*Orkeda*
•
السلام عليكم
معلش ماشفت الموضوع غير الحين
يصير اسجل معكون وارجع اقرا اللي فاتني ولا راحت عليا
ارجوكم ساعدوني
معلش ماشفت الموضوع غير الحين
يصير اسجل معكون وارجع اقرا اللي فاتني ولا راحت عليا
ارجوكم ساعدوني
الصفحة الأخيرة
هلابك حبيبتي أمل/
أولا ياعمري حمدلله عالسلامه.. فقدتك كثيررر... رغم مشاغلي والدوره التي كنت مشتركه فيها وخذت كل وقتي إلا إنك عالبال.. ويعلم الله تعالى....
ثانيا نرجع الى محور حديثنا عن النقاط الاهم في موضوعك والي إستخلصناها منه..وخرجنا بفايدة عظيمة منها...
ماأحب أجررح أحد... ولو حسيت أن شخص واقع في مشكلة أو صلح شيء خطأ فضيع.. ماأحب أعامله بطريقة عنيفة... بالعكس كذا يمكن مايستوعب نصيحتي ولا راح يتقبلها بنفس راضيه ويمكن يتمادى...
احاول أفهمه بطريقة مؤدبة عن الخطأ الحاصل ... وكيف ممكن يتخلص من مشكلته بأسلم الطرق...
أراعي حتى بحياتي العاديه يكون كلامي سلس.. بعيد عن التعقيد والعنف.. والصراخ...لأني مأبي اعطي الطرف الأخر صورة سيئه عني... وأبي بنفس الوقت يفهم شخصيتي.. وكيف عاداتي..وإسلوبي في الحياة...
سالفة التجريح أحس فيها إنقاص لقيمة الشخص نفسه...وإشعار الطرف الأخر بإلاستهانه بمشاعره...!
وهذا شيء مرفوووووووض بالنسبه لي...
أفكاري أحاول بكل ماأستطيع تكون واعية... واعيه.. وأعرف وش ابي.. يعني وش لي ووش علي... أحاول بكل مااقدر أني مااقصر مع أحد وعلى حسب إمكاانااتي ...
أسوي جدولة لأفكاري من فتره لفترة... يمكن الي كان أمس أشوفه صحيح.. إكتشفت أن نظرتي كان ينقصها حكمة ووعي شوي.. خلاص أغيرها والأهم أتقبلها عن قناعة .. مو لمجرد إرضاء للأخرين!
أهدافي أرسمها وأجدد وأشوف وش تحقق منها وأكافيء نفسي.. إما بتمشية مع زوجي.. أو زيارة صديقة.. أو حتى هدية بسيطة لنفسي.. افرح نفسي فيها.. ووش الي باقي من أهداف
وأركز عليه وأحط أملي بالله إنه يبتحقق طالما أحسنت ظني فيه تعالى.. وسعيت له بالطريقة المشروعة...
أيامي أحاول أعيشها بسلام.. إستمتع بكل لحظه فيها...همومي اتناساها ... أكثر مايعقد الحياة.. ويكون سبب في جمودها هو الاستسلام للمشكلة.. أو الهروب من الواقع.. وتعليق الأمال.. وترك المشكلات بدون حلول جذرية ...هذا بحد ذاته يسبب تراكمات وتصبح الحياة ظلاااااام...كئيبة... وهذا برضه ماأحبه.. وأرفضه تماما في خططي...
أحاول ازيد معرفتي بالحياة بمخالطة الناس.. قراءة الكتب ... الي تهتم أكثر بتطوير الذات ورفع الثقه... والتجديد... وكيف طريقة التعامل الاجمل مع الي حولك...ومافية أروع من كتب المحللة النفسانية فيرا بيفر, جد تعجبني كتاباتها وسلاستها .. قريبة من القلب وتقنعك بسرعة..
وماأنسى مجالي الأدبي ... أموت في قراءة الكتب الأدبية اللي أظمن أنها تزيدني معرفة بفنون الأدب.. وتطور من إسلوبي الكتابي...
لما أجلس عالتلفزيون أحاول أستفيد أكبر قدر ممكن من البرامج الإجتماعيه بصرااحه... تغريني المواضيع الي تلامس قضايا الناس.. وتتكلم عن همومهم... أحب أفهم كيف طريقة الحلول فيها.. وكيف مواجهة مثل هالنفسيات...
