بسم الله الرحمن الرحيم
الحمد لله رب العالمين
والصلاة والسلام على اشرف المرسلين
ترددت كثيرا قبل كتابة موضوعي ومذكراتي مع اعز انسان بحياتي -لاحساسي
باني لا استطيع ان افي الموضوع حقه- والسبب الاخر هي دموووووعي - كم مره حاولت وحاولت
ولكن دموعي تمنعني من المواصلة --المهم بالموضوع ابي اتكلم عن اخوي -اخوي وعزوتي وحياتي
وكل شي بهالدنيا لي -كنت امّثله كل شي جميل وكان يحب عيالي بشكل -وكان احيانا يتصل فيني ويقول ترى حولت لك مبلغ بسيط ابي ما ينقصك شي اشري اللي تبين --معجب جدا بشخصيتي ودائما كان ياخذ راأي بامور كثيره ولما يحس بمجرد احساس اني متضايقه تسود الدنيا بوجهه ويتضايق حيييل واذكر مره كلمني وكان صوتي تعبان وقالي سلامات وش فيه صوتك قلت ابد والله توني صاحيه من النوم قال علينا انا اعرفك وخابزك وعاجنك (يعني فاهمك)اعرفك لما يكون فيه شي مضايقكك ولا يمكن يسكر الا لما يعرف وشي مشكلتي ثم يبدا يهديني ويبسطها لي وكان يمووووت على زوجي ويقول هذا اخونا اللي ما جابته امنا -واذكر مره صارت بيني وبين زوجي مشكله وحس ان هالمشكله اتعبتني حييل مع اني حريصه كل الحرص ان لا اهلي ولا غيرهم يدرون عن مشاكلي لكن هو غييييير
المهم شرحت المشكله وتأثر حيل وثاني يوم كلمني وقال انتي وينك قلت كلنا مجتمعين عند بيت اختي قال كويس شاريلكم كلكم هدايا وجايينكم انا وزوجتي قلت حياكم الله --ووننتضر وطولو واروح وادق عليهم قااال صار علينا حادث وحنا بخير بس اهم شي امي لا تدري بعدها دريت انه يفكر بالمشكله ويقول والله اسوق وانا ماني مركز لين ضربت السياره بسياره ثانيه -- وكنا لما ننوي نسافر لهم يضل طول الطريق كل شوي يدق هاه وين وصلتو وشلونكم مع الطريق (هلحين لما اسافر اتذكر مكالماته وابكي وابكي بيني وبين نفسي ما ابي عيالي يحسون فيني لاني تعبتهم معي)هذه اشياء بسيطه من اللي اذكرها والا مواقفه لا تنسى معي ومع خواتي وعيالهم لكل واحد اما مع امييي فشي اخر كيف يبوس يدينها ويطلعها يتمشى هو وياها ويعزمها في بيته ويدلك رجولها ويدينها ويعطيها علاجها ويشيل شيلتها ويقعد يبوس في راسها ويشم ريحتها واي شي ينقصها يجيبه من غير ما تقول -- فهو باااار فيها جدا وما قطع قلبي مثل امي
فهو انسان حساااااااااس وحنووووووووون للجميع
ودائما كنت اقوله الله لايحرمني منك ومن احساسك ويناضرني ويضحك- اه اه اه الفرااااااااااااااق صعب ولكن الحمد لله
على كل حال -والله اني دائما افكر واقول ياخوفي اني افقدك يااااااخوي لان احساسه غريب --المهم مره تعب وراح لمستشفى الملك فهد فقالو عندك القلب تعباااان وهو اصلا عنده القلب من زمااان وقالو لازم نحط لك دعامه للقلب مدري كيف يقولو انها ضد الصدمات --انا ماني فاهمتها اصلا--المهم انهم اقنعوه فكلمني وقال تراها سهله وبسيطه وانا اقتنعت اني احطها وقمت ادعيله ووسوو له زي المنضار ودخلو الجهاز (حسبي الله عليهم)فعلا بسرعه طلع من غرفة العمليات و انا مع اخوي الكبير واختي على الخط لين فااق وكلمته وسمعت صوته وتطمنت عليه لاني في منطقه بعيده عنهم وعيالي مدارس --وطلع من المستشفى وبعد كم يوم بدت عيونه تزغلل ووحده من عيونه صارت حولا يعني صار