KAMAKAZY @kamakazy
عضوة جديدة
فقدت جنينيبعد انتظار اكثر من 3 سنوات الله يبدلني عنه خيرا تعالوا أحكيلكم
:(
السلام عليكم ورحمة الله وبركاته
كيفكم أخواتي العزيزات ,,,
والله من ضيقة الخلق قلت بجي افضفض لكم طاح حملي والله يبدلني خيرا منه ياكريم عاجلا غير اجل
طبعا انابكلام الطبيبات اللي تقول كان حملي في اول ايام رمضان واللي تقول في اخر شعبان يعني تقريبا قبل مايطيح من 3 ايام كان لي شهر ونص تقريبا.
وماني عارفة سبب نزوله بس كنت متخوفة من عدة أسباب:
1- أجهدت نفسي برمضان بعزايم وشيل ثقيل وانا مدري اني حامل؟؟؟
2- كنت أستخدم كريم التقشير ريتن A قبل حملي بشهر تقريبا واستخدمته مرة بأول رمضان وماكنت عارفة لسه اني حامل ولما سألت اغلب الدكاترة قالوا ان اللي تستخدم الكريم هذا بحملها او قبل حملها كفيل بأننا ننزل لها الجنين لانه يعمل تشوهات فطبعا انا مت خوف ودعيت ربي اذا بقاءه في بطني فيه خير لي يبقى واذا فيه تشوه او شي ينزل.
3- الليلة اللي قبل مايطيح فيها البيبي شلت بنتي وحطيتها بفراشها بس ماهي أول مرة أشيلها هي عمرها 3 سنوات ونص .
صحيت ثاني يوم الصبح لقيت افرارزات على لون بني فااااااااااااتح والام بالظهر واستمر معي لين اليوم كامل وريحت على ظهري ماتحركت وثاني يوم لقيت دم ينزل كنه دورة وانتم بكرامه رحت الطبيبه سوت لي اشعه بالعافيه شافت القلب ينبض بس تقول النبض ضعيف موسامعته تعالي عقب يومين وخذي المثبت (دوفاستون). وانا طبعا اخذت المثبت بس باليل الساعه 11 جتني مغصه قوووووووويه كنها طلقه ودخلت دورة المياه طاحت مني قطعه زي اللحم بحجم الصابونه وبعدها نزل دم كثير شوي عرفت انه البيبي وحمدت ربي بس كنت حزززززززززززززززينه عليه بنتي كبرت وتسألني وين اخواني ياماما.
رحت للدكتورة وسوت لي اشعه قالت الجنين نزل بس باقي الكيس وحجمه صغير ممكن ينزل بأي لحظة وتعالي بكره أسويلك تنظيف.
يابنات والله خايفة انا اسمع في حريم يعطونهم حبوب تنزل البقايا ولا دكتورة كلمتها بالتلفون رضت تعطني اسم دوا كلهم يقولون تعالي وانا خايفة مابي كل وحده تلعب فيني.
وخفت اكثر لما قالوا ان اللي ماتضبط التنظيف ممكن تضر الرحم وماتحملين عقبها عاد قبل شوي كلمت وحده ريحتني شوي قالت عطي جسمك فرصة شوي ينزل الكيس من نفسه من اسبوع الى 10 ايام قلت وبعدين قالت اذا مانزل سوي تنظيف.
اللي مرت بنفس تجربتي تنصحني الله يخليها وكذا وحده من اهلي نصحوني اروح لمدينة الملك فهد الطبية وادخل على الطوارئ وأقولهم انه نزل البيبي ومحتاجة تنظيف وهم بيسوونه بس قالوا لي ناس يمكن مايدخلونك والله محتااااااااااااااره يابنات وش أسوي حالتي صعبه.
اللي ترف وش أسوي أو وين أروح تعلمني تراني ماعرف أحد وتعبااااااانه من ظهري.
وادعووووووووووووووولي ربي يعوضني احسن منه ياكريم
21
2K
يلزم عليك تسجيل الدخول أولًا لكتابة تعليق.
KAMAKAZY
•
الله يحفظ اختي التوت الزااااااااااااااااااااااااااااااكي ولا يحرمك من الذرية الصالحة
واللي عندها رد على أسألتني انا في انتظارها
واللي عندها رد على أسألتني انا في انتظارها
الله يعوضك خبر وهذي باذن الله خيره لك
وان بانصحك تروحي لدايه تعطيك من الادويه الشعبيه اللي تنظف الرحم
انت من اي مدينه يمكن اقدر افيدك في هالشغله
وان بانصحك تروحي لدايه تعطيك من الادويه الشعبيه اللي تنظف الرحم
انت من اي مدينه يمكن اقدر افيدك في هالشغله
KAMAKAZY
•
أختي شذى الروح
مشكوووووووووووووووورة ياقلبي على تعاطفك معاي وانا من سكان الرياض
وانا فعلا جالسة اخذ من هالاعشاب والخلطات وان شاء الله تفيد بس يقوولون اذا سويت تنظيف أحمل بسرعه لان انا حملي صعب شوي بسبب ضعف التبويض
وانا مدري شاكة بشي الليلة قبل اللي ينزل علي فيها الدم الدكتورة سوت لي سونار من تحت بس كانت ايدها خفييييييييييفة وقد سوتها لي طبيبة قبلها ب 3 اسابيع برضو من تحت عشان يتاكدون من صحة الحمل .
سألت دكاترة قالوا ايسوي شي السونار من تحت اول الحمل
مشكوووووووووووووووورة ياقلبي على تعاطفك معاي وانا من سكان الرياض
وانا فعلا جالسة اخذ من هالاعشاب والخلطات وان شاء الله تفيد بس يقوولون اذا سويت تنظيف أحمل بسرعه لان انا حملي صعب شوي بسبب ضعف التبويض
وانا مدري شاكة بشي الليلة قبل اللي ينزل علي فيها الدم الدكتورة سوت لي سونار من تحت بس كانت ايدها خفييييييييييفة وقد سوتها لي طبيبة قبلها ب 3 اسابيع برضو من تحت عشان يتاكدون من صحة الحمل .
سألت دكاترة قالوا ايسوي شي السونار من تحت اول الحمل
**توته**
•
ياقلبي لازم تسوي تنظيف والا لو حملتي ثاني راح يحدث اجهاض روحي مستشفى حكومي احسن
زي دي الحاجات لاتثقي فيها بالمستشفيات الخاااصه
زي دي الحاجات لاتثقي فيها بالمستشفيات الخاااصه
الصفحة الأخيرة
الله يعوضك خيرا منه..
اللهم اجر اختنا في مصيبتها واخلف لها خيرا منها..
اصبري اختاه فان مع العسر يسرا..
ومن رزقك اياه قادر عل ان يرزقك غيره..
لك اجمل تحية..