فقدتك ياابوي بااحلى الشهور اه

.ابيات كتبتها اختي الله يحفظها في الوالد الله يرحمه وهذا ثاني رمضان يكون من دونه يارب يغفر له ويرحمه


اتمنى كل من يقراها لاينساه من الدعاء






خلاص غاب اغلى الناس والبست الدنيا ظلام

خلاص غاب اغلى الناس وضاع غالي الكلام

ياعين لاتحبسي دمعك ترى والله مالك ملام

فديت دمعن سكيب لاجلك يبه على خدي ينام






خلاص غاب اغلى الناس





يبه شوف دموعي عليها صرت معتاده

يايبه من وين ماحط عيوني ظلك يصاده

وروحك تسكن بداخلي من وين ماروح تناده

عانيت بيامك من كثر المرض وكثر الرقاده

كل مادخلت عليك اسمع اصوات ذيك العياده

يزيد همي واقول يالله تخلي لنا سيد اسياده

وكل يوم يمر علي واحس الالم فيك بزياده

اناديلك بلهفة الولهانه لصوتك; الي عليه معتاده

تجاوبني بدمعك والمك وتقول من داخلك يالله الشهاده




خلاص غاب اغلى الناس



كنت اشوف دمعك وحزنك والنفس فيك مقتوله

المس يديك امررها بوجهي اشوفها بدمعي مغسوله

اهون عليك واقول يبه قول يارب شده وتزوله

ونا من داخلي حايره ضايقه ونفسي معلوله

ويجي باكر والي بعده والنفس اليمه مخذوله

الين جاء ذاك اليوم واسمع صوت امي مخنوقه

تقول يابنيتي ابوك خلاص مات وربك اختاره



خلاص غاب اغلى الناس


ضاع الكلام ووقفت بذهل مصدومه

اجتمعت فيني دموع وعبارات مجنونه

يمه ابوي راح يعني خلاص ماعاد نشوفه

يمه ابوي خلاص غاب عن الدنيا وكونه

ااااااه يبه من لي بعدك احظن كفوفه

كيف وايش لون انساك بهذي السهوله

كيف انسى كلمة ابوي ولمن اقوله

كيف وكيف و ماينفع البكى ولا تنفع دموعه



خلاص غاب اغلى الناس




استرجعت ايامي واسترجعت الذكريات

تذكرت الي مضى من سنيني والي فات

تذكر يبه يوم انجح وتجيب لي ساعه ورديه

تذكر يبه يوم اجيك حزينه ومو متعشيه

تقولي تعالي بحضني واغنيلك اغنيه

يبه تذكر العيد بوستك لي كانت احلى هديه

يبه هذي السنه مافي عيد والفرحه عاديه

يبه شوف غرفتك شوف سجادتك وهذي الادويه

باقيه الاملاك بس صاحبها عند رب البريه



خلاص غاب اغلى الناس



يامغسل لاجيت تغسله عطني من الماء بقيه

لاجل اشم ريحته واروي ذيك النفس الظميه

والبسه الكفن وخلني اشوفه باحاسيس وداعيه

ياحاملين الجنازه ليتني الي بالنعش متوفيه

خذوا طريق المقبره ركض للنفس الزكيه

ولاجيتوا تحطوه بقبره هاتوا من ترابه عطيه

واغسلوني بذاك التراب لين يكف دمعي عليه

ليتني يبه القبر الي يضمك واحظنك كل شويه

ليتني التراب الي يغطيك واشوفك كل عشيه

فديت قبرك وفديت ترابك وفديت روحك الزكيه




خلاص غاب اغلى الناس



يبه هذا كلامي ودموعي على خدي قويه

ادري انك تسمعني بس يبه لاتزعل عليه

يبه ابي رضاك ونفسك تكون علي مرضيه

ورحمة الله عليك كل صبح وعشيه



خلاص غاب اغلى الناس


يالله يارب السماوات والارض المطويه

اغفر له وارحمه واكسبه العيشه الهنيه

واسكنه الجنه والنعيم ومن حوله الف حوريه

واجمعني فيه واشوف في عيونه فرحه ابويه

ياسامعين كلامي اسالكم برب الكون والبريه

لاتطووا كلامي وتنسوا ابوي من الادعيه

ولامني لحقته مالي غير هالسطور بقيه


خلاص غاب اغلى الناس


الابيات هذي اختي نزلتها بمنتدى ثاني