فيه حول مع ااالم فضيع في الراس ونضره بدا يقل وقام ما يقدر يطلع اي مشوار بالسياره وحط له سواق في هالاثناء راح لمستشفى خاص واخذ اشعه على راسه وقاله اخصائي الاشعه فيه شي بالراس زي تجمع الدم ونصحه بانه يروح لمستشفى الحسين بالاردن وقاله على افضل الدكاتره هناك ووصاهم عليه وانا كل هالتفاصيل مااااادري عنها وكلهم تواصو انهم ما يعلموني بهذي التفاصيل لاني بتلك الاثناء طحت بالوحم وانا وحامي صععععب لدرجة اني اصير هيكل عضمي من التعب وغير كذا الدكتور يمنعني من الحركه لاني اسقط ووبس على ضهري لين الشهر الخامس الله يخلف التعب --اقتنع هو واقنع اخوي الكبير بالغصب وصمم الا يروح للاردن للعلاج وانا اكلمهم وتقولي امي ياوليدي قلبي كاره هالروحه ماني مرتاحه لانها تستخير وما ترتاح سبحان الله المهم راح وراح معه اخوي الكبير واول ما وصلو طمنونا ويقول اخوي على طول دخلوه للمستشفى وطلبت عشاء واكل شي خفيف وتخيلو ثاني يوم الفجر سوو له عمليه استاصلو فيها المستقيم وجزء من القولون هو راح علشان الالم اللي براسه والزغلله اللي بعيونه وش دخل القولون؟؟؟؟طبعا انا ما ادري عن شي اكلم اخوي الكبير ويقولي بخير والحمد لله اقوله ابي اسمع صوته يقولي والله شوي تعباان ويصرفنا وبعد يومين قال ترى سوو له عمليه بسيطه وتكللت بالنجاح ومدري ايش طيب ليه العمليه ووين يقولي بعد العشاء ذيك الليله تضايق حيل وضطرو انهم يعملو العمليه --طيب كيف وضعه يقولي والله شوي تعبااان وانا مانسى تلك الفتره ما حيييت الوحم ذبحني والدوخه والاستفراغ الله يكرمكم والتعب النفسي والخوف لا لا موبس خوف الا هلع على ااخوي واصلي وادعي والله ان اللي يكلمني يقول اهم شي انتي لا تموتين وواضح التعب من صوتي كاني اتكلم من خشمي من شدت الاعياء- وليل نهار بكاء-المهم بعد فتره وحده من خواتي راحت تزوره واكلمها قااالت والله حييييل تعبان بس يوم شافني فرح فيني وقام ينكت ويضحك معي وطلب انه يكلم امي ياعمري ويكلمني بس كان صوته تعبااااان وكان يقولي ياعمري مشتااااااااق لطبخك ولكبستك يامممممي يقولي كذا ويقولي احب هذاك الشي اللي تحطينه فوق الرز وانا ابكي واقول والله اول ماتوصل الا اسويها لك يارب يومي قبل يومك ياحبيبي ويضحك وكلم زوجته (وكانت بهالفتره توها طالعه الاربعين ياعمري جابت ولد وبعد ولادتها بفتره بسيطه صارت هالاحداث وكان حريص انه يخلص عقيقة الولد قبل ما يسافر)واول ماطلعت زوجته الاربعين سافرت له ونفس الشي الكل يقولي تعبان شوي وكلها فتره ويرجع ان شاء الله طبيعي- ما ادري ليش كنت اصدق كلامهم اتصور الكل عارف وش اللي صاير الا انا وامي --المهم هوتعب وهبل فيهم يبي يرجع للسعودية وبعد فتره جو وما انسى ذاك اليوم كانت امي واختي الكبيره في بيته ذيك الفتره ,وراح يستقبلهم ولد اختي بالمطار وانا كل شوي اتصل المهم الصدمه يوم وصل تقولي اختي انهم شايلينه ما يقدر يمشي وصاير جلد وعضم ووجهه تعبااااااان سبحان الله راح يمشي برجوله ولافيه شي ورجع جثه والله زي الجثه- برضه ما كانو يقولون لي التفاصيل وبعد ما وصل طلب منهم يدقون علي يبي يكلمني وانا اقعد اصيح واقول ابي اجي اشوفك قاااال والله ما تجين كيف