وصايف الحجاز :

يبه تذكر زمان مر؟؟ يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟ لاجل هذا .. وكل هذا .. اقول اليوم يايبــه .. ملــــــــــــــل هالكون من دونك يبه وينك ؟؟ .... ولهت لنظره من عينك .... يبه وينك ؟؟ اشوفه طوّل غيابك !! ... و من ودّاك .... ما جابك !! قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟!! عساك بخير .... مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! ... و انا .. عندي امل للحين .. في رجوعك !! .... يبه بس تكفى علمني .... متى رجوعك ؟؟ .... يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..

يبه تذكر زمان مر؟؟ يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد...

اشواق الدنيا :

ابوي فقدتك ولكن ماراح أنساك سأضل ابر بك مو بالبكى ولا الدموع ولا الشكوى ولا الاشعار ولا الخواطر كلها ماراح تفيدك لكن راح أحفظ القرآن من الان عشان البسك انت وامي تاج الوقار راح اصل ارحامك وأهل مودتك فهذا من أبر البر راح اتصدق عنك بالي أقدر عليه لو أحط ماء للبسة راح اشركك بالاجر ماراح أنساك بكل عمل ودعاء وأستغفار يابوي انا بنتك الي اموت فيك وأحبك وأقضي لياليي احفظ القرآن و أدعي لك و أستغفرك لك

ابوي فقدتك ولكن ماراح أنساك سأضل ابر بك مو بالبكى ولا الدموع ولا الشكوى ولا الاشعار ولا الخواطر...

وصايف الحجاز :

..يبه .. ارجوك علمني تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! ... و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ...

..يبه .. ارجوك علمني تشوف اللي انا اشوفه ؟؟ انا اشوفك نهار و ليل ... في وسط المجلس...