعد بمعنى أن أحدا يستطيع أن يبلغ ذات الرسالة باستعمال ألفاظ رقيقة ومهذبة حتى لو كان المعنى غير ذلك! - انتبهي من كلماتك وطهري لسانك من المفردات السوقيّه .. و السب والشتم و اللعن .. خليك انثى .. حييّه خجولة .. تخجل من سيء الكلآم ... - مواضيعك .. بعدي كل البعد عن مواضيع النميمة و الحش .. وحده من الزميلآت .. كانت منظمة لمجموعتنا .. وكآنت تتكلم عن عملها السابق .. وكيف انهم غلطو عليهآ .. وانها انتقمت بأنها زرعت الفتنة بينهم وتزاعلوا .. وكآنت تتكلم وكأنه انجآز ... صرآحة الجميع التزم الصمت .. ولا عجب .. المجموعة ماشاء الله فتيآت رآقيآت ... مثقفآت .. صراحه الجميع كان بين نآرين : * اولا .. لا نستطيع مجاملتها والثناء على هذه البطولة * ثانيا .. من المُخجل ان ننتقدها علانية .. خاصة وهي تتكلم من باب الفخر ! التزمنآ الصمت .. لكن عيونها كانت تتنقل بيننا تبحث عن مؤيد او أي ردة فعل .. صراحة كآنت بموقف لا تُحسد عليه .. انتبهو كلكم لمواضيعكم علشان لاتصيرون بنفس الموقف نآهيكم عن انو الجميع صار يحذرها لانو عرفو عنها صفة سيئة * الابتسآمة و بشآشة الوجـــه .. هالشي يريحك ويريح النآس في التعآمل معك .. خاصة اللي اول مره يلتقونك احيانا فيه ناس نلتقيهم ويمكن تجمعنا بهم قاعات الدراسة ونفترق .. ومانتذكر منهم الا انهم دايماااا مبتسمين * لا تنتقدين الناس وتظهرين عيوبهم .. لا تتصآرحوا .. كآن هذا عنوان مقالة قرأتها لكاتبة لبنانية اعتقد .. تتكلم عن اجتماعها الاخير مع اصدقاءها .. تقول كانت اخر مره رأيتهم فيها هو ذلك الاجتماع .. والسبب ان احدهم - هداه الله - اقترح ان يلعبو لعبة الصراحة .. وبدأ فقال : يا فلان انت انسان ثرثار وكلامك كثير وتحشو الحديث بما لافائدة فيه فرد عليه : شكرا لصراحتك واسمح لي اصارحك انك انسان بخيل و اقل واحد يعزمنا هو انت ، وتتعمد الذهاب مبكرا حتى لاتدفع ثمن العزومة وقال الآخر : وانت يا فلان : اشعارك تافهة ولاتستحق القراءة وجميعنا نجاملك ونظطر لسمعاها ... ....الخ ... اللقاء ... الذي ... لم ... يكتمل ... وافترق الجميع غآضبين ! الصراحة حلوة ومطلوبة .. بس الانتقآد بدون ما احد يطلب منك .. مو مطلوب ابدا .. راح يشوفونك انسانة متطفلة ومزعجة و وقحة ! حآولي تنصحيها باسلوووووب اذا فعلا فيها عيب مزعجك لكن ايااك وتعددين هالعيوب صراحة او علانية .. * سآعدي الآخرين ... بس الاهم متى و وين ؟ اذا طلبو منك ... علشآن مآ يقولون عنك لزقه و متطفله ! وبحدود مقدرررررتك ... علشان لاتزهقين ويبان عليك هالشي .. وعلشان لاترهقين نفسك من تجربتي : احيانا فيه ناس مرره خجولين ولطفاااء وكرماء معانا .. ممكن تبدين بعرض مساعدتك لهم بعمل اذا تقدرين .. ومو شرط يطلبون لانهم فعلا يستاهلون ولانك ضامنه انهم ماراح يسيئون الظن فيك .. * قللي من المزآح ... اولا لانه مو كل الناس تتقبل المزاح .. وممكن يكون مزحك ثقيل ... والاهم تتذكرين ( ان من كثر مزاحه كثرت اخطاءه ) وترا مو فخر تتحولين ( اراجوز ) و ( مهرج ) الجلسة .. * انتبهي من التلون بأكثر من وجه ... وبالعامّيه نسميها ( ام وجهين ) فلا بد وتنكشفيييين ... زي وحده من الزميلات