تجين وانتي وضعك كذا وعيالك مدارس --اذا خلصو اختبارات وانتي سمح لك الدكتور تعااالي انا بعد مشتاق لكم --ووضعه كل ماله يتردى وحاطين له بالجنب جهاز لاخراج البراز الله يكرمكم ووضعه لازم مستشفى وهو رافض انه يروح لمستشفى الملك فهد صااار يكرهه وجابو له امر من خادم الحرمين ومن الامير سلطان الله يرحمه بانه يدخل مستشفى التخصصي مع ذلك التخصصي رفض والله تعذب اخوي الكبير وهو يركض يبي موافقه لان وضعه خلاص صعب وبالمووووت يالله دخلوووه بهالفتره خلصو عيالي اختبارات وانا خلاص انهبلت ابي اروح له ويسال اختي هم خلصو عيالها اختبارات قالت اليوم اخر شي قال اجل قوليلها تجي -وسبحان الله طلب من زوجي انه يجيب معه شريط كاسيت قراان للقارئ للشيخ الدبيخي وقاله اهم شي فيه سورة التوبه والانفال لانهم دوروله بالرياض وما حصلوا للشيخ --رحنا ووصلنا الرياض اخر الليل وقالي زوجي نبي ننام والصباح نروح له وانا منين يجيني النوم -امي واختي وبنت اختي بدو يوضحون لي ان الامر صعب ما قدرت انام ذيك الليله نار شبت في قلبي وفي جسمي يالله فعلا كانت كربه مرينا فيها الله يكتب لنا الاجر يارب - وما صدقت طلع الصبااااح وصحي زوجي والله احس ان نفسي اذا طلع ما يرجع من الخوف والقلق وافكر بيني وبين نفسي اقول لو يصير لاخوي شي انا وش يصير بحاللي ما تتخيلون هو ااااغلا ما بالدنيا عندي -وما قام زوجي الا الساعه ثمان ونروح له -يااااااااه شعور ما انساه كان شعوري مختلط بين شوووووق لشوفته وخوووووف عليه وحزن مايعادله حزن -ولا انسى لحضة دخولي عليه ووالله ما اقدر اوصفها مع اني ماكان وودي ااحسسه انه متعب المهم دخلت وكان يدري اننا جايينه بالطريق قايلتله اختي واخوي كانو مرافقين معه وكان ينتضرنا بشوووووق المهم دخلت وسيداااااا عليه واحبه وابكي واحبه بقوه بالرغم من الاجهزه المحيطه به مع راسه ويدينه وهو يتبسم -ياااااااااااه كيف صاير شكله متغير حيل ذبلان وضعفاااااان وراسه ما فيه شعر ويسال عن العيال كيف اختباراتهم ووانا كيف احوالي وكيفي مع الوحام والحمل ويسالني باي شهر قلت يووووه لا تسالني اهم شي انت ياجعلي فدوه لك-- قال الحمد لله --والله مرينا بكربه ما يعلم فيها الا الله -زوجته الله يجزاها الف خير تاركه عيالها وعنده بالمستشفى اختي الكبيره ياااااارب تكتب لها الاجر تركت الوالده مسنه وأقامت معه مرافقه دائمه هذي الانسانه لو اكتب مجلدااات والله قليله بحقها والله لساني يعجز عن التعبير وحروفي عن الكتابه واقول الله لا يحرمن منك ومن وجودك يالغاليه- وااااخوي الكبير الله يخليه لنا مهما اقول ما اوفيه حقه ترك العمل وكل شي بس معاه ويركض يحاول يطلع تقرير من التخصصي بحالة اخوي لكي ينقله للخارج للعلاج والتخصصي رفض وعذرهم ان الحاله ميؤوس منها-ووبنته ياحياتي بس دمعتها على خدها وتنتضر متى يطلع ويجيهم بالبيت -ووليده كان بالصف الاول وتوه بادي يتعلم الكتابه وكل يوم يرسله رساله مع امه ويقول (يبه متى ترجع لنا انا مشتاااق لك )خواتي الثانيات وعيالهن وبناتهن والاقارب الكل يدعي والكل يتصدق والكل يسال ويجيبون مشايخ يقرون عليه ووكاااان يتعب حيل من الرقيه احس كل شي تغير لا الليل هو