قبل شهر تقريباً سجلت بدورة خلصت بس أمس..( الإكاديميه الايجابية الاجتماعية ) ماتصدقين حبيبتي أمل كيف كانت نفسيتي وانا فيها.. كيف قدرت أستفيد من كل تجربة., كل درس.. كل نصيحه كانت تقولها الطالبه المشاركه فيها... كنت كل مره أقيم نفسي... أطبق الخطط والأهداف المرسومه قداامي .. اذا كانت مش من ظمن خططي... احاول اتعلم منهم الجديد...
اكتسبت اشياء كثير... يكفي اني طلَّعت كل امكاناتي الأدبية والإجتماعيه من مقالات وخواطر.. وتصاميم... وتجارب مرت علي .. بإسلوبي المتواضع.. ولقيت إقبال كبير عليها حتى برا الاكاديميه كانو كثير يقرأ لي.. ومتحمس لأي شي اضيفه فيها...
والله حسيت بالسعادة.. إني حققت شي لصالحي وهو محبتهم... فهموني أكثر.. عرفو أشياء عني.. ماكنت أصلا احكيها لأحد لكن بما أننا في مكان المطلووب نقول كل شي مفيد.. بدون اي خجل وحواجز ..قررت اتكلم.. واقول كل شي بصراحة... والحمدلله ماندمت أبدا أني سجلت فيها... الله يسعدهم دووم ..
.. شي مهم بقوله.. ولاادري هل شيء طبيعي فيني.. ولا ..
دايما ماااكنت اقول للطرف الثاني اذا كانت علاقتي فيه قويه مره... على عيوبي.. مو كل عيوبي ..يمكن مرات الواحد يشوف ان هذا عيب لكن غيره يشوفه ميززه..
لكن فيه عيوب واضحه...مثل العصبية.. الحساسيه.. كنت اقول لصديقاتي عنها... يعني مثلا كنت اقوول ترا لما اعصب قشرا انتبهي... مع انها الحمدلله ماتوصل للتجريح ... لكن احب يكونو على بينه... يمكن خطأ هالشيء... بس للاماانه واضحه في هالنقطه معاهم خاصه لما تكون العلاقه جديده..وطبعا بعض العيوب اخليها هي تكتشفها فيني.. << يقال تسوي اكشن بالعلاقه ههههههههههههه
لكن مثل ماقلت كلها عيوب بسيطة إن شاءالله... يعني ماتضر الي حولي...
داخلي سعادة... وإستقرار نفسي.. وراضيه بحياتي ومتفائلة خير... علماً أني متخرجه من زماان وأنتظر الوظيفه في بادئ الامر كان هالشي يشغلني كثير واتعبني... وأنا اقدم هنا وأنتظر بضيق من جهة ثانيه..
لكن لما مرت السنين وبديت أفهم الحياة صح... قررت أني انظر للمشكله من جانبها الحلوو.. ايوه مو متوظفة... لكن الحمدلله متزوجة .. ومستقره في حياتي...وعندي اطفالي بالدنيا كلها.... واجتماعيه ولي صديقاتي وحبايبي... ليه اركز عقلي بجانبها السيء واتعب نفسي واظلم اللى حولي.... اتشكى وحزينه وحالتي حاله!!
فقلت أرضى وأقتنع وأعيش يومي... والي كاتبه ربي بيصير وهالامر ماأخره الا فيه خيره لي... اذاً الحياة حلووه حتى لو بدون وظيفه...( القناعة كنز..كنز)
وشيء مهم أحب اقوله.. في كتاب جداً جميل.. إسمة ( أعد كتابة حياتك) يشمل سيناريوهات إيجابية في التفكير.. النوم.. الأكل..حتى في العلاقات... كتاب شامل .. ووافي ..وكيفية الإستغناء عن الافكار السلبية وتحويلها لإيجابية...بجد بتعب وانا اقول رووعه... من فتره لي فتره ارجع له.. للكاتبة الجميلة: إيف آش..أنصح الكل بإقتناؤه...
بخصوص تقدير الذات والثقه نقطة تكلمتي عنها.. وقلتِ انها من أسباب نجاح الشخص... وإستقرارة النفسي... عيوبي بفضل الله متقبلتها .. لان عندي قناعة تامه مافيه شخص كاامل/ معصوم من الخطأ / خلاص قدامي شيء واحد أعالج هالعيوب .. والي ماأقدر عليه اتقبله وارضى فيه...