هداها الله .. وسوس لها ابليس وراحت نقلت كلام ( صديقاتها ) للمديرة .. طبعا هي قصدها فرّق تسد .. الحاصل انو المشكلة جت على رآسها .. والمديرة نفسها قالت لها لو تهمك مصلحتي فعلا ماكان نقلتي لي الكلام .. والمديرة علمت صديقاتها .. لانها صارحتهم بالسالفة .. وطلعت هي بنظر الكل ( صغيييييره ) و ( تااااافهه ) والكل يحذرهآ . * لا تتكلفين وتبالغين بتصرفاتك او كلامك .... سبحان الله البنت اللي تتصنع كلام او لهجه معينه ماتدخل القلب ابدا وكلامها ثقيل ع الاذن .. لانها تتصنع وتفكر قبل تتكلم بمظهر الكلام .. وليس جهره ... خلوكم ع طبيعتكم .. وطبيعتكم لازم تكون نآعمة وانثوية ... وهآدئة ... ولاتنسون تفكرون قبل تتكلمون .. والاهم قانون العشر ثواني ... اللي قلناه قبل .. * لا تتدّعين اشياء مو عندك ... الله يهديهم النساء عندهم هالشي منتشر ... هههههه طرت علي النكته اللي تبي تكشخ .. قالت لها صاحبتها شوزك حلو من وين اشتريتيه قالت : من ماكدونآلدز ع بآلهآ مآركة ! هذا اللي بيصير لأي وحده تدّعي اشياء مو عندهآ .. بتتورط بالتفاصيل + ذنب الكذب + بتنكشف لاتستحين من وضعك المادي او الاجتماعي مهما كآن وتكلمنا عنه بمقدمة الدورة ... * حافظي على مواعيدك وعهودك مع النآس هالشي اسرع شي يُكسبك احترام النآس .. واسرع شي يخسرك احترامهم ... حطي هالقاعدة في بالك انتبهي توعدين احد و تتجاهلين وعدك .. وعدتي وحده بشغله .. نفذيها وعدتي بنت بتجيبين لها رقم ... ورقه مهمه ... غرض .... اي شي .. نفذيه او اعتذري .. المهم لا تتجاهلين احد اتصل عليك وقلتي له شوي واكلمك وسكرتي .. خلاص شوي وكلميها او اعتذري برساله .. بس لا تتجاهلينها انتي ترضي احد يتجآهلك ؟ * لاتثرثرين وآجد .. وتتسيدين المجلس ... عطي الناس فرصه يتكلمون ... ويسمعون غيرك ... الثرثره بغيييضه جدا جدا ... تكرّه النآس فيك ... و تطيّح قيمتك .. * التواااااضع وحب الصغير واحترام الكبير .. زميلتك حآمل .. سآعديهآ اخوك كبير بالسن .. قدرّيه و بوسي رآسه بالسلام والامثله كثيره ... وهالخُلق من اجمل الاخلاق ترفع قدرك بعيون النآس ويحببهم فيك .. \ / \ / \ الكآريزمآ .. سبحآن الله .. فيه اشخاص حبآهم الله بـ " شخصية " جذآآآآآآآآبة ... لهم حضور ملفت .. الكل يتمنى رضآهم .. مع انهم عآديين يمكن جمآلهم عآدي / ويمكن مناصبهم عآديه / ويمكن ماديتهم بعد عآديه لكنهم جذابين ... شخصيتهم دائماً محترمة جدا .. وتتسم بالتواضع ولين الجآنب صفآتهم الغآلبة // اجتماعي جداً .. نشيط …حماسي .. سريع البديهه .. محبوب .. مثقف .. طموووح … يعشق التحدي .. والتغيير ... لا يقف امامه شي … افكاره عميقة … صاحب موقف وفكر معين … واثق من نفسه بالطبع .. قادر على الاقناع ،، فيصبح من حوله اكثر حماس بالفكرة حماس قد يصل للجنون تذكرو شخصية تعرفونها / مشهورة / او من قرايبك / معارفك تتصف بالكآريزمآ ... وقولو لنا اكثر الصفات اللي تعتقدونها فيه .. و مخليه النآس تنجذب له ! او موقف تتذكرونه مع اشخاص زي كذا ... المكرفون لكم ... سولفو زي ماتحبووووون نلتقي على خير :26:

\ / \ / الجزء ٦ \ / \ / \ كان المفروض هالجزء يكون عن القلق بس من...