الليل ولا النهار هو النهار والنوم ما انام واذا نمت شوي اقعد مفزوعه وكأن اللي حاصل هذا حلم -بديت اسمع من اهلي من غير ما يقصدون انه مرضه خطير ومااااأدري ليش اطرد هالفكره ااقول لا اخوي قالي فتره ويرجع طبيعي على كلام الدكتور اللي بالاردن يقول كلها ثلاث شهور ويطيب أثاااااري كلها ثلاث شهووور وخلااااااااااااااص-- ولما زرته ثاني يوم قررت اني اقرا هو باي قسم لاني والله اادخل واطلع بدون اي تركيز كل شي مشوش عندي ولما وصلت واقرى عند مدخل القسم مكتووووب (قسم الاوراااام)لما قريت هالعباره كل شي بجسمي تزلزل حسيت بأنهيار داخلي ومع ذلك حاولت اني اتماسك لان غرفته قريبه من المدخل -رجعت منهاااااااره والكل يطالع فيني اشوف في نضراتهم الحب والشفقه والحزن ووكل شي والمشكله امي ااااااه يا امي تنتضر اللي يجون من زيارته كل ليله ولازم تسال كل واحد يجي وش قال ووش تكلم ووش صار حتى لوهي كانت زايرته -وكلنا نحاول نتماسك قدامها--المهم انه مره قال شغلولي القران وطلب الشيخ الدبيخي وشغل زوجي المسجل واعتقد كان يقرى سورة التوبه وهو يقول الله ياناس انا لما اسمع هالسور احس اني مع الصحابه --ويقولي ووش رايك بلحيتي قلت تهبل قال والله راح اخليها على طول ان شاء الله وهو يوصيهم قبل ما اجي يقول قولولها اني ابي اعفي لحيتي فرحت كثير لهالكلام --انا بهالفتره اصحي الضهر اكل قطعة خبزه مع جبنه على كاسة شاي وبالغصب تروح مع حلقي واروح ازوره واجلس عنده لين اااخر الليل بدون ااكل على فطوري واارجع منهاره والحمل ما تابعته ولا انا يمه--المهم اني دريت اني اخوي فيه سرطان وقمت اسال اول شي رحت لاختي اللي زارته في الاردن قلتلها اااخوي وش فيه في البداية حاولت تتهرررررب وقلت خلاص كل شي واضح اصلا من شفت وجهه ياعمري عرفت--قالت خلاص مادامك عارفه هو فيه سرطان بس ان شاء الله فيه امل وااقعد اصيح واقولها قولي والله فيه امل احلفي(استغفر الله ) كنت مثل الغريق ابي اتعلق باي امل قالت لما رحت للاردن دخلت على الدكتور وسالته عن حالت اخوي قالي هو فيه وورم بسيط في المستقيم ولما راح لمستشفى الملك فهد وحطو الجهاز ضخو الدم بسرعه فائقه وانتشر السرطان في جميع اجزاااااااااااااء جسمه حتى الرأس -انتشر في القالون والرائتين والرأس هنااااااااااا مافيه داعي اشرح حالتي --واروح لاخوي واختي اللي مرافقين معه قلت انا دريت بحالته بس ليش ما علمتوني قالو كيف تبينا نخبرك وانتي هذي حالتك-بهالفتره قلنا لازم نحاول معه بحليب الابل وابوالهاوخلطة العسل وكان يرفض رفض تااااام لكن كان الوحيد اللي يوافقله هو زوجي فكان يجيه الضهر وبالليل علشان يشربه العلاج وكان حييل يتضايق ياعمري عذبناااه -وبهالفتره انا مادريت انه عارف طبيعة مرضه وتفاجئت انه عارف--وتسولفي اختي الكبيره كيف عرف -وتقول اول ما دخلنا للتخصصي استدعو اخوي الكبير وقالوله الان لازم تعلمه بطبيعة مرضه قاااال لا مستحيل قالو له اذا ما علمته انت حنا بنعلمه قالهم خلاص عطوني مهله لبكرا ويقعد يترجاهم ووافقو قالو الساعه ثمان الصبح اذا ما علمته حنا بنعلمه ويوم جا بكرا وعلى الساعه ثماان الاربع تخيلو دقو على ااخوي وسألوه علمته قال انا جااي هلحين لان اخوي رايح مشوار وكان بعيد عن المستشفى قال انا جاي واعلمه اصبرو شوي قالو اااسفين-ويسكرون الخط وتقول ااختي انا كنت قاعده عنده وهم يجونه اثنين حسبي الله عليهم هم ومديرهم الشيعي وقالوا لاخوي المريض اانت تدري وش مرضك ؟قال لا --
