فقدت احساسي معه ..

السلام عليكم ..

بعد سنوات من الاهمال من زوجي وتجاهل مشاعري ..بعد ما كنت انام كل ليلة بدموعي ..بعد ماتحملته كثير وسمعت منه كلام يجرحني كثير ..بعد مافقدت الامل انه يقدر حبي له ..بعد ماتعبني نفسيا ومعنويا واجتماعيا وماديا ..وسلبني كل حقوقي ..وصلت لمرحلة شلت من بالي انه بيكون الانسان اللي حلمت فيه عالاقل تقدير واحترام وبدت مشاعري بالتدريج تموت ..بس مهما كان يظل له احترامه وتقديره ..بس فقدت رومنسيتي بصراحه معه هو فقط بس للحين احب اولادي كثير واحن عليهم احب اهلي واخواني واموت فيهم واغرقهم بحبي وحناني ..
الحين هو بدا يقرب مني ..انا بنات مادري شفيني صرت ابعده ماتحمله ..ودي بسرعه تخلص اللحظات الرومنسيه معه ..ولمن يعيشني لحظه رومنسيه ماحس فيها زي اول ..
انا كثير مضايقه احس اني ماصرت زي اول ..قبل لاتزوج ..حيويتي وفرفشتي ورومنسيتي
وضحكي ..دمرني ببطء ..لين فقدت كل مشاعري ..
حاسه بالغبنه يابنات لمن انا كنت اعطي لمن كنت مليانه حب يكسر قلبي ومشاعري وكل شي فيني ..ولمن انا تعبت وانهديت وراحت سنين يجي بيعيد علي الام كثيره ..تصدقون يابنات وهو ××× ابكي ..اتذكر لمن كنت ××× ويبعدني ...او يحسسني انه متقرف ..مع انو انا مثقفه كثير كيف اكون انثى لطيفه ونظيفه وانيقه ..لمن صار الحين يقرب مني ..صرت اتذكر كل لحظه كان قلبي يعورني واحس بخفقه في قلبي لمن كانوا يحسدونه الناس انه انا زوجته الحنونه الطيبه اللي كنت مصدر احتواء الناس ومشاكلهم والصدر الحنون في عائلتي لكل من تضيق فيه او يمر بحزن بس هو ماقدر حبي واستهتر بمشاعري وحبي ومفاجئاتي ..وحطم كل شي يحسه جميل فيني ..

احيانا اقول ليش دايما يقولون لاي بنت اصبري ..واصبري واصبري ..الصبر جميل واجره باذن الله كبير .. بس الجميع يروح من باله انها ممكن تفقد مشاعرها وهذا اهم شي في حياة الانسانه مع زوجها ...

ساعدوني كيف استرجع مشاعري القديمه ..ارجوكم ارجوكم..