فقدان الثقه

يا بنات تعملى ايه لما تفقدى الثقه فى نفسك؟
تفقدى الثقه فى زوجك؟ لانه مصاحب عليكى و يمكن يفكر يتجوز عليكى وانتى روحك فيه و بتحبيه بس مش فى ايدك حاجه تعمليها؟ بتحاولى لكن ارادة ربك فوق كل شئ؟

فقدتى الثقه فى جوزك و بالتالى فقدتى الثقه فى نفسك بقيتى مهزوزه جدا و على حافة الانهيار؟ مش حاسه بالامان و لا الراحه؟ حاسه بالغدر فى اى وقت, بتنامى على سريرك و حاسه ان جوزك ممكن يطلع سكينه فى اى وقت يطعنك بيها فى ظهرك؟

شعور فظيع بعدم الامان و فين أهلك؟ اذا كان جوزك اللى هو اقرب حاجه ليكى غدر فيكى يعنى اهلك مش حايستحملوكى اوى و حيشيلوا همك.

فقدان الثقه فى النفش شعور بشع و رهيب ازاى ترجعى تكونى قويه تانى؟ ازاى تحسى بالامان تانى؟
فين الحضن اللى ممكن تنامى فيه و انتى مش خايفه ابدا

خيانة جوزك شئ صعب جدا اتمنى انه محدش يمر بيه
و انتى مش فى ايدك حاجه بتعملى اللى تقدرى عليه عمليات و دواء بس ارادة الله الحمد لله
الحمد لله قضاء الله و قدره الحمد لله ربنا يصبرنا و يثبتنا

و الله نفسى ارجع قويه جدا بس مش عارفه