قالو انت فيك سرطاااااااان ومنتشر في جميع جسدك ومنتشر بالراس بعد يعني مااااااااااااااافيه اامل -أاه -أاه -أاه
ويجي اخوي الكبير يركض يبي يلحق قبل ما يعلمونه -الا توهم طااالعين منه ويدخل قال لاختي هم علموه قالت ايه قال:ليييييييييش حسبي الله عليهم--كان وواقف وهويطيح من طوله ناضرله اخوي المريض ووقال ليش تتضايقون حنا مسلمين ولازم نكون مؤمنين وين ايمانكم وين الايمان بالقضاء والقدر والحمد لله على كل حال ويقعد ياعمرررررررررري يهدي فيهم ويذكرهم بالايمان وانه مافيه انسان مخلد-ماشاء الله عليه كيف كان ثبااته اول مادرى بالخبر --بعدها التزم الصمت لمدة نصف ساعه تقريبا وتقول اختي انا لزمت الصمت بعد-وتقول اشوفه غرق بالتفكير بعدها قلت ابي اقطع عليه صمته وقلت: حبيبي وش تفكر فيه قال افكر ببنتي وعيالي قلت لا تفكر فيهم راح نحطهم بعيونا تقول وقمت اهديه وان اي شي تبيه يصير وبعدها اارتاح--وما انسى مره كانت زوجته مرافقه معه كانت تقعد طول الليل معه تعتني فيه وكااان يفرح لما يشوفها تقول قام يتالم ويصيح من الالم وجاه الدكتور يشوفه وقالت يادكتور الله يخليك شوف له حل حرام يتالم تخيلو وش رد الدكتور واخوي يسمع-- قالها عوزاني اعمله ايه دا شي طبيعي دا السرطان ينخر ينخر في المخ هي انهااااااااارت من هالكلام واخذوها الممرضات وحطوها على سرير ثاني وقامو يعالجونها --وبعدها قال اخوي الكبير ماعاد ترافقين معه انتي
ما تتحملين--مرت الاحداث سريعه وهو كل يوم تتردى حالته اكثر من قبل ومن شدة الالم ماينام وجسمه ما يتحرك فيه الا راسه ويدينه وكان يعطونه منوم علشان يرتاح ووبدا يدخل بغيبوبه ثم يفيق بالرغم من اللي سمعته واللي شفته ماأدري ليش عقلي وقلبي يرفض كلامهم وصرت بين الامل والياس واقول كثير ناس شافاهم الله وان شاء الله بيطيب واحيانا تنتابني حالات هلع وخوف والحمد لله على كل حال وتخيلو اني كنت حامل والقسم اللي هو فيه كله اشعاعات وكيمياوي وغرفة الاشعاعات مقابله غرفته يعني فيه خطوره علي وقالو لي البسي كمام ولا تجين كل يوم واذا جيتي لا تطولين قلت مااااااقدر مستحيل انحرم من شوفته ابي اجلس اطول فتره ممكنه عنده --دخل حبيبي وعزوتي بغيبوبه ونجي ونروح ولا يحس فينا تقريبااستمرت معه الغيبوبه ثلاث او اربع ايام في اليوم الاخير جاه شيخ يقرا عليه هذا الشيخ قرا عليه قبلها بيوم وقال واضح ان اللي فيه عين المهم وفي هذا اليوم يقول اخوي بدى الاوكسجين ينخفض والضغط انخفض مررره فخاف على اختي الكبيره لانها موجوده فبسرعه قالها امشي ابي اوديك للبيت لان الشيخ بيجي قالت عادي اروح للانتضار ورفض اخوي الايوديها للبيت ووداها والشيخ جا لاخوي المريض وقام يقر عليه والدكاتره والممرضات مجتمعين عنده ويحاولون انقاذه وبهالفتره سبحاااااان الله صحا ناضر للشيخ ونطق الشهااااااده يقول الشيخ الله يوفقه لقنته الشهااااده فقالها كامله والحمد لله .