موقف حصل قبل ايام مني بدون أي قصد... وزوجي تضايق وزعل... واحنا راجعين البيت قال بهدوء انا زعلان منك.. انصدمت~.وماحبيت اناقشة واحنا بالسيارة وقدام بنتي...
ولما رجعنا وجلس يشرب قهوته فتحت معاه الموضوع ووش زعلك مني؟
قال خلاص إنسي..!!
قلت لا ماراح أنسى حبيبي .. إنت قلت إنك زعلان وأبي أفهم وش سويت.. كنت أكلمه بمنتهى الهدووووء والرقة. عشان اقدر اخذ منه الكلام برواقه....ومع هذا ماقال بس يكفي تصرفاته كانت مو مثل العاده... إنقهرت بداخلي ورجعت له قبل لايناام قلت للحين زعلان؟ قال لا... ولا تغير لليوم الثاني يتكلم معاي برسميه.. قلت له بلحظه كنت اتمنى صرحت لي شفيك.. واذا قصدك الموقف الي كذا وكذا.. انا ماكنت متعمده يحصل ويعلم الله تعالى بنيتي... اتمنى تصدقني... وتركته مارجعت بعدها أفتح معاه الموضوع.. وعشت يومي عاادي ..خليته على راحته... لو يبي يحكي كان قال من البداية.. مو يلمح ويسكت..والله العظيم عادي اسولف مع ذي واكلم ذي ومع عيالي اموري تمام.. اخر اليوم وجاء كلمني عادي!! ويسولف...
وبنفسه اعتذر قال كانت نفسيتي تعبانه بسبب كذا وكذا.. وموقفك ذا الي صار زعلني.. كنت ساكته اسمع له... ولما خلص حكي.. قلت انا واثقه اني ماسويت شي غلط... حتى المره الاولى جيت لك وابي تفهمني ونتنااقش... لكن انت فضلت السكوت وطولتها وتركتك على راحتك.....وانتهى الامر على خير وصار يحكي ويضحك ولا كأن شيء صار..
ببساطة كنت واثقه اني ماسويت شيء يزعله... وحتى لو قصده الموقف الي لمح انو زعله.. كان موقف عادي جدا مايستاهل كل ذا!
يعني الأن تخلصت من عقدة الذنب ..قبل كنت ماأبي أي احد يزعل وأسرف بالاعتذار.. حتى لو كان الخطا الي صدر مني بسيط....
بس الأن اختلف الامر.. رغم حبي الشديد له.. لكن وضحت له الأمر وتركت الباقي عليه ...بيصدقني اوك.. مايبي أانا سويت الي علي!
طالما واثقه من تصرفاتي.مو محتاجه أتعب نفسي .. وأبرر بسبب أو بدون سبب...
حبيبتي أمل تأكدي إستفدت من دورتك... ماأنكر إن كتب علم النفس الي كنت أقراها زادتني خبرة بالحياه فوق تجاربي المؤلمة .. لكن الحمدلله دروتك زاادتني إصرار.. وحبيت اتفاعل معاها قولا وفعلا...
السعادة بنظري هي برضا الله تعالى اولا~.
محبة الناس... ومعاملتهم بطريقة راقية... تعبر عن شخصيتي.. وسمو أخلاقي..
الصبر على اصعب الظروف.. وأصعب الناس تعاملا..
السعادة ابداً ماراح احس فيها الا اذا كانت نابعة من الداخل... تترجمها افكاري وتصرفاتي...
كلماتك ذي بحد ذاتها دررررس.. فكرتك حلووه... إستوعبتها وبراجع فيها تصرفاتي أكثر... عشان أسلط الضوء على تقصيري.
أكثر مايخوفني إن الامر يتعلق بالدين...تقصيري في أوامر الله... غير كذا يهون وعارفه نفسي زين فيها...
يعني بإختصار من فضل الله تعالى علي...سعيدة... ومرتاح بالي...وأشوف الحياة بأجمل صورة...
الله يديمها علي وعلى كل من أحب وأنتِ أولهم ياأمل..
يمكن طولت بالحكي.... بس الكلام معاك له طعمة الخاص ....وحبيت أتكلم عن انطباعي عن الدوره من بدايتها الى يومنا هذا وكيف إستفدت منها... وكيف حالي مع نصايحك.. وأوضح لك كيف طريقتي في الحياة .. وكيف مااخذه الامور...!
كل الشكر يأجملهم.... والله لايحرمك أجر كل حرف وكل كلمه وكل من طبقها... وأخذ بها...
مع السلامه...