فقدان ابنائي للأكل ساعدوني اخواتي الله يجازكم خير

السلام عليكم

اخواتي الغاليات اتمنى ان تساعدوني لأني بالفعل أقف عاجزه عن حل مشكلة ابنائي

عندي ولد عمره ستة سنوات وبنت عمرها اربعة سنوات فجأه فقدوا شهيتهم للأكل

وبان عليهم مره نحفوا وعيونهم صارت مره تعبانه تعبت اطبخ واسوي وانوع لهم وهُم

تقريبا رافضين الأكل احاول اني ماعصب عليهم ماسكه نفسي بالقوه

ولما اشوفهم حالهم تخنقني العبره بالله دلوني كيف اسوي معهم من وين ابدأ

أمي تقول على ولدي يمكن علشانه دخل المدرسه والى الآن مو متقبل الفكره واحسه متضايق

بس ماشاءالله عليه مهتم بواجباته وبالمذاكره لكن الأكل خلاص الغاه تمام من يومه

تخيلوا اترجاه يفطر الصباح مايرضى ولايرضى ياخذ معه فطور للمدرسه حتى المصروف الخاص

بالمدرسه يرجعه مثل ماهو والغداء ماياكل يالله ربع الخبز احشيه له بس جبن على حسب طلبه

اي شيء ثاني لا وبإصرار منه

وكمان البنت قالت امي يمكن متحسس من أختها ( عمرها ثلاث اشهر) وتاكل بنفسها مع انها تحبها

قدامنا تبوسه وتلعب معها بس الأكل من يوم شرفت اختها قل مره كثيرر

استخدمت اسلوب الثواب والمكافأه يعني اذا سمعوا كلامي واكلوا اكافئهم بشيء يحبونه

بس خلاص ماعاد صار حتى لهم نفس لشيء

والله انا حزينه ساعدوني الله يجزاكم خير ويرزقكم بالذريه الصالحه البارين بكم

شوري علي كيف اسوي معهم ولا أعرضهم على طبيب يشخص لي فقدانهم المفاجاء للأكل