ومااااااات وهومبتسم والتعب اللي على وجهه صار بياض--زوجي صحا وراح لهم قبل صلاة الضهر انا طبعا ما دريت واحاول انام واحس السرير صار نااار وكوابيس واحلام مزعجه قمت الضهر وادق على اختي الا جوالها مقفل ولاول مره تقفل جوالهاوادق على اخوي ما يرد وادق على زوجي ما يرد شوي ويرسلي زوجي رساله ويقول مقدر ارد عليك عندي رجال والشيخ يقرا عليه -ما صدقت هالكلام وارسله رساله قلت احلفك بالله اخوي فيه شي قال هو بخير ومدري ايش
قلت ابي اروح عند اامي ومدري ليش حسيت باللي صار كله وانا محد قالي المهم جاني ولد اختي وبنت اختي خليت عيالي نايمين ورحت زي المجنونه وتدق بنت اختي على اهلي وتقولهم حنا قريب المهم دخلت البيت ما تدخلون مثل دخلتي ان شاء الله الا الحريم ينتضروني ادخل انا شفتهم قلت لااااااااااااااااااااا لا تقولووووووووووووووون ---وهم يمسكوني ويسكرون علي ويضموني ضم ويقولن لي قولي لا اله الا الله قولي انا لله وانا اليه راجعون اقول وراهن وبعدين اارجع وقول ياناااس ااموت فيه هذا اخوي قالوا امك امك تعبانه لازم تتماسكين علشانها واللي كانو ماسكيني ياعمري زوجته بالرغم من انها منهاره بس ما شاء الله عليها وزوجة اخوي الكبير وبنات خالي المهم واروح عند امي ياااااااااااالله كيف كانت حالتها ولاول مره بحياتي اشوف دمعة امي عمري ما شفتها وذاك اليوم مو دموع الا انهااااار وتجي العالم تعزي ويجون زوجي واخوي الكبير الله يطولنا في عمره ويقولون والله لو انكم شايفينه انه ما تطلع دموعكن كيف ما شاء الله وجهه منور وابتسامته وكانه شايف شي يحبه وفرحان فيه ووريحته والله كأنه مسك يااااااااااااااااارب لك الحمد والشكر انك ختمت لحبيبي بهذه الخاتمه--مرت ايام العزا بعدها بكم يوم قال زوجي خلاص بنرجع لديرتنا قلت مستحيل ما اقدر ابي حول امي وكنا بشهر ثمانيه راح اسبوعين وجانا وخلاص رمضاان ما بقاله شي وصمم اننا نرجع معه وجيت لبيتي ياااااااااااه شعور ما انساه كرهت بيتي وكل شي فيه يذكرني بحبيبي واخوي لانه دايم يزورنا- وجو الناس اللي بديرتي يعزوني-رجعت منهاره و24ساعه دمعتي على خدي اللي حصل ذيك الفتره جتني كأأأاابه ووالله حتى الالوان كرهتها واحس مافيه الوان بالدنيا احس كلها كئيبه واي مكان اروحله لازم انهار فيه مره سجلت بنتي اول ما فتحت المدرسه لاني اول مره اطلع والله اني اروح ورى مبني المدرسه وابكي وابكي وابكي ثم ارجع بعض المدرسات عندهم خبر فاشوف في عيونهم الحزن علي- ووالله مو اعتراااض لا والله بس شي غصب غصب ما اقدر اتحكم بنفسي دمعتي على طول نازله -في رمضان تعبت حيل ورحت للدكتور وعلى طول سوالي تحليل ويوم طلعت النتيجه قال معك انيميا طبعا شي متوقع-انتضمت بالعلاجات والفيتامين -ووما انسى بهالفتره بنات عمي وصديقاتي ووقفتهم معي الله يبيض وجيهم وان شاء الله ما يشوفون مكروه بغالي ضلو معي وادري اني تعبتهم حييل ووحده من صديقاتي المقربات تجيني وتجيب العشاء وتلبينه تقول انها تذهب الحزن وتجيب معها حلاو ملون ومكنتوش وانواع ثانيه وتنثرهم على السفره وتقولي شوفي الالوان كيف حلوه لازم كل يوم تتفرجين على هالالوان تبي تطلعني من حالة الكأابه كرهت الطلعات والمناسبات- في شهر ذي الحجه وولدت الحمد لله وجبت بنت والكل فرح لانهم خايفين علي لاني جلد وعضم وخايفين اني ما اقدر اولد طبيعي -ووانا في غرفة الولاده طول الوقت وانا بكاءء ودعاءء لاخوي وابوي ان الله يغفر لهم واتذكره واصيح وتذكر اول لما اطلع من غرفة الولاده هو اول من يهني ويبارك ويقعد يفكر معانا بالاسم-- المهم انا وامي وخواتي حسينا بفرااااااااغ ما يملأه الاهو -ووزي ما قلت ما عاد البس ولا احط مكياج كرهت الشوارع والاسواق والله بس للضروره اروح علشان عيالي وضليت فتره طوووويله على هالحال ولا انسى بنتي ياعمري كيف نفسيتها تحطمت بسببي واذا صارت عزيمه او جمعة تقول حرام عليك ياماما كل خوياتي امهاتهم لابسات وكاشخات الا انتي وكانت حيل تتعبني بالحاها ووانا وين وهي وين ولا انسى وحده من بنات عمي ضلت وراي وراي واذكر مرة جتني وحده للبيت الله يجزاها خير وقالت طلبتك يام فلان قولي عطيتك قلت والله لو تبين روحي عطيتك قالت ابيك تحطين مكياج وتلبسين واقعد ابكي واشرح لها انه صعب بس علشان خاطر جيتك حاضر ومن عيوني وعزمتني وقالت ابي اشوفك حاطه مكياج وهالكلام صارله تقريبا سنتين من وفاته المهم يوم جاء يوم العزيمه وبديت احط المكياج تخيلو يدي تنتفض ومكياجي كله قدييم ومنتهي اصلا ما فكرت فيه او اني اشري غيره والكحل تقريبا اربع مرات احطه وينمسح من الدموع- ووالله مو جزع وان شاء الله مؤمنه بس شي غصب لان في كل شي له ذكريات يكفي انه هو اللي تسبب في اننا نحج ونسقط فروضنا انا وزوجي واختي ولدها واختي الثانيه كانت حاجه قبل وحجت مره ثانيه لابوي يارب عوضنا خير واصلح لنا عياله والان صارله على وفاته ااربع سنوات ولازال عايش معنا احس بوجوده في كل مكان ومدري ليش من فتره احس انه قريب وموجود بس كانه مسافر وراح يرجع يااااااااارب اجمعني معه في الفردوس الاعلى-اللي متعبني أأمي اذا رحتلهم تفرح فينا وتسولف علينا وشوي وتقوم تتذكره وتقول كان يسويلي كذا وكان يعملي كذا ودموعها تنزل وتقول كل ليله يجيني ويوقف شوي ويناضر فيني ويمشي- ياعمررررري تتخيله --يااااااااااارب اغفر ذنوبه واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس وجازه يارب بالحسنات احسانا وبالسيئات عفوا وغفراناهو وجميع موتانا واموات المسلمين
شكرا لكل من أزرني وواساني في فقد اعز انسان في الوجود --شكرا لكل عين دمعت ولكل لسان دعا ولكل قلب عصره الحزن -ومن هنا ارسل بطاقات شكر وعرفان لخوي الكبير واختي الكبيره وزوجي وخواتي وبناتهن وعيالهن وعلى راسهم الغالي ولد اختي الله لا يحرمني منك ومن وجودك ما انسى وقفتك وخوفك وهلعك على خالك واقولك انت عوضي بعد الله بفقد الغالي
يلزم عليك تسجيل الدخول أولًا لكتابة تعليق.
حرام عليك والله بكيييييييييييييييييت يااارب تصبرهم وتصبرنا وترحم ابوووي وابوووها واخوووي واخووووها وتسكنهم الفردوس الاعلى من الجنه
بكيتيني ولله دموعي تنزل عجزت امسك نفسي يالله لا تخلينا من اخواني يااارب الحمد لله على كل حااااااااااال
الصفحة الأخيرة
اله يرحمه ويعوضكم بالصبر ويربط على قلوبكم ويعوض زوجتة ببر ولدها
ودايما الطيب يروح والخبيث يقعد
